Jeremias 7:30

Ang Biblia 2011

“Kay ang mga anak sa Juda nagbuhat ug daotan sa akong panan-aw, nag-ingon ang Ginoo; sila nagpahimutang sa ilang mga dulumtanan sa balay nga gitawag sa akong ngalan, aron sa paghugaw niini.

Cross References

2 Mga Hari 21:3

Kay iyang gitukod pag-usab ang mga habog nga dapit nga gigun-ob ni Hesekias nga iyang amahan, ug nagpatindog siya ug mga halaran alang kang Baal ug naghimo siya ug usa ka Asera, sama sa gihimo ni Ahab nga hari sa Israel, ug nagsimba sa tanang mga panon sa langit ug nag-alagad kanila.

2 Mga Hari 21:4

Ug siya nagtukod ug mga halaran diha sa balay sa Ginoo nga niini ang Ginoo miingon, “Sa Jerusalem nako ibutang ang akong ngalan.”

2 Mga Hari 21:7

Ang kinulit nga larawan ni Asera nga iyang gibuhat, iyang gibutang sa balay diin ang Ginoo miingon kang David ug kang Solomon nga iyang anak, “Niining balaya ug sa Jerusalem nga akong gipili sa tibuok nga banay sa Israel, ibutang nako ang akong ngalan hangtod sa kahangtoran,

2 Mga Hari 23:12

Ang mga halaran nga diha sa atop sa kinatas-an nga lawak ni Ahas, nga gibuhat sa mga hari sa Juda ug ang mga halaran nga gibuhat ni Manases didto sa duha ka hawanan sa balay sa Ginoo, iyang gilumpag ug gipulpog ug ilang gisaliyab ang abog didto sa sapa sa Kidron.

2 Cronicas 33:15

Iyang gipanguha ang laing mga dios ug ang diosdios gikan sa balay sa Ginoo ug ang tanang mga halaran nga iyang gitukod diha sa bukid sa balay sa Ginoo ug sa Jerusalem ug gipanglabay kini ngadto sa gawas sa siyudad.

2 Cronicas 33:3

Kay iyang gitukod pag-usab ang mga habog nga dapit nga gipanglumpag ni Hesekias nga iyang amahan ug siya nagpatindog ug mga halaran alang sa mga Baal ug naghimo ug mga Asera ug nagsimba sa tanang panon sa langit ug nag-alagad kanila.

2 Cronicas 33:7

Ang larawan sa diosdios nga iyang gihimo iyang gipahimutang diha sa balay sa Dios, nga tungod niana ang Dios misulti kang David ug kang Solomon nga iyang anak, “Niining balaya ug sa Jerusalem nga akong gipili gikan sa tanang mga banay sa Israel, ibutang nako ang akong ngalan hangtod sa kahangtoran.

Isaias 66:4

ako usab magpili ug kasakitan alang kanila, ug magdala sa ilang mga kahadlok nganha kanila; tungod kay sa diha nga ako nagtawag, walay mitubag, sa diha nga ako misulti, sila wala mamati; apan gihimo nila ang unsay daotan sa akong mga mata, ug gipili kadtong wala nako kahimut-i.”

Jeremias 16:18

Ug baslan nako sa makaduha ang ilang kalapasan ug ang ilang sala tungod kay ilang gihugawhugawan ang akong yuta pinaagi sa mga walay kinabuhi nga lawas sa ilang mga diosdios nga luod, ug ilang gipuno ang akong panulundon sa ilang mga dulumtanan.”

Jeremias 23:11

“Ang propeta ug ang pari dili diosnon; bisan sa akong balay nakita nako ang ilang pagkadaotan, nag-ingon ang Ginoo.

Jeremias 32:34

Gipahimutang nila ang ilang mga dulumtanan diha sa balay nga gitawag sa akong ngalan aron sa paghugawhugaw niini.

Jeremias 32:35

Gitukod nila ang mga habog nga dapit ni Baal didto sa walog sa anak nga lalaki ni Hinom, aron sa paghalad sa ilang mga anak nga lalaki ug mga anak nga babaye ngadto kang Molec bisan ug wala ako magsugo kanila, o mosantop kini sa akong hunahuna nga buhaton nila kining dulumtanan aron pag-angin sa Juda sa pagpakasala.

Ezequiel 7:20

Ang matahom nga mga dayandayan nila ilang gipahimutang sa kawang nga himaya ug sila nagbuhat sa ilang mga dulumtanan nga larawan ug sa ilang mga talamayon nga mga butang, busa himoon nako kini nga hugaw alang kanila.

Ezequiel 8:3

Ug siya mikab-ot pinaagi sa daw usa ka kamot ug gigunitan ako pinaagi sa usa ka pungpong sa buhok sa akong ulo ug gialsa ako sa Espiritu taliwala sa yuta ug sa langit, ug gidala ako sa mga panan-awon sa Dios ngadto sa Jerusalem, ngadto sa pultahan sa ganghaan sa labing sulod nga hawanan nga nag-atubang sa amihanan, diin didto mahimutang ang lingkoranan sa larawan sa pangabubho, nga naghagit sa pagpangabubho.

Daniel 11:31

Ang mga kasundalohan gikan kaniya motungha ug hugawhugawan ang Templo ug ang kuta ug kuhaon niya ang nagpadayon nga halad nga sunogon. Ug ilang ipahimutang ang dulumtanan nga makapahimong biniyaan.

Daniel 9:27

Siya maghimo ug lig-on nga kasabotan uban sa daghan sulod sa pito ka tuig, ug sa katunga sa pito ka tuig iyang pahunongon ang mga paghalad, ug ibabaw sa pako sa mga dulumtanan moabot ang maglumpag hangtod nga ang gitakda nga kataposan ibubo ngadto sa tiggun-ob.”