Joel 1:12

Ang Biblia 2011

Ang paras nalaya, ug ang kahoyng igera nalawos. Ang granada, ang palma ug ang mansanas, ang tanang kahoy sa kaumahan nangalaya; ang kalipay nawala gikan sa mga anak sa mga tawo.

Cross References

Salmo 4:7

Nagbutang ikaw ug kalipay sa akong kasingkasing labaw pa kay sa ilang mabatonan sa panahon nga daghan ang ilang trigo ug ang ilang bino.

Salmo 92:12

Ang matarong molambo sama sa palmera, ug motubo sama sa cedro sa Lebanon.

Awit sa mga Awit 2:3

Sama sa usa ka kahoy nga mansanas taliwala sa kalasangan, mao usab ang akong hinigugma taliwala sa kalalakin-an. Sa dakong kalipay mipasilong ako sa iyang landong, ug ang iyang bunga tam-is sa akong pagtilaw.

Awit sa mga Awit 4:13

Ang imong mga saha usa ka tanaman sa mga granada uban ang mga pinili nga bunga, hena uban ang mga nardo,

Isaias 16:10

Ug gikuha ang kasadya ug ang kalipay gikan sa mabungahon nga uma; ug didto sa parasan walay alawiton nga giawit, walay singgit nga gipatugbaw; wala nay tigpuga nga nagpuga sa bino diha sa pug-anan; ang singgit gipahunong.

Isaias 24:11

Adunay usa ka pagtuaw didto sa kadalanan tungod sa kakulang sa bino; ang tanan nga kalipay nangitngitan; ang kasadya sa yuta nahanaw.

Isaias 24:7

Ang bino nagbangutan, ang paras nag-antos, ang tanang nagmaya nanghupaw.

Isaias 9:3

Imong gipadaghan ang nasod, imong gipatubo ang kalipay niini; sila nangalipay sa imong atubangan sama sa kalipay sa pag-ani, sama sa mga tawo nga nangalipay sa ilang pagbahin sa inilog.

Jeremias 48:3

“Pamatia! Usa ka pagsinggit gikan sa Horonaim, ‘Ang pagkabiniyaan ug dakong pagkalaglag!’

Jeremias 48:33

Ang kamaya ug kalipay gikuha gikan sa mabungahon nga yuta sa Moab; gipahunong nako ang bino gikan sa mga pug-anan sa bino; walay nagyatak niini uban ang pagsinggit sa kalipay; ang pagsinggit dili singgit sa kalipay.

Joel 1:10

Ang kaumahan nangadaot, ang yuta nagsubo; tungod kay gilaglag ang trigo, ang bino nauga, ang lana nahubas.

Joel 1:16

Wala ba kuhaa ang pagkaon sa atubangan sa atong mga mata, ang kalipay ug ang kasadya gikan sa balay sa atong Dios?

Jonas 4:7

Apan sa diha nga mibanagbanag ang kabuntagon sa pagkasunod adlaw, ang Ginoo nag-andam ug usa ka ulod nga modaot sa tanom nga tungod niana nalaya kini.

Hageo 2:19

Ang mga trigo anaa pa ba sa kamalig? Ang paras, ang igos, ang granada ug ang kahoyng olibo, wala pa ba gihapon mobunga? Sukad niining adlawa, ako magpanalangin kaninyo.”

Malaquias 3:11

Badlongon nako ang dulon tungod kaninyo aron dili na kini maglaglag sa mga bunga sa inyong yuta, ug ang inyong paras sa yuta dili mapakyas sa pagpamunga, nag-ingon ang Ginoo sa mga panon.

Numeros 13:23

Unya miabot sila sa Walog sa Escol ug didto nagputol sila ug usa ka sanga uban ang usa ka pungpong nga ubas, ug giyayongan nila kini sa usa ka yayongan taliwala sa duha ka tawo. Nagdala usab sila ug mga granada ug mga igos.