Jeremias 7:4

Ang Biblia 2011

Ayaw kamo pagsalig niining bakakong mga pulong, ‘Mao kini ang Templo sa Ginoo, ang Templo sa Ginoo, ang Templo sa Ginoo.’

Cross References

1 Mga Hari 9:7

ipahimulag nako ang Israel gikan sa yuta nga akong gihatag kanila, ug kining balay nga akong gibalaan alang sa akong ngalan isalikway nako gikan sa akong panan-aw ug ang Israel mahimong usa ka sanglitanan ug usa ka talamayon diha sa tanang katawhan.

Isaias 48:2

Kay sila nagtawag sa ilang kaugalingon sunod sa balaang siyudad, ug nagpabilin diha sa Dios sa Israel; si Yahweh sa mga panon mao ang iyang ngalan.

Isaias 59:4

Walay nangaliyupo nga minatarong, walay naghangyo nga matinud-anon; sila nagsalig sa kakawangan ug nagsulti ug mga bakak, sila nagsamkon ug daotan ug nanganak ug kasal-anan.

Isaias 66:1

Mao kini ang giingon sa Ginoo: “Ang langit mao ang akong trono, ug ang yuta mao ang akong tumbanan; unsang balaya ang inyong tukoron alang kanako, ug unsang dapita ang akong pahulayan?

Jeremias 28:15

Unya si Jeremias nga propeta miingon sa propeta nga si Ananias, “Pamati, Ananias, ang Ginoo wala magpadala kanimo ug imong gipasalig kining katawhan sa bakak.

Jeremias 29:23

tungod kay nagbinoang man sila sa Israel, nanapaw sila sa mga asawa sa ilang mga isigkatawo, ug nagsulti ug mga bakak nga pulong sa akong ngalan nga wala nako isugo kanila. Ako mao ang nahibalo ug ang saksi, nag-ingon ang Ginoo.”

Jeremias 29:31

“Paadtoi ang tanang mga binihag ug pasultihi, ‘Mao kini ang giingon sa Ginoo mahitungod kang Semaias nga taga-Nehelam: Tungod kay si Semaias nagpropesiya kaninyo, nga wala man ako magpadala kaniya, ug nakahimo kaninyo sa pagsalig sa bakak,

Jeremias 6:14

Giayo nila ug diyotay ang samad sa akong katawhan, nga nag-ingon, ‘Pakigdait, pakigdait’ bisan ug walay pakigdait.

Jeremias 7:14

busa buhaton nako sa balay nga gitawag sa akong ngalan, nga inyong gisaligan, ug ngadto sa dapit nga gihatag nako kaninyo ug sa inyong mga katigulangan, ang sama sa akong gibuhat sa Silo.

Ezequiel 13:19

Gipasipalahan ninyo ako taliwala sa akong katawhan tungod sa mga hakop sa sebada ug tungod sa mga tipik sa pan, aron sa pagpatay sa mga kinabuhi nga dili angayng mamatay, ug aron sa pagluwas sa mga kinabuhi nga dili angayng mabuhi, pinaagi sa inyong pagbakak sa akong katawhan nga namati sa kabakakan.

Miqueas 3:11

Ang mga pangulo niini naghukom alang sa suborno, ang mga pari niini nagtudlo alang sa suhol, ang mga propeta niini nagpropesiya alang sa salapi; bisan pa niini sila nagsandig sa Ginoo ug nag-ingon, “Dili ba ang Ginoo ania taliwala kanato? Walay kadaot nga moabot kanato.”

Sofonias 3:11

Nianang adlawa ikaw dili ibutang sa kaulawan tungod sa tanang binuhatan nga pinaagi niini ikaw misupil kanako; kay unya akong kuhaon gikan sa imong taliwala ang imong mga tawo nga mapahitas-ong nagpalabilabi, ug ikaw dili na mapahitas-on diha sa akong bukid nga balaan.

Lucas 3:8

Pamunga hinuon kamo ug mga bunga nga angay sa paghinulsol; ug ayaw kamo pagsugod sa pag-ingon sa inyong kaugalingon, ‘Si Abraham among amahan,’ kay sultihan ko kamo nga ang Dios makahimo sa pagpatungha ug mga anak alang kang Abraham gikan niining mga bato.