Jeremias 8:14

Ang Biblia 2011

Nganong naglingkod kita nga hilom? Pagtigom kamo, ug manulod kita ngadto sa mga kinutaan nga siyudad ug mangamatay didto; kay ang Ginoo nga atong Dios nagsilot kanato aron mamatay, ug naghatag kanato ug tubig nga may hilo aron imnon, tungod kay kita nakasala batok sa Ginoo.

Cross References

2 Samuel 20:6

Ug si David miingon kang Abisai, “Karon si Seba nga anak ni Bikri magbuhat kanato ug labaw nga kadaot kay sa gibuhat ni Absalom. Dad-a ang mga sulugoon sa imong agalon, apasa siya kay tingali unya ug makuha niya ang mga kinutaang siyudad ug moikyas gikan kanato.”

Salmo 39:2

Nagpakaamang ako ug nagpakahilom; gipugngan nako ang akong kaugalingon bisan sa maayo; misamot hinuon ang akong kasakit,

Salmo 69:21

Gihatagan ako ug hilo ingon nga akong pagkaon; ug sa akong kauhaw, gihatagan ako nila ug suka aron imnon.

Isaias 47:5

Lingkod nga maghilom, ug adto sa kangitngitan, O anak nga babaye sa mga Caldeanhon; kay ikaw dili na tawgon nga rayna sa mga gingharian.

Jeremias 14:20

Among giila ang among pagkadaotan, O Ginoo, ug ang kasal-anan sa among mga katigulangan kay nakasala kami batok kanimo.

Jeremias 14:7

“Bisan ang among mga kasal-anan nagpamatuod batok kanamo, pagbuhat, O Ginoo, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Jeremias 23:15

Busa mao kini ang giingon sa Ginoo sa mga panon mahitungod sa mga propeta: “Tan-awa, pakan-on nako sila ug panyawan ug hatagan nako sila ug tubig nga may hilo aron imnon; kay gikan sa mga propeta sa Jerusalem ang pagkadili diosnon miabot sa tibuok nga yuta.”

Jeremias 3:25

Manghigda kami sa among kaulawan, magpatabon kami sa among pagkatinamay, kay nakasala kami batok sa Ginoo nga among Dios, kami ug ang among mga katigulangan, gikan sa among pagkabatan-on bisan hangtod niining adlawa; ug kami wala magtuman sa tingog sa Ginoo nga among Dios.”

Jeremias 35:11

Apan sa diha nga si Nabucodonosor nga hari sa Babilonia misulong sa yuta, kami miingon, ‘Dali, mangadto kita sa Jerusalem tungod sa kahadlok sa kasundalohan sa mga Caldeanhon ug sa kasundalohan sa mga Siriahanon.’ Busa ania, nagpuyo kami sa Jerusalem.”

Jeremias 9:14

apan mapugsanon hinuon silang misunod sa ilang kasingkasing ug nagsunod sa mga Baal, ingon sa gitudlo kanila sa ilang mga katigulangan.

Jeremias 9:15

Busa mao kini ang giingon sa Ginoo sa mga panon, ang Dios sa Israel: Akong pakaonon ug panyawan kining katawhan ug hatagan nako sila ug makahilo nga tubig aron imnon.

Mga Pagbangotan 3:19

Hinumdomi ang akong kasakitan ug ang akong kapaitan, ang panyawan ug ang apdo!

Levitico 10:3

Unya si Moises miingon kang Aaron, “Kini mao ang gisulti sa Ginoo, ‘Ipakita nako ang akong kaugalingon nga balaan ngadto kanila nga duol kanako, ug sa atubangan sa tibuok nga katawhan himayaon ako.’ ” Ug si Aaron naghilom lamang.

Amos 6:10

Ug sa diha nga ang kadugo sa usa ka tawo, siya nga nagsunog kaniya, magkuha kaniya aron sa pagdala sa mga bukog gawas sa balay ug moingon kaniya nga anaa sa kinasuloran nga mga bahin sa balay, “Aduna pa bay usa uban kanimo?” ug siya moingon, “Wala,” unya siya moingon, “Hilom! Dili kita maghisgot sa ngalan sa Ginoo.”

Habacuc 2:20

Apan ang Ginoo ania sa iyang balaan nga Templo; pahiloma sa atubangan niya ang tibuok nga kalibotan.

Zacarias 2:13

Paghilom, tanang katawhan, sa atubangan sa Ginoo, kay siya nahigmata gikan sa iyang balaan nga puluy-anan.

Mateo 27:34

si Jesus gihatagan nila ug bino nga sinagolan ug apdo aron iyang imnon. Apan sa natilawan niya kini, wala siya moinom.

Deuteronomio 29:18

Pagbantay unya kamo kay tingali ug sa taliwala ninyo adunay lalaki o babaye o panimalay o banay nga ang kasingkasing motalikod gikan sa Ginoo nga atong Dios aron sa pag-adto ug sa pag-alagad sa mga dios niadtong mga nasod. Tingali unya ug diha kaninyo adunay gamot nga makahilo, ug pait nga bunga,

Deuteronomio 32:32

Kay ang ilang paras gikan sa paras sa Sodoma ug gikan sa mga kaumahan sa Gomora; ang ilang mga paras mga paras nga makahilo ang ilang mga pungpong pait.