Jeremias 7:18

Ang Biblia 2011

Ang mga bata nangahoy, ang mga amahan naghaling ug kalayo, ug ang mga babaye nagmasa ug harina aron maghimo ug torta alang sa rayna sa langit, ug nagbubo sila ug halad nga ilimnon alang sa lain nga mga dios aron sa paghagit kanako sa pagkasuko.

Cross References

1 Mga Hari 14:9

apan ikaw naghimo ug daotan labaw pa sa tanan nga una kanimo ug miadto ug naghimo ug laing mga dios ug mga hinulma nga mga larawan nga naghagit kanako sa pagkasuko ug nagsalikway kanako ngadto sa imong luyo.

1 Mga Hari 16:2

“Ingon nga ako nagtuboy kanimo gikan sa abog ug naghimo kanimo nga pangulo sa akong katawhan, ang Israel, ug ikaw naglakaw sa dalan ni Jeroboam ug naghimo sa akong katawhan nga Israel sa pagpakasala, naghagit kanako sa pagkasuko pinaagi sa ilang mga sala,

Salmo 16:4

Kadtong magpili sa laing dios, magpadaghan sa ilang pag-antos dili nako ibubo ang ilang mga halad nga dugo, o litokon ang ilang mga ngalan sa akong mga ngabil.

Isaias 3:8

Kay ang Jerusalem nalumpag na, ug ang Juda napukan na; kay ang ilang pagpamulong ug ang ilang mga buhat batok sa Ginoo, naghagit sa iyang mahimayaong presensiya.

Isaias 57:6

Taliwala sa hamis nga mga bato sa walog anaa ang inyong bahin; kini sila, kini mao ang imong pahat; ngadto kanila ikaw nagbubo ug halad nga ilimnon, ikaw nagdala ug halad nga pagkaon. Malukmay ba lamang ako tungod niining mga butanga?

Isaias 65:11

Apan kamo nga nagsalikway sa Ginoo, nga nangalimot sa akong balaang bukid, nga nag-andam ug usa ka lamisa alang sa Kapalaran; ug nagtagay ug bino nga sinimbogan alang sa Kaugmaon;

Isaias 65:3

usa ka katawhan nga sa kanunay naghagit kanako sa akong nawong, naghalad didto sa mga tanaman, ug nagsunog sa insenso ibabaw sa mga tisa;

Jeremias 1:16

Ug akong ibungat ang akong mga paghukom batok kanila, tungod sa tanan nilang kadaotan sa pagbiya kanako. Nagsunog sila ug insenso ngadto sa laing mga dios ug nagsimba sa mga buhat sa ilang kaugalingong mga kamot.

Jeremias 11:17

Ang Ginoo sa mga panon nga nagtanom kanimo, nagbungat ug daotan batok kanimo, tungod sa kadaotan nga nahimo sa banay ni Israel ug sa banay ni Juda, naghagit kanako sa pagkasuko pinaagi sa pagsunog ug insenso alang kang Baal.”

Jeremias 17:2

samtang ang ilang mga anak nahinumdom sa ilang halaran ug sa ilang mga Asera tupad sa mga lunhawng kahoy ug sa mga habog nga kabungtoran,

Jeremias 19:13

Ang mga balay sa Jerusalem ug ang mga balay sa mga hari sa Juda mahugawan sama sa dapit sa Tofet tungod sa tanang mga balay nga ang mga atop gisunogan ug insenso alang sa tanang panon sa langit ug nagbubo ug halad nga ilimnon alang sa laing mga dios.’ ”

Jeremias 25:7

Apan wala kamo mamati kanako, nag-ingon ang Ginoo, aron mahagit ninyo ako sa pagkasuko tungod sa mga buhat sa inyong mga kamot ngadto sa inyong kaugalingon nga kadaot.

Jeremias 32:29

Ang mga Caldeanhon nga makig-away batok niinig siyudara, moabot ug mosunog niini, uban sa mga balay nga ang mga atop gihalaran ug insenso alang sa Baal ug mga halad nga ilimnon gibubo alang sa laing mga dios, aron sa paghagit kanako sa pagkasuko.

Jeremias 44:25

Mao kini ang giingon sa Ginoo sa mga panon, ang Dios sa Israel: Kamo ug ang inyong mga asawa nagsulti pinaagi sa inyong mga baba, ug nagtuman niana pinaagi sa inyong mga kamot, nga nag-ingon, ‘Tumanon gayod namo ang among mga panaad nga among gihimo, sa pagsunog ug insenso alang sa rayna sa langit, ug sa pagtagay ug mga halad nga ilimnon alang kaniya,’ Busa tumana ninyo ang inyong mga panaad ug buhata ang inyong mga panaad!

Jeremias 44:4

Bisan pa niana nagpadayon ako sa pagpadala kaninyo sa tanan nakong mga alagad nga mga propeta, sa pag-ingon, ‘Ayaw buhata kining dulomtanan nga butang nga akong gidumtan!’

Jeremias 7:17

Wala ba ikaw makakita sa ilang gibuhat diha sa mga siyudad sa Juda ug sa kadalanan sa Jerusalem?

Mga Pagbangotan 5:13

Ang mga batan-ong lalaki gipugos sa paggaling, ug ang mga batang lalaki nagsusapinday ilalom sa mga bug-at nga kahoy.

Ezequiel 16:26

Ikaw nakighilawas sa mga Ehiptohanon nga imong mga silingan nga puno sa kaulag, ