Jeremias 9:11

Ang Biblia 2011

Himoon nako ang Jerusalem nga usa ka tinapok sa nangatumpag, usa ka puluy-anan sa mga irong ihalas; ug buhaton nako ang mga siyudad sa Juda nga biniyaan, wala nay magpuyo.”

Cross References

Nehemias 4:2

Ug siya miingon diha sa atubangan sa iyang kaigsoonan ug sa kasundalohan sa Samaria, “Unsay gibuhat niining mga luya nga mga Judio? Ipahiuli ba nila ang mga butang? Maghalad ba sila? Makahuman ba sila niini sa usa ka adlaw? Mapabalik ba nila ang mga bato gikan sa mga tinapok nga linabay ug mga sinunog?”

Salmo 107:43

Si bisan kinsa nga maalamon, papaminawa niining mga butanga; papamalandonga sila sa gugmang walay paglubad sa Ginoo.

Salmo 44:19

apan ikaw nagdugmok kanamo sa dapit sa mga ihalas nga iro ug gitabonan nimo kami sa hilabihan nga kangitngit.

Salmo 79:1

O Dios, ang mga nasod miabot nganhi sa imong panulundon; gipasipad-an nila ang imong balaan nga Templo; giguba nila ang Jerusalem.

Isaias 13:22

Ang mga iro nga ihalas mag-uwang diha sa mga tore niini, ug ang mga mananap nga pintas diha sa maanindot nga palasyo, ang panahon niini hapit na moabot, ug ang mga adlaw niini dili na lugwayan.

Isaias 25:2

Kay imong gihimo nga usa ka tinapok ang usa ka siyudad, ang kinutaang siyudad nagun-ob; ang dangpanan sa mga langyaw dili na usa ka siyudad, kini dili na gayod matukod pag-usab.

Isaias 34:13

Ang mga tunok moturok sa ilang mga kuta, ang mga kadyapa ug sampinit diha sa mga salipdanan niini. Kini mahimong puluy-anan sa mga iro nga ihalas, ug puluy-anan sa mga abistros.

Isaias 44:26

nga nagpamatuod sa pulong sa iyang sulugoon, ug nagbuhat sa tambag sa iyang mga sinugo; nga nag-ingon mahitungod sa Jerusalem, ‘Siya puy-an,’ ug mahitungod sa mga siyudad sa Juda, ‘Sila tukoron ug patindogon nako ang ilang mga guba;’

Jeremias 1:15

Kay, tan-awa, ako magtawag sa tanang mga banay sa mga gingharian sa amihanan, nag-ingon ang Ginoo. Ug sila mangabot, ug ang matag usa magpahiluna sa iyang trono diha sa agianan sa mga ganghaan sa Jerusalem, batok sa tanang mga paril nga naglibot niini, ug batok sa tanang mga siyudad sa Juda.

Jeremias 10:22

Pamatia ang huhungihong! Tan-awa, miabot na!— usa ka dakong kagahob gikan sa amihanan aron sa paghimo sa mga siyudad sa Juda nga kamingawan, puluy-anan sa mga irong ihalas.

Jeremias 16:10

“Ug sa diha nga sultihan nimo kining katawhan niining tanan nga mga pulong, ug sila moingon kanimo, ‘Ngano man nga ang Ginoo nagpadayag niining tanan nga dagkong kadaot batok kanamo? Unsay among kalapasan? Unsay among sala nga nahimo batok sa Ginoo nga among Dios?’

Jeremias 25:11

Kining tibuok nga yuta mahimo nga ginuba ug biniyaan, ug kining mga nasora mag-alagad sa hari sa Babilonia sulod sa 70 ka tuig.

Jeremias 25:18

ang Jerusalem ug ang mga siyudad sa Juda, ang mga hari ug ang mga pangulo niini, aron sa paghimo kanila nga biniyaan ug usa ka kalisangan, usa ka talamayon ug usa ka tinunglo, sama niining adlawa;

Jeremias 26:18

“Si Mikeas nga taga-Moreset nagpropesiya sa mga adlaw ni Hesekias nga hari sa Juda ug misulti sa tibuok katawhan sa Juda, ‘Mao kini ang giingon sa Ginoo sa mga panon, Ang Zion darohon sama sa uma; ang Jerusalem mahimong tinapok nga mga ginuba, ug ang bukid sa balay mahimong kakahoyan.’

Jeremias 26:9

Nganong nagpropesiya man ikaw pinaagi sa ngalan sa Ginoo nga nag-ingon, ‘Kining balaya mahisama sa Silo, ug kining siyudara mahimong biniyaan nga walay nagpuyo’?” Ug ang tibuok katawhan mialirong kang Jeremias didto sa balay sa Ginoo.

Jeremias 34:22

Ako magsugo, nag-ingon ang Ginoo, ug dad-on nako sila pagbalik niining siyudara, ug sila makig-away batok niini ug magkuha niini ug magsunog niini sa kalayo. Ang mga siyudad sa Juda himoon nako nga mingaw, walay magpuyo.”

Jeremias 4:27

Kay mao kini ang giingon sa Ginoo, “Ang tibuok nga yuta mahimong biniyaan, apan dili nako kini taposon.

Jeremias 44:2

“Mao kini ang giingon sa Ginoo sa mga panon, ang Dios sa Israel: Nakakita kamo sa tanang kadaotan nga akong gipadala ngadto sa Jerusalem ug ngadto sa tanang mga siyudad sa Juda. Tan-awa, niining adlawa sila mangahimo nga biniyaan, ug walay tawo nga magpuyo didto

Jeremias 49:33

Ang Hasor mahimong puluy-anan sa mga iro nga ihalas, biniyaan nga dayon; walay tawo nga magpuyo didto, walay tawo nga magpuyo niini.”

Jeremias 50:3

“Kay gikan sa amihanan migula ang usa ka nasod batok kaniya, nga maghimo sa iyang yuta nga biniyaan ug walay usa nga magpuyo niini; ang tawo ug mananap mangagiw.

Jeremias 51:37

ug ang Babilonia mahimong usa ka tinapok sa mga ginuba, usa ka puluy-anan sa mga iro nga ihalas, usa ka kalisangan ug usa ka talamayon nga walay nagpuyo.

Jeremias 8:22

Wala bay tambal sa Gilead? Wala bay mananambal didto? Busa ngano man nga wala maulii sa maayong panglawas ang anak nga babaye sa akong katawhan?

Mga Pagbangotan 1:4

Ang kadalanan paingon sa Zion nagbangutan, tungod kay walay miadto sa gitakda nga mga kasaulogan; ang tanan niyang mga ganghaan biniyaan, ang iyang mga pari nag-agulo; ang iyang mga ulay gipaantos, ug siya gayod anaa sa kapaitan.

Mga Pagbangotan 2:2

Ang Ginoo milaglag nga walay kukaluoy sa tanang puluy-anan ni Jacob; sa iyang kasuko, gipangguba niya ang mga salipdanan sa anak nga babaye ni Juda; iyang gipukan ngadto sa yuta diha sa kaulawan ang gingharian ug ang mga pangulo niini.

Mga Pagbangotan 3:47

kalisang ug kapukanan midangat kanamo, pagkagun-ob ug pagkalaglag;

Levitico 26:32

Laglagon usab nako ang yuta ug mahibulong ang inyong mga kaaway nga magpuyo niini.

Miqueas 1:6

Busa buhaton nako ang Samaria nga tinapok sa kapatagan, usa ka dapit nga tamnan sa mga paras; ug ligiron nako ang mga bato niini ngadto sa walog, ug ipadayag ang iyang mga patukoranan.

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Miqueas 6:16

Kay imong gituman ang mga lagda ni Omri, ug ang tanang mga buhat sa balay ni Ahab; ug ikaw naglakaw diha sa ilang mga tambag; aron ikaw himoon nako nga biniyaan, ug ang mga nagpuyo niini talamayon. Busa kamo mag-antos sa mga pagtamay sa mga katawhan.”

Deuteronomio 29:23

ang tibuok nga yuta niini asupri ug asin ug nagdilaab, wala pugsi ug walay nagtubo niini, diin walay sagbot nga makaturok, sama sa pagkalaglag sa Sodoma ug sa Gomora, sa Adma ug sa Zeboim nga gilaglag sa Ginoo sa iyang kapungot ug kaligutgot—

Gipadayag 18:2

Ug siya misinggit sa kusog nga tingog nga nag-ingon, “Nagun-ob na, nagun-ob na ang bantogang Babilonia! Ug nahimo na siyang puluy-anan sa mga demonyo, ug tagoanan sa tanang hugawng espiritu, ug tagoanan sa tanang langgam nga hugaw ug tagoanan sa tanang mananap nga hugaw ug dulumtanan