Jeremias 9:25

Ang Biblia 2011

“Tan-awa, ang mga adlaw nagsingabot, nag-ingon ang Ginoo, nga ako magsilot kanilang tanan nga tinuli apan dili tinuli—

Cross References

Jeremias 25:23

ang Dedan, ang Tema, ug ang Buz, ug ang tanan nga nagpatupi sa ilang buhok;

Jeremias 4:4

Bag-oha ang inyong kaugalingon alang sa Ginoo, ug putlia ang inyong mga kasingkasing, O mga tawo sa Juda ug mga nagpuyo sa Jerusalem; kay tingali unya ug mogula ang akong kapungot sama sa kalayo ug mosunog nga walay makapalong niini, tungod sa kadaotan sa inyong mga binuhatan.”

Jeremias 49:32

Ang ilang mga kamilyo mahimong tinulis, ang mga panon sa ilang mga baka, inilog. Akong patibulaagon ngadto sa tanang dapit kadtong nagputol sa buhok sa ilang tampihak, ug ipadala nako ang ilang katalagman gikan sa tanang kilid nila, nag-ingon ang Ginoo.

Ezequiel 28:10

Ikaw mamatay sa kamatayon sa mga dili tinuli pinaagi sa kamot sa mga langyaw; kay ako nagsulti niini, nag-ingon ang Ginoong Dios.”

Ezequiel 31:18

“Kang kinsa man ikaw itandi sa himaya ug sa pagkabantogan taliwala sa mga kahoy sa Eden? Ikaw pukanon uban sa mga kahoy sa Eden ngadto sa kalibotan sa ilalom. Ikaw maghigda uban sa mga dili tinuli, uban kanila nga gipamatay pinaagi sa espada. Kini mao ang Paraon ug ang tanan niyang panon sa katawhan, nag-ingon ang Ginoong Dios.”

Ezequiel 44:7

ang pagpasulod ninyo sa mga dumuduong, nga dili tinuli sa kasingkasing ug sa unod, aron makasulod sa akong balaang dapit sa pagpasipala niini, sa akong Templo, sa diha nga gihalad ninyo ang akong pan, ang tambok ug dugo. Inyong gilapas ang akong kasabotan, pinaagi sa tanan ninyong mga dulumtanan.

Levitico 19:27

Ayaw ninyo putli ang buhok sa inyong tampihak ug ayaw ninyo putli ang daplin sa inyong bungot.

Levitico 26:41

nga tungod niana ako naglakaw batok kanila ug nagdala kanila ngadto sa yuta sa ilang mga kaaway, apan unya kon ipaubos nila ang ilang kasingkasing nga daotan, ug magbayad tungod sa ilang kasal-anan,

Amos 3:2

“Kamo lamang ang akong nailhan sa tanang mga panimalay sa yuta; busa silotan ko kamo tungod sa tanan ninyong mga kasal-anan.

Roma 2:28

Kay ang pagka-Judio dili diha sa dayag lamang o sa dayag nga pagtuli sa unod.

Roma 2:29

Ang pagka-Judio anaa sa sulod, ug ang pagkatinuli anaa sa kasingkasing, pinaagi sa Espiritu ug dili sa nasulat, kay ang pagdayeg dili gikan sa tawo kondili gikan sa Dios.

1 Samuel 14:6

Unya si Jonatan miingon ngadto sa batan-ong lalaki nga maoy nagdala sa iyang hinagiban, “Tana, mangadto kita sa kampo sa mga dili tinuli, basin ug ang Ginoo molihok alang kanato kay walay makapugong sa Ginoo sa pagluwas pinaagi sa daghan o pinaagi sa diyotay.”

1 Samuel 17:26

Si David miingon sa mga tawo nga nagtindog tupad kaniya, “Unsay buhaton sa tawo nga makapatay niining Filistihanon, ug makakuha sa pagkatalamayon sa Israel? Kay kinsa ba kining dili tinuli nga Filistihanon nga siya naghagit man sa mga panon sa kasundalohan sa buhing Dios?”