Joel 1:2

Ang Biblia 2011

Pamatia kini, kamong mga tigulang nga katawhan pamati kamong tanan nga nagpuyo sa yuta! Nahitabo ba ang ingon niining butanga sa inyong mga adlaw o sa mga adlaw sa inyong mga katigulangan?

Cross References

Job 12:12

Ang kaalam anaa sa mga gulang, ug ang pagpanabot anaa sa gitas-on sa mga adlaw.

Job 15:10

Ang mga ubanon ug ang mga tigulang ania uban kanamo, tigulang pa kay sa imong amahan.

Job 21:7

Ngano nga nabuhi man ang mga daotan, nakaabot sa gulang nga panuigon ug nagtubo diha sa gahom?

Job 8:8

“Kay susiha ang mga panahon nga nangagi, ug palandonga unsay nakita sa katigulangan;

Salmo 49:1

Pamatia kini, kamong tanang katawhan! Pamati kamong tanan nga nagpuyo sa kalibotan,

Isaias 34:1

Duol kamo, O mga nasod, aron sa pagpamati, ug pamati, O mga katawhan! Papamatia ang yuta ug ang tanan nga nakapuno niini, ang kalibotan, ug ang tanan nga gikan niini.

Isaias 7:17

Ang Ginoo magdala nganha kanimo ug sa imong katawhan ug sa balay sa imong amahan sa mga adlaw nga wala pa mahitabo sukad niadtong adlawa nga mibulag ang Efraim gikan sa Juda—ang hari sa Asiria.”

Jeremias 30:7

Ah! kanang adlawa dako kaayo, walay sama niini; kini maoy panahon sa kaguol ni Jacob; apan siya maluwas gikan niini.

Jeremias 5:21

“Pamatia kini, O mga buangbuang ug walay alamag nga katawhan, nga adunay mga mata apan dili makakita, nga adunay mga dalunggan apan dili makadungog.

Daniel 12:1

“Nianang panahona si Michael motungha, ang dakong pangulo nga nagdumala sa imong katawhan. Moabot ang panahon sa kasamok nga wala pa gayod mahitabo sukad nga adunay usa ka nasod hangtod nianang panahona, apan nianang panahona luwason ang imong katawhan, ang tanan nga ang ngalan makita diha sa basahon.

Oseas 4:1

Pamatia ang pulong sa Ginoo, katawhan sa Israel, kay ang Ginoo adunay pakigbangi sa mga nagpuyo sa yuta. Walay pagkamatinumanon o kaayo o pag-ila sa Dios diha sa yuta.

Oseas 5:1

Pamatia kini, O mga pari! Tagda, O balay sa Israel! Paminawa, O balay sa hari! Kay ang paghukom mahitungod kaninyo; kay kamo nahimong lit-ag sa Mispa, ug pukot nga gibukhad didto sa Tabor.

Joel 1:14

Paggahin ug panahon sa pagpuasa, pagtawag ug usa ka balaang panagtigom. Tigoma ang mga kadagkoan ug ang tanang nagpuyo sa yuta ngadto sa balay sa Ginoo nga inyong Dios ug pagtuaw kamo ngadto sa Ginoo.

Joel 2:2

adlaw sa kangitngit ug sa kadulom, adlaw sa mga panganod ug sa hilabihan nga kangitngit! Sama sa kaitom may milukop sa kabukiran nga usa ka dako ug gamhanan nga katawhan; wala pay sama kanila sukad sa unang panahon ug walay mahisama kanila sa mga katuigan sa tanang kaliwatan.

Amos 3:1

Pamatia kining pulong nga gisulti sa Ginoo batok kaninyo, O katawhan sa Israel, batok sa tibuok nga panimalay nga akong gikuha gikan sa yuta sa Ehipto:

Amos 4:1

“Pamatia kining pulonga, kamong mga baka sa Basan, nga anaa sa bukid sa Samaria, nga nagdaogdaog sa mga kabos, nga nagduot sa mga nanginahanglan, nga nag-ingon sa ilang mga bana, ‘Pagdala aron makainom kita!’

Amos 5:1

Pamatia ninyo kining pulong nga akong gihimo alang kaninyo diha sa pagbangutan, O balay sa Israel:

Miqueas 1:2

Pamati, kamong mga katawhan, kamong tanan; patalinghog, O yuta, ug tanan nga anaa niini; ug tugoti ang Ginoong Dios nga mahimong saksi batok kaninyo, ang Ginoo gikan sa iyang balaan nga templo.

Miqueas 3:1

Ug ako miingon: Pamati, kamo nga mga pangulo ni Jacob ug mga tigmando sa balay ni Israel! Dili ba alang kaninyo ang pagkahibalo sa hustisya?—

Miqueas 3:9

Pamatia kini, kamo nga mga pangulo sa balay ni Jacob ug mga tigmando sa balay ni Israel, nga nagsalikway sa hustisya ug nagtuis sa tibuok nga buhat sa kaangayan,

Mateo 13:9

Ang may igdulungog kinahanglang magpatalinghog.”

Mateo 24:21

Kay moabot unya ang dakong kalisdanan nga wala pa mahitabo sukad sa sinugdan sa kalibotan hangtod karon ug dili na gayod mahitabo pa.

Gipadayag 2:7

Ang adunay igdulungog kinahanglan nga magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug pagtugot sa pagkaon gikan sa kahoy sa kinabuhi nga anaa sa paraiso sa Dios.’