Jeremias 9:17

Ang Biblia 2011

Mao kini ang giingon sa Ginoo sa mga panon: “Palandonga kini ninyo, ug ipatawag ang mga babaye nga tigbangutan aron moanhi; paadtoi ang mga batid nga mga babaye aron moanhi;

Cross References

2 Cronicas 35:25

Si Jeremias naglitok ug pagbangotan alang kang Josias ug ang tanang mga lalaki ug babaye nga mag-aawit naghisgot mahitungod kang Josias sa ilang mga pagbangotan hangtod niining adlawa. Gihimo nila kini nga usa ka tulumanon sa Israel, ug tan-awa, nasulat kini diha sa Mga Pagbangotan.

Job 3:8

Ipatunglo sila niadtong nagtunglo sa adlaw, niadtong mga hanas sa pagpukaw sa Leviatan.

Ecclesiastes 12:5

mangahadlok usab sila niadtong habog, ug ang kalisang anaa sa dalan; ang kahoyng almendras mamulak, ang dulon mag-aginod sa iyang kaugalingon, ug ang tinguha mapakyas tungod kay ang tawo moadto sa iyang pinuy-anan nga dayon, ug ang mga nagbangutan magsuroysuroy sa kadalanan;

Jeremias 7:29

Putli ang imong buhok ug isalibay kini; pagbangutan didto sa hawan nga kabungtoran kay ang Ginoo misalikway ug mibiya sa kaliwatan sa iyang kapungot.’

Mga Pagbangotan 2:5

Ang Ginoo nahimong sama sa usa ka kaaway; iyang gilaglag ang Israel; iyang gilaglag ang tanan nga mga palasyo niini, gipanglaglag ang mga salipdanan niini; ug iyang gipadaghan ang pagsubo ug ang pagbangutan sa anak nga babaye sa Juda.

Ezequiel 27:2

“Ug ikaw, anak sa tawo, pagbangutan alang sa Tiro,

Ezequiel 32:16

Kini mao ang pagbangutan nga ilang awiton; ang mga anak nga babaye sa mga nasod mag-awit niini, tungod sa Ehipto ug tungod sa tanan niyang panon sa katawhan, sila mag-awit niini, nag-ingon ang Ginoong Dios.”

Amos 5:1

Pamatia ninyo kining pulong nga akong gihimo alang kaninyo diha sa pagbangutan, O balay sa Israel:

Miqueas 2:4

Nianang adlawa sila magbiaybiay kaninyo ug magbakho uban ang pait nga pagbangutan, ug moingon, “Kami nagun-ob gayod; giusab niya ang bahin sa akong katawhan; naunsa nga gikuha man kini gikan kanako! Sa mga nagbihag kanamo gibahin niya ang among kaumahan.”

Mateo 9:23

Sa pag-abot ni Jesus sa balay sa pangulo, nakita niya ang mga tigtukar sa plawta ug ang pundok sa mga tawo nga nagkaguliyang.

Marcos 5:38

Sa pag-abot nila sa balay sa pangulo sa sinagoga, nakita niya ang kaguliyang ug ang mga tawo nga nanghilak pag-ayo ug nagminatay.