Jeremias 9:15

Ang Biblia 2011

Busa mao kini ang giingon sa Ginoo sa mga panon, ang Dios sa Israel: Akong pakaonon ug panyawan kining katawhan ug hatagan nako sila ug makahilo nga tubig aron imnon.

Cross References

Salmo 60:3

Gipaantos nimo ang imong katawhan sa mga kalisdanan; gipainom nimo kami sa bino nga makabarag kanamo.

Salmo 69:21

Gihatagan ako ug hilo ingon nga akong pagkaon; ug sa akong kauhaw, gihatagan ako nila ug suka aron imnon.

Salmo 75:8

Kay diha sa kamot sa Ginoo adunay usa ka kupa, nga may bino nga nagbula, maayong pagkasagol; ug gikan niini maghuwad siya ug kapaitan, ug ang tanan nga daotan sa kalibotan mohurot niini hangtod sa mga linugdang.

Salmo 80:5

Gipakaon nimo sila ug pan sa mga luha, ug gihatagan nimo sila ug hilabihan ka daghan nga luha aron imnon.

Isaias 2:17

Ang pagkamapahitas-on sa tawo ipaubos ug ang garbo sa mga tawo ipaubos; ug ang Ginoo lamang maoy ituboy nianang adlawa.

Isaias 2:22

Biyai ninyo ang tawo nga ang gininhawa anaa sa iyang ilong; kay sa unsa man siya isipon?

Jeremias 23:15

Busa mao kini ang giingon sa Ginoo sa mga panon mahitungod sa mga propeta: “Tan-awa, pakan-on nako sila ug panyawan ug hatagan nako sila ug tubig nga may hilo aron imnon; kay gikan sa mga propeta sa Jerusalem ang pagkadili diosnon miabot sa tibuok nga yuta.”

Jeremias 24:10

Ug ako magpadala ug espada, gutom, ug kamatay ngadto kanila hangtod nga sila mangapuo gikan sa yuta nga gihatag nako kanila ug sa ilang mga katigulangan.”

Jeremias 25:15

Kay mao kini ang giingon kanako sa Ginoo, ang Dios sa Israel: “Kuhaa gikan sa akong kamot kining kupa sa bino sa kapungot, ug paimna ang tanang mga nasod nga paadtoan nako kanimo.

Jeremias 44:27

Tan-awa, ako magbantay kanila alang sa kadaotan ug dili alang sa kaayohan. Ang tanang mga tawo sa Juda nga ania sa yuta sa Ehipto mangahurot pinaagi sa espada ug sa gutom, hangtod nga adunay kataposan kanila.

Jeremias 49:37

Akong lisangon ang Elam sa atubangan sa ilang mga kaaway, ug sa atubangan niadtong nagtinguha sa ilang kinabuhi; ipadala nako ngadto kanila ang kadaot, ang akong bangis nga kasuko, nag-ingon ang Ginoo. Ipadala nako ang espada sunod kanila, hangtod nga mahurot nako sila;

Jeremias 8:14

Nganong naglingkod kita nga hilom? Pagtigom kamo, ug manulod kita ngadto sa mga kinutaan nga siyudad ug mangamatay didto; kay ang Ginoo nga atong Dios nagsilot kanato aron mamatay, ug naghatag kanato ug tubig nga may hilo aron imnon, tungod kay kita nakasala batok sa Ginoo.

Mga Pagbangotan 3:15

Gipuno niya ako sa kapaitan, gitagbaw niya ako sa panyawan.

Mga Pagbangotan 3:19

Hinumdomi ang akong kasakitan ug ang akong kapaitan, ang panyawan ug ang apdo!

Ezequiel 5:12

Ang ikatulo nga bahin kaninyo mangamatay tungod sa kamatay ug mangapuo tungod sa gutom diha sa inyong taliwala, ug ang ikatulo nga bahin mangpukan pinaagi sa espada libot kaninyo, ug ang ikatulo nga bahin patibulaagon ngadto sa tanang dapit, ug laniton nako ang espada sunod kanila.

Ezequiel 5:2

Ang ikatulo nga bahin sunogon sa kalayo diha sa taliwala sa siyudad, sa diha nga ang mga adlaw sa pagsulong matapos na, ug kuhaon nimo ang ikatulo nga bahin ug imong tigbason sa espada libot sa siyudad, ug ang usa sa ikatulo nga bahin imong ikatag sa hangin ug laniton nako ang akong espada sunod kanila.

Deuteronomio 28:36

“Ang Ginoo magdala kaninyo ug sa inyong hari nga inyong ibutang sa ibabaw kaninyo ngadto sa nasod nga wala mailhi ninyo o sa inyong mga ginikanan. Ug didto mag-alagad kamo sa laing mga dios nga hinimo sa kahoy ug sa bato.

Deuteronomio 29:18

Pagbantay unya kamo kay tingali ug sa taliwala ninyo adunay lalaki o babaye o panimalay o banay nga ang kasingkasing motalikod gikan sa Ginoo nga atong Dios aron sa pag-adto ug sa pag-alagad sa mga dios niadtong mga nasod. Tingali unya ug diha kaninyo adunay gamot nga makahilo, ug pait nga bunga,

Gipadayag 8:11

Ang ngalan sa bituon gitawag ug Kapait. Ug ang ikatulo nga bahin sa mga tubig nahimong pait, ug daghan ang mga tawo nga nangamatay tungod sa tubig kay kini nahimo man nga pait.