Joel 1:14

Ang Biblia 2011

Paggahin ug panahon sa pagpuasa, pagtawag ug usa ka balaang panagtigom. Tigoma ang mga kadagkoan ug ang tanang nagpuyo sa yuta ngadto sa balay sa Ginoo nga inyong Dios ug pagtuaw kamo ngadto sa Ginoo.

Cross References

2 Mga Hari 10:20

Ug si Jehu misugo, “Himoa ang usa ka balaan nga panagtigom alang kang Baal.” Busa ila kining gipahibalo.

2 Cronicas 20:13

Ang tanang katawhan sa Juda mitindog sa atubangan sa Ginoo uban ang ilang mga gagmay, ang ilang mga asawa ug ang ilang mga anak.

Nehemias 8:18

Sa matag adlaw sukad sa unang adlaw hangtod sa kataposang adlaw, siya nagbasa gikan sa basahon sa Balaod sa Dios. Ug ilang gituman ang kasaulogan sulod sa pito ka adlaw ug sa ikawalo nga adlaw adunay balaang panagtigom sumala sa tulumanon.

Ester 4:16

“Lakaw, tigoma ang tanang mga Judio nga makit-an diha sa Susa, ug paghimo kamo ug pagpuasa alang kanako ug ayaw kamo pagkaon o pag-inom sulod sa tulo ka adlaw, gabii ug adlaw. Ako usab ug ang akong mga sulugoon nga babaye magpuasa sama sa inyong gibuhat. Unya moadto ako sa hari bisan ug supak kini sa balaod, ug kon ako mamatay, mamatay ako.”

Jeremias 14:2

“Ang Juda nagsubo, ug nagluya ang mga ganghaan niini; ang iyang katawhan nagbangutan diha sa yuta, ug ang pagtuaw sa Jerusalem midangat sa itaas.

Jeremias 36:9

Sa ikalima nga tuig ni Jehoiakim nga anak ni Josias, hari sa Juda, sa ikasiyam nga bulan, ang tanang katawhan sa Jerusalem ug ang tanang katawhan nga miabot gikan sa mga siyudad sa Juda ngadto sa Jerusalem nagpahibalo ug usa ka pagpuasa sa atubangan sa Ginoo.

Joel 1:2

Pamatia kini, kamong mga tigulang nga katawhan pamati kamong tanan nga nagpuyo sa yuta! Nahitabo ba ang ingon niining butanga sa inyong mga adlaw o sa mga adlaw sa inyong mga katigulangan?

Levitico 23:36

Pito ka adlaw kamo nga maghalad ug halad pinaagi sa kalayo alang sa Ginoo. Sa ikawalo nga adlaw paghimo kamo ug usa ka balaan nga panagtigom ug paghalad ug usa ka halad pinaagi sa kalayo alang sa Ginoo; kini usa ka balaan nga panagtigom. Dili kamo magbuhat ug buluhaton nga bug-at.

Jonas 3:5

Ug ang katawhan sa Ninibe mituo sa Dios; sila nagpahibalo ug usa ka pagpuasa ug nagsul-ob ug bisti nga sako, gikan sa labing halangdon kanila hangtod sa labing ubos kanila.

Jonas 3:8

kondili bistihi ninyo ug sako ang tawo ug ang mananap ug pasinggita sila ug kusog ngadto sa Dios. Oo, pabiyaa ang matag usa kanila gikan sa iyang daotan nga pamaagi ug gikan sa kabangis nga anaa sa iyang mga kamot.

Sofonias 2:1

Panagtigom kamo, panagtigom, O nasod nga walay ulaw,