Jeremias 7:34

Ang Biblia 2011

Unya akong pahilomon gikan sa mga siyudad sa Juda ug sa kadalanan sa Jerusalem ang tingog sa hudyaka ug ang tingog sa kalipay, ang tingog sa pamanhonon ug ang tingog sa pangasaw-onon kay ang yuta mahimong usa ka awaaw.

Cross References

Job 3:7

Oo, himoang mingaw kadtong gabhiona, ayaw ipaabot diha niini ang tingog nga malipayon.

Salmo 78:63

Ang kalayo milamoy sa ilang mga batan-on nga lalaki, ug ang ilang mga ulay wala nay mga alawiton sa kaminyoon.

Isaias 1:7

Ang inyong yuta nahimong awaaw, ang inyong kalungsoran nangasunog; sa inyong atubangan ang mga langyaw naglamoy sa inyong yuta; ug nahimo kining awaaw ingon nga daw gilumpag sa mga langyaw.

Isaias 3:26

Ug ang iyang mga ganghaan magbangutan ug magsubo; gipanamastamasan ug magyaka sa yuta.

Isaias 6:11

Unya miingon ako, “Hangtod kanus-a O Ginoo?” Ug siya miingon, “Hangtod nga ang mga siyudad mahimong kamingawan ug walay magpuyo, ug ang mga kabalayan walay tawo, ug ang yuta mahimong biniyaan sa hingpit,

Jeremias 16:9

Kay mao kini ang giingon sa Ginoo sa mga panon, ang Dios sa Israel: Pahunongon nako niining dapita, sa atubangan sa inyong mga mata ug sa inyong mga adlaw, ang tingog sa kasadya, ang tingog sa kalipay, ang tingog sa pamanhonon ug ang tingog sa pangasaw-onon.

Jeremias 22:6

Kay mao kini ang giingon sa Ginoo mahitungod sa balay sa hari sa Juda: “ ‘Ikaw sama sa Gilead alang kanako, sama sa kinatumyan sa Lebanon, apan himoon ko gayod ikaw nga kamingawan, siyudad nga walay magpuyo.

Jeremias 25:10

Dugang pa, wagtangon nako gikan kanila ang tingog sa kasadya ug ang tingog sa kalipay, ang tingog sa pamanhonon ug ang tingog sa pangasaw-onon, ang paggaling sa mga galingan ug ang kahayag sa lampara.

Jeremias 27:17

Ayaw kamo pamati kanila; alagari ang hari sa Babilonia ug mabuhi kamo. Nganong mahimo man gayod nga biniyaan kining siyudara?

Jeremias 33:10

“Mao kini ang giingon sa Ginoo: Niining dapita nga imong giingon, ‘Biniyaan kini, walay tawo o mananap,’ sa mga siyudad sa Juda, ug sa kadalanan sa Jerusalem nga mingaw, walay tawo o lumulupyo o mananap, didto madunggan na usab

Jeremias 33:11

ang tingog sa pagmaya ug ang tingog sa kalipay, ang tingog sa pamanhonon ug ang tingog sa pangasaw-onon, ang mga tingog niadtong nag-awit samtang nagdala sila ug mga halad sa pasalamat ngadto sa balay sa Ginoo: ‘Pagpasalamat ngadto sa Ginoo sa mga panon, kay ang Ginoo maayo, kay ang iyang gugmang walay paglubad molungtad hangtod sa kahangtoran!’ Kay ibalik nako ang maayong kahimtang sa yuta sama sa una, nag-ingon ang Ginoo.

Jeremias 4:26

Mitan-aw ako, ug akong nakita nga ang mabungahon nga yuta nahimong kamingawan, ug ang tanang mga siyudad niini nangalumpag sa atubangan sa Ginoo, sa atubangan sa iyang bangis nga kasuko.

Jeremias 4:27

Kay mao kini ang giingon sa Ginoo, “Ang tibuok nga yuta mahimong biniyaan, apan dili nako kini taposon.

Jeremias 44:6

Busa ang akong kapungot ug ang akong kasuko gibubo niini ug misilaob diha sa mga siyudad sa Juda ug sa kadalanan sa Jerusalem. Ug sila nangagun-ob ug nangahimong biniyaan ingon niining adlawa.

Mga Pagbangotan 5:14

Ang mga tigulang nga lalaki namiya sa ganghaan sa siyudad, ang mga batan-ong lalaki sa ilang huni.

Ezequiel 26:13

Ug akong pahunongon ang huni sa imong mga awit, ug ang tingog sa imong mga alpa dili na madunggan.

Ezequiel 7:11

Ang kabangis mitubo ug nahimong sungkod sa pagkadaotan. Walay usa kanila nga mahibilin, bisan ang ilang kadagaya o ang ilang bahandi, bisan pa ang pagkahalangdon sa taliwala nila.

Oseas 2:11

Taposon nako ang tanan niyang kalipay, ang iyang mga kasaulogan, ang iyang mga bag-ong subang sa bulan, ang iyang mga adlawng igpapahulay, ug ang tanan niyang mga tinakdang kasaulogan.

Oseas 2:13

Silotan nako siya tungod sa mga adlaw sa mga Baal nga alang niini nagsunog siya ug insenso ug nagdayandayan sa iyang kaugalingon pinaagi sa iyang ariyos ug sa alahas ug miapas sa iyang mga hinigugma ug nalimot kanako, nag-ingon ang Ginoo.

Levitico 26:33

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.

Miqueas 7:13

Apan ang yuta mahimong biniyaan tungod kanila nga nagpuyo niini, tungod sa bunga sa ilang mga binuhatan.

Gipadayag 18:23

ug ang kahayag sa lampara dili na gayod mosiga diha kanimo, ug diha kanimo wala na gayoy mabati pa nga tingog sa pamanhonon ug sa pangasaw-onon, kay ang imong mga tigpatigayon mao ang mga dagkong tawo sa kalibotan, ug ang tanang kanasoran nalingla tungod sa imong salamangka.