Jeremias 7:9

Ang Biblia 2011

Mangawat ba kamo, mopatay, manapaw, manumpa ug bakak, magsunog ug insenso ngadto kang Baal, ug magsunod sa laing mga dios nga wala ninyo mailhi,

Cross References

1 Mga Hari 18:21

Ug si Elias miduol ngadto sa tibuok katawhan ug miingon, “Hangtod kanus-a ba nga kamo magpalingpaling taliwala sa duha ka panghunahuna? Kon ang Ginoo mao ang Dios, sunod kamo kaniya, apan kon si Baal, sunod kamo kaniya.” Ug ang katawhan wala motubag kaniya bisan usa ka pulong.

Exodo 20:3

“Ayaw pagbaton ug lain nga mga dios sa akong atubangan.

Isaias 1:13

Ayaw na pagdala ug mga halad nga walay kapuslanan; ang insenso dulumtanan alang kanako. Ang bag-ong pagsubang sa bulan ug ang adlaw nga igpapahulay ug ang pagtawag sa mga panagtigom— dili ako makaantos sa kasal-anan ug sa balaang panagtigom.

Isaias 58:2

Bisan pa niini sila nangita kanako matag adlaw, ug nahimuot sa pag-ila sa akong mga pamaagi, daw usa ka nasod nga nagbuhat sa pagkamatarong ug wala magsalikway sa tulumanon sa ilang Dios; sila nangayo kanako ug matarong nga mga paghukom, sila nahimuot sa pagpaduol ngadto sa Dios.

Jeremias 1:16

Ug akong ibungat ang akong mga paghukom batok kanila, tungod sa tanan nilang kadaotan sa pagbiya kanako. Nagsunog sila ug insenso ngadto sa laing mga dios ug nagsimba sa mga buhat sa ilang kaugalingong mga kamot.

Jeremias 11:13

Kay ang inyong mga dios nahimong sama kadaghan sa inyong mga siyudad, O Juda, ug sama kadaghan sa kadalanan sa Jerusalem ang mga halaran nga inyong gitukod ngadto sa kaulawan, mga halaran nga sunogan ug insenso alang kang Baal.

Jeremias 11:17

Ang Ginoo sa mga panon nga nagtanom kanimo, nagbungat ug daotan batok kanimo, tungod sa kadaotan nga nahimo sa banay ni Israel ug sa banay ni Juda, naghagit kanako sa pagkasuko pinaagi sa pagsunog ug insenso alang kang Baal.”

Jeremias 13:10

Kining daotang katawhan, nga nagdumili sa pagpamati sa akong mga pulong, nga mapugsanon nga nagsunod sa ilang kasingkasing ug nagsunod sa laing mga dios aron sa pag-alagad kanila ug sa pagsimba kanila, mahisama niining bakos, nga dili na magpulos alang sa bisan unsa.

Jeremias 18:15

Apan ang akong katawhan nangalimot kanako, sila nagsunog ug insenso ngadto sa mga mini nga dios; sila nangapandol diha sa ilang mga agianan, sa mga karaang dalan, ug nangadto sa gagmayng mga dalan, dili sa dakong dalan,

Jeremias 19:4

Tungod kay ang katawhan mibiya kanako ug naghugawhugaw niining dapita pinaagi sa pagsunog ug insenso alang sa laing mga dios nga wala mailhi nila ug sa ilang mga katigulangan ug sa mga hari sa Juda, ug tungod kay kining dapita gipuno nila sa dugo sa mga walay sala,

Jeremias 32:29

Ang mga Caldeanhon nga makig-away batok niinig siyudara, moabot ug mosunog niini, uban sa mga balay nga ang mga atop gihalaran ug insenso alang sa Baal ug mga halad nga ilimnon gibubo alang sa laing mga dios, aron sa paghagit kanako sa pagkasuko.

Jeremias 44:3

tungod sa pagkadaotan nga ilang nahimo sa paghagit kanako sa pagkasuko, nga sila miadto sa pagsunog ug insenso, ug sa pag-alagad sa laing mga dios nga wala nila mailhi, bisan gani nila o ninyo, o sa inyong mga katigulangan.

Jeremias 44:8

Ngano nga gihagit ninyo ako sa pagkasuko pinaagi sa mga buhat sa inyong mga kamot, sa pagsunog ug insenso ngadto sa laing mga dios didto sa yuta sa Ehipto diin miadto kamo aron sa pagpuyo aron ba kamo mahimulag ug mahimong usa ka tunglo ug usa ka pagtamay sa taliwala sa tanang mga nasod sa yuta?

