Jeremias 9:8

Ang Biblia 2011

Ang ilang dila usa ka udyong nga makamatay; kini nagsulti nga malimbongon; pinaagi sa iyang baba ang matag usa nagsulti nga makigdaiton sa iyang isigkatawo, apan diha sa iyang kasingkasing siya naglaraw ug pagpangatang kaniya.

Cross References

2 Samuel 3:27

Ug sa pagbalik ni Abner sa Hebron, gidala siya ni Joab ngadto sa taliwala sa ganghaan aron sa pagpakigsulti kaniya sa tago, ug didto gidunggab niya siya diha sa tiyan, nga tungod niana namatay siya tungod sa dugo sa igsoon ni Joab nga si Asahel.

Salmo 12:2

Ang matag usa nagsulti ug bakak ngadto sa iyang silingan; uban sa ngabil nga nag-ulog-ulog ug sa kasingkasing nga palingpaling, sila nagsulti.

Salmo 12:3

Putlon unta sa Ginoo ang tanang mga ngabil nga nag-ulog-ulog, ang dila nga nagsulti ug mga dagkong pagpangandak,

Salmo 120:3

Unsa ba ang ihatag kanimo? Ug unsa pa ba ang buhaton kanimo, ikaw nga malimbongong dila?

Salmo 28:3

Ayaw ako ug kuhaa uban sa mga daotan, uban sa mga tigbuhat ug daotan, nga nagsulti ug pakigdait sa ilang isigkatawo, apan ang pagkadaotan anaa sa ilang mga kasingkasing.

Salmo 35:20

Kay wala sila magsulti ug pakigdait, kondili batok sa mga mapaubsanon sa yuta naglaraw sila ug mga malimbongong mga pulong.

Salmo 55:21

Ang iyang pagpanulti hapsay pa sa mantikilya, apan gubat ang anaa sa iyang kasingkasing; ang iyang mga pulong lumo pa sa lana, apan diay inandam nga mga espada.

Salmo 57:4

Ang akong kalag ania taliwala sa mga liyon nga mga tumutukob sa mga anak sa tawo; ang ilang mga ngipon mga bangkaw ug mga udyong ug ang ilang dila mga hait nga espada.

Salmo 62:5

Kay sa Dios lamang maghulat sa hilom ang akong kalag, kay gikan kaniya ang akong paglaom.

Salmo 64:8

Tungod sa ilang dila laglagon niya sila; ang tanan nga makakita kanila maglingolingo sa ilang mga ulo.

Mga Panultihon 25:18

Ang usa ka tawo nga nagsaksi ug bakak batok sa iyang isigkatawo sama sa usa ka puspos o espada o sa talinis nga udyong.

Jeremias 5:26

Kay ang mga daotang tawo nakita uban sa akong katawhan; sila naghupo sama sa mga mangangayam nga nag-atang. Sila nagbutang ug usa ka lit-ag; sila manakop ug mga tawo.

Jeremias 5:9

Dili ba nako sila silotan tungod niining mga butanga? nag-ingon ang Ginoo; ug dili ba ako manimalos sa nasod nga sama niini?

Jeremias 9:3

Ilang gibawog ang ilang mga dila sama sa pana; ang kabakakan ug dili ang kamatuoran maoy nalig-on diha sa yuta; kay sila nagpadulong gikan sa kadaotan ngadto sa kadaotan, ug sila wala makaila kanako, nag-ingon ang Ginoo.

Jeremias 9:4

Pabantaya ang matag usa sa iyang silingan ug ayaw kamo pagsalig ni bisan kinsang igsoon; kay ang matag igsoon limbongan, ug ang matag silingan molibot ingon nga usa ka tigpanaot.

Jeremias 9:5

Ang matag usa naglimbong sa iyang silingan, ug walay misulti sa matuod; ilang gitudloan ang ilang dila sa pagsulti ug mga bakak ug sila nagbuhat ug kasal-anan ug luya sa paghinulsol.

Miqueas 6:12

Ang imong mga tawo nga adunahan napuno sa kabangis; ang imong mga lumulupyo nagsulti ug bakak, ug ang ilang dila limbongan sulod sa ilang baba.