Jeremias 7:22

Ang Biblia 2011

Kay sa adlaw nga gipagawas nako sila gikan sa yuta sa Ehipto, wala ako magsulti sa inyong mga katigulangan o magsugo kanila mahitungod sa mga halad nga sunogon o sa mga halad nga inihaw.

Cross References

Salmo 40:6

Halad ug gasa wala nimo tinguhaa, apan ikaw naghatag kanako ug bukas nga dalunggan. Halad nga sunogon, ug halad tungod sa sala wala nimo pangayoa.

Jeremias 32:30

Kay ang mga anak sa Israel ug ang mga anak sa Juda walay laing gibuhat kondili daotan sa akong panan-aw sukad sa ilang pagkabatan-on. Ang mga anak sa Israel walay laing nahimo kondili ang paghagit kanako sa pagkasuko pinaagi sa buhat sa ilang mga kamot, nag-ingon ang Ginoo.

Oseas 6:6

Kay ako nagtinguha sa gugmang walay paglubad ug dili sa halad nga inihaw, sa kahibalo mahitungod sa Dios kay sa mga halad nga sunogon.

Mateo 9:13

Lakaw ug tun-i ninyo ang kahulogan niini, ‘Kaluoy ang gitinguha nako, dili ang halad’ kay ako mianhi dili sa pagtawag sa mga matarong, kondili sa mga makasasala.”

Marcos 12:33

Ug ang paghigugma kaniya sa tibuok nga kasingkasing, ug sa tibuok nga salabotan, ug sa tibuok nga kusog, ug ang paghigugma sa silingan sama sa kaugalingon, kini labaw pa kaayo kay sa tanang mga halad nga sunogon ug ubang mga halad.”

Deuteronomio 17:3

ug miadto ug mialagad sa laing mga dios ug misimba kanila, o sa adlaw o sa bulan o sa bisan unsa sa panon sa langit nga akong gidili,

1 Samuel 15:22

Ug si Samuel miingon, “Aduna bay dakong kalipay ang Ginoo diha sa mga halad nga sunogon ug sa mga inihaw kay sa pagtuman sa tingog sa Ginoo? Timan-i, ang pagtuman labaw pang maayo kay sa inihaw, ug ang pagpamati kay sa tambok sa mga laking karnero.