Jeremias 44:9

Nangalimot ba kamo sa pagkadaotan sa inyong mga katigulangan, sa pagkadaotan sa mga hari sa Juda, ug sa pagkadaotan sa ilang mga asawa, sa inyong kaugalingong pagkadaotan, ug sa pagkadaotan sa inyong mga asawa, nga ilang gibuhat didto sa yuta sa Juda, ug sa kadalanan sa Jerusalem?

Jeremias 48:35

Ug akong taposon diha sa Moab, nag-ingon ang Ginoo, siya nga naghalad ug inihaw didto sa habog nga dapit ug nagsunog ug insenso alang sa iyang mga dios.

Jeremias 5:2

Bisan pa ug sila miingon, “Ingon nga ang Ginoo buhi,” sa gihapon sila nanumpa ug bakak.

Jeremias 5:7

“Unsaon nako sa pagpasaylo kanimo? Ang imong mga anak mitalikod kanako, ug nanumpa pinaagi niadtong dili mga dios. Sa diha nga gipakaon nako sila hangtod sa pagkabusog, sila nanapaw hinuon ug nagpanon ngadto sa mga balay sa mga babaye nga nagbaligya sa ilang dungog.

Jeremias 7:6

kon kamo dili manaogdaog sa langyaw, sa mga wala nay amahan ug sa biyuda, o magpaagas ug dugo sa walay sala niining dapita, ug kon dili kamo magsunod sa laing mga dios alang sa inyong kaugalingong kadaotan,

Ezequiel 18:18

Ang iyang amahan, kay siya nanglupig man sa hilabihan, nangawat sa iyang igsoon ug nagbuhat ug dili maayo taliwala sa iyang katawhan, tan-awa, siya mamatay tungod sa iyang kasal-anan.

Ezequiel 20:30

Tungod niini sulti ngadto sa balay sa Israel, Mao kini ang giingon sa Ginoong Dios: Hugawan ba ninyo ang inyong kaugalingon sunod sa paagi sa inyong katigulangan ug mahisalaag ngadto sa ilang mga dulumtanan?

Ezequiel 23:39

Kay sa pagpamatay nila sa ilang mga anak ingon nga halad sa ilang mga diosdios, sa mao gihapong adlaw misulod sila sa akong balaan nga dapit aron sa pagpasipala niini. Tan-awa, mao kini ang ilang gibuhat diha sa akong balay.

Ezequiel 5:11

Tungod niini, ingon nga ako buhi, nag-ingon ang Ginoong Dios, sa pagkamatinuod, tungod kay gihugawan ninyo ang akong balaang dapit sa tanan ninyong makapaluod nga mga butang, ug sa tanan ninyong mga dulumtanan, busa pakunhoron ko kamo. Ang akong mata dili maglaktaw, ug ako dili maluoy.

Oseas 2:13

Silotan nako siya tungod sa mga adlaw sa mga Baal nga alang niini nagsunog siya ug insenso ug nagdayandayan sa iyang kaugalingon pinaagi sa iyang ariyos ug sa alahas ug miapas sa iyang mga hinigugma ug nalimot kanako, nag-ingon ang Ginoo.

Oseas 6:9

Ingon nga ang mga tulisan naghulat sa usa ka tawo, ang mga pari usab naghiusa, nagpatay diha sa dalan paingon sa Sekem, Oo, sila naghimo ug hilabihan ka daotan.

Amos 4:5

paghalad ug usa ka halad sa pagpasalamat gikan niadtong may patubo, ug pagsangyaw ug mga halad nga kinabubut-on ug ipahibalo kini; kay mao kini ang buot ninyong buhaton, O katawhan sa Israel!” nag-ingon ang Ginoong Dios.

Sofonias 1:5

kadtong nagsimba sa mga panon sa langit nga anaa sa mga atop sa balay; kadtong nagsimba ug nanumpa ngadto sa Ginoo, apan nanumpa pinaagi sa ngalan ni Milcom,

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

Roma 2:2

Apan nahibalo kita nga ang hukom sa Dios subay sa kamatuoran ngadto sa mga nagbuhat sa maong mga butang.

Deuteronomio 32:17

Sila naghalad ngadto sa mga demonyo nga dili mga dios, sa mga dios nga wala nila mailhi, sa mga bag-ong dios nga ulahing miabot nga wala kahadloki sa inyong katigulangan.

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”

Gipadayag 22:15

Sa gawas anaa ang mga iro, ang mga salamangkiro, ang mga makihilawason, ang mga mamumuno, ang mga nagsimba ug mga diosdios, ug ang tanang nahigugma ug naghimo sa bakak.

Mga Maghuhukom 5:8

Sa diha nga napili ang mga bag-ong dios, ang gubat diha sa mga ganghaan. Diha bay usa ka taming o bangkaw nga nakita taliwala sa 40,000 sa Israel?