Jeremias 8:7

Ang Biblia 2011

Bisan ang talabon sa kalangitan nahibalo sa iyang mga panahon; ug ang tukmo, ang sayaw ug ang lapay nagbantay sa panahon sa ilang pag-abot; apan ang akong katawhan wala mahibalo sa tulumanon sa Ginoo.

Cross References

Awit sa mga Awit 2:12

Ang kabulakan nanungha ibabaw sa yuta, ang panahon sa pag-awit miabot na, ug ang tingog sa tukmo nadungog dinhi sa atong yuta.

Isaias 1:3

Ang baka nakaila sa iyang tag-iya, ug ang asno sa pasungan sa iyang agalon; apan ang Israel wala makaila, ang akong katawhan wala makasabot.”

Isaias 27:11

Sa diha nga ang mga sanga niini mangalaya, kini mangaputol; ang mga babaye manganhi ug magdaob niini. Kay kini usa ka katawhan nga walay salabotan; busa siya nga nagbuhat kanila dili maluoy kanila, ug siya nga maoy nag-umol kanila dili mopakita ug kaluoy kanila.

Isaias 5:12

Aduna silay lira ug alpa, tambor, plawta ug bino sa ilang mga kasaulogan, apan wala nila panumbalinga ang mga buhat sa Ginoo o makita ang gihimo sa iyang mga kamot.

Jeremias 4:22

“Kay ang akong katawhan mga buangbuang, wala sila makaila kanako; sila hungog nga mga anak, ug wala silay mga salabotan. Sila mga batid sa pagbuhat ug kadaotan, apan sa pagbuhat ug maayo sila walay kahibalo.”

Jeremias 5:6

Tungod niini usa ka liyon nga gikan sa lasang mopatay kanila, usa ka lobo gikan sa kamingawan molaglag kanila. Usa ka leopardo magbantay batok sa ilang mga siyudad, ang matag usa nga mogula gikan didto kuniskunison; kay ang ilang mga kalapasan daghan, ang ilang mga pagbiya sa pagtuo nagkadaghan.

Habacuc 1:4

Busa ang balaod walay gahom, ug ang hustisya wala gayod magpadayon. Kay ang daotan naglibot sa matarong, busa ang hustisya nagpadayon nga gituis.

Zacarias 5:9

Unya giyahat nako ang akong mga mata, ug nakita nako ang duha ka babaye nga nagpadulong! Ang hangin diha sa ilang mga pako. Aduna silay mga pako nga sama sa mga pako sa usa ka talabong ug ilang gialsa ang sudlanan tungatunga sa yuta ug sa langit.