Jeremias 9:12

Ang Biblia 2011

Kinsa bay tawo nga maalamon kaayo nga makasabot niini? Kinsa bay gisultihan sa Ginoo, aron siya makapahayag niini? Nganong nalaglag man ang yuta ug naawaaw sama sa kamingawan, nga tungod niini wala nay moagi?

Cross References

Salmo 107:34

ang tabunok nga yuta ngadto sa asinon nga dapit, tungod sa pagkadaotan nila nga nagpuyo niini.

Salmo 107:43

Si bisan kinsa nga maalamon, papaminawa niining mga butanga; papamalandonga sila sa gugmang walay paglubad sa Ginoo.

Isaias 42:23

Kinsa ba kaninyo ang mamati niini, motagad ug maminaw sa panahon nga umaabot?

Jeremias 23:10

Kay ang yuta napuno sa mga mananapaw; tungod sa tunglo ang yuta nagsubo ug ang mga sibsibanan sa kamingawan nangauga. Ang ilang gisubay daotan, ug ang ilang kusog dili matarong.

Jeremias 23:16

Mao kini ang giingon sa Ginoo sa mga panon: “Ayaw kamo pamati sa mga pulong sa mga propeta nga nagpropesiya kaninyo, nga nagpuno kaninyo sa mga kawang nga paglaom. Sila nagsulti ug mga panan-awon sa kaugalingon nilang mga hunahuna, ug dili gikan sa baba sa Ginoo.

Jeremias 23:22

Apan kon sila mibarog diha sa akong tambag, makasangyaw unta sila sa akong mga pulong ngadto sa akong katawhan, ug mapalikay unta nila sila gikan sa daotan nilang dalan, ug gikan sa daotan nilang mga buhat.

Jeremias 23:28

Ang propeta nga adunay damgo pasultiha sa damgo, apan siya nga nagbaton sa akong pulong pasultiha sa akong pulong diha sa pagkamatinud-anon. Unsa bay kalabotan sa dagami ug sa trigo? nag-ingon ang Ginoo.

Jeremias 9:20

Pamatia, O mga kababayen-an, ang pulong sa Ginoo, ipadawat sa inyong mga igdulungog ang pulong sa iyang baba; tudloi sa pagbangutan ang inyong mga anak nga babaye, ug awit sa lubong sa matag silingan niya.

Ezequiel 14:23

Ug sila maghupay kaninyo, sa diha nga kamo makakita sa ilang mga pamaagi ug sa ilang mga binuhatan, ug kamo mahibalo nga ako wala magbuhat sa walay hinungdan sa tanan nga akong gibuhat diha niini, nag-ingon ang Ginoong Dios.”

Oseas 14:9

Si bisan kinsa nga maalamon makasabot niining mga butanga, si bisan kinsa nga may panabot makahibalo niini. Kay ang mga dalan sa Ginoo matarong ug ang matarong maglakaw subay niini apan ang mga malapason mahisukamod diha niini.

Oseas 4:10

Sila magkaon apan dili mangabusog; sila magpakighilawas apan dili mosanay; tungod kay ilang gibiyaan ang Ginoo aron sa paglipay sa ilang mga pagpakighilawas.

Joel 1:11

Pangalibog kamo, O mga tig-ugmad sa yuta, pagminatay, O mga tig-atiman sa paras, alang sa trigo ug sa sebada; tungod kay ang ani sa uma nahanaw.

Sofonias 3:6

Gipanglaglag nako ang mga nasod; ang ilang mga salipdanan nangaguba; ang ilang kadalanan gihimo nako nga awaaw aron nga walay makaagi niini; ang ilang mga siyudad nangatumpag, walay tawo, walay nagpuyo.

Mateo 24:15

“Busa inigkakita ninyo sa makalilisang nga pagpasipala diha sa Templo nga gihisgotan sa propeta nga si Daniel, nga magtindog sa Dapit nga Balaan (pasabta niini ang magbasa),

Deuteronomio 32:29

Kon maalamon pa sila, makasabot unta sila niini, masabtan unta nila ang ilang kataposan!

Gipadayag 1:3

Bulahan ang magbasa ug mamati sa mga pulong sa propesiya, ug magtuman sa nasulat niini kay ang panahon duol na.