Jeremias 8:2

Ang Biblia 2011

Unya katagon kini ilalom sa adlaw ug sa bulan ug sa tanang panon sa langit nga ilang gihigugma ug gialagaran, nga ilang gisunod ug ilang gipangita ug gisimba. Ug dili kini tigumon o ilubong; mahimo kining sama sa kinalibang diha sa yuta.

Cross References

2 Mga Hari 17:16

Ug ilang gisalikway ang tanang mga sugo sa Ginoo nga ilang Dios ug naghimo sila alang sa ilang kaugalingon ug duha ka tinunaw nga mga larawan sa nating baka ug naghimo sila ug usa ka Asera ug nagsimba sa tanang panon sa langit ug nag-alagad kang Baal.

2 Mga Hari 21:3

Kay iyang gitukod pag-usab ang mga habog nga dapit nga gigun-ob ni Hesekias nga iyang amahan, ug nagpatindog siya ug mga halaran alang kang Baal ug naghimo siya ug usa ka Asera, sama sa gihimo ni Ahab nga hari sa Israel, ug nagsimba sa tanang mga panon sa langit ug nag-alagad kanila.

2 Mga Hari 21:5

Ug siya nagtukod ug mga halaran sa tanang mga panon sa langit diha sa duha ka hawanan sa balay sa Ginoo.

2 Mga Hari 23:5

Ug iyang gipapahawa ang mga pari nga nag-alagad sa mga diosdios nga gisugo sa mga hari sa Juda sa pagsunog ug insenso sa habog nga mga dapit sa mga siyudad sa Juda ug sa mga dapit nga naglibot sa Jerusalem, ingon man usab niadtong nagsunog ug insenso alang sa Baal, sa adlaw ug sa bulan ug sa mga planeta ug sa tanang panon sa kalangitan.

Salmo 53:5

Anaa sila sa hilabihang kahadlok, sa kahadlok nga wala pa nila masinati! Kay ang Dios magkatag sa mga bukog niya nga nakigbatok kanimo; pakaulawan nimo sila, tungod kay ang Dios nagsalikway man kanila.

Salmo 83:10

nga nangamatay didto sa Endor, nga nangahimong pundok sa kinalibang alang sa yuta.

Salmo 83:11

Himoa ang ilang mga halangdon nga sama kang Oreb ug kang Zeeb, ang tanan nilang mga pangulo nga sama kang Zeba ug kang Zalmuna,

Ecclesiastes 6:3

Kon ang tawo manganak ug usa ka gatos ka bata, ug mabuhi sa daghang mga tuig, nga tungod niana ang mga adlaw sa iyang mga tuig modaghan, apan wala makapahimulos sa mga maayong butang sa kinabuhi ug usab walay lubnganan, ako moingon nga ang pagkatawo sa dili pa panahon maayo pa kay kaniya.

Jeremias 14:16

Ug ang katawhan nga ilang gipropesiyahan ipanglabay sa kadalanan sa Jerusalem, mga biktima sa gutom ug sa espada ug walay molubong kanila—kanila, sa ilang mga asawa, sa ilang mga anak nga lalaki ug sa ilang mga anak nga babaye. Kay akong ibubo kanila ang ilang pagkadaotan.

Jeremias 16:11

ingna sila: ‘Tungod kay ang inyong mga katigulangan mibiya kanako, nag-ingon ang Ginoo, ug misunod sa laing mga dios ug nag-alagad ug nagsimba kanila ug mibiya kanako, ug wala magtuman sa akong balaod,

Jeremias 16:4

Sila mangamatay sa mga sakit nga makamatay. Dili sila hilakan o ilubong, sila mahimong sama sa kinalibang sa ibabaw sa yuta. Sila mangamatay pinaagi sa espada ug sa gutom ug ang ilang mga patayng lawas mahimong pagkaon alang sa mga langgam sa kalangitan, ug alang sa mga mananap sa yuta.

Jeremias 16:6

Ang mga dagko ug mga gagmay mangamatay dinhi niining yutaa. Dili sila ilubong, ug walay magbangutan alang kanila, o magsamad sa iyang kaugalingon o magpaupaw sa iyang kaugalingon tungod kanila.

Jeremias 19:13

Ang mga balay sa Jerusalem ug ang mga balay sa mga hari sa Juda mahugawan sama sa dapit sa Tofet tungod sa tanang mga balay nga ang mga atop gisunogan ug insenso alang sa tanang panon sa langit ug nagbubo ug halad nga ilimnon alang sa laing mga dios.’ ”

Jeremias 22:19

Uban sa paglubong sa usa ka asno, ilubong siya, guyoron ug isalibay hangtod sa unahan sa ganghaan sa Jerusalem.”

Jeremias 25:33

“Ug ang mga pinatay sa Ginoo nianang adlawa molukop gikan sa usa ka tumoy sa yuta ngadto sa pikas. Sila dili hilakan o hipuson o ilubong; sila mahimong kinalibang sa ibabaw sa yuta.

Jeremias 31:40

Ang tibuok nga walog sa mga patayng lawas ug sa mga abo, ug ang tanang mga uma hangtod sa sapa sa Kidron, ngadto sa eskina sa Ganghaan sa Kabayo paingon sa silangan, mahimong balaan alang sa Ginoo. Kini dili ibton, o lumpagon pa hangtod sa kahangtoran.”

Jeremias 36:30

Busa mao kini ang giingon sa Ginoo mahitungod kang Jehoiakim nga hari sa Juda: Wala siyay usa nga molingkod sa trono ni David, ug ang iyang lawas isalibay ngadto sa kainit panahon sa adlaw ug sa katugnaw panahon sa kagabhion.

Jeremias 9:20

Pamatia, O mga kababayen-an, ang pulong sa Ginoo, ipadawat sa inyong mga igdulungog ang pulong sa iyang baba; tudloi sa pagbangutan ang inyong mga anak nga babaye, ug awit sa lubong sa matag silingan niya.

Jeremias 9:21

Kay ang kamatayon midangat sa atong mga bintana, misulod kini sa atong mga palasyo, nanghabas sa mga kabataan gikan sa kadalanan, ug sa mga batan-ong lalaki gikan sa mga taboan.

Jeremias 9:22

Isulti, “Mao kini ang giingon sa Ginoo: ‘Ang mga patayng lawas sa mga tawo mangapukan sama sa kinalibang diha sa hawan nga uma, sama sa mga binugkos sa mga tig-ani ug walay motigom niini.’ ”

Ezequiel 29:5

Ug isalibay ko ikaw ngadto sa kamingawan, ikaw ug ang tanang mga isda sa imong mga suba, mahulog ikaw sa hawan nga kapatagan ug dili mahipos ug malubong. Ngadto sa mga mananap sa yuta ug sa mga langgam sa kalangitan, gihatag ko ikaw ingon mga pagkaon.

Ezequiel 39:5

Ikaw mapukan diha sa hawan nga patag; kay ako nagsulti niini, nag-ingon ang Ginoong Dios.

Ezequiel 6:5

Akong pabuy-oron ang mga minatay sa katawhan sa Israel sa atubangan sa ilang mga diosdios ug akong ikatag ang inyong mga bukog libot sa inyong mga halaran.

Ezequiel 8:16

Ug gidala niya ako ngadto sa sulod nga hawanan sa balay sa Ginoo, didto sa pultahan sa templo sa Ginoo, sa tungatunga sa agianan ug sa halaran, may mga 25 ka tawo, nga ang ilang likod nag-atubang sa templo sa Ginoo, ug ang ilang mga nawong gipaatubang sa silangan ug sila nagyukbo ngadto sa adlaw, nag-atubang sila sa silangan.

Sofonias 1:17

Akong dad-on ang kasakitan diha sa mga tawo, aron sila maglakaw sama sa mga buta, tungod kay sila nakasala batok sa Ginoo; ang ilang dugo iyabo sama sa abog, ug ang ilang unod sama sa kinalibang.

Sofonias 1:5

kadtong nagsimba sa mga panon sa langit nga anaa sa mga atop sa balay; kadtong nagsimba ug nanumpa ngadto sa Ginoo, apan nanumpa pinaagi sa ngalan ni Milcom,

Mga Buhat 7:42

Apan ang Dios mitalikod kanila ug mitugyan kanila ngadto sa pagsimba sa mga bituon sa kalangitan, sumala sa nasulat sa basahon sa mga propeta nga nag-ingon: ‘Gihalaran ba ako ninyo ug mga inihaw ug mga halad sulod sa 40 ka tuig didto sa kamingawan, O balay ni Israel?

Deuteronomio 17:3

ug miadto ug mialagad sa laing mga dios ug misimba kanila, o sa adlaw o sa bulan o sa bisan unsa sa panon sa langit nga akong gidili,

Deuteronomio 4:19

Ug pagmatngon kamo kay tingali unya ug sa pagyahat ninyo sa inyong mga mata sa langit ug sa dihang makita ninyo ang adlaw ug ang bulan ug ang mga bituon, ang tanang panon sa langit, madani kamo ug mosimba kanila ug mag-alagad kanila, mga butang nga gihatag sa Ginoo nga inyong Dios alang sa tanang mga katawhan ilalom sa tibuok nga langit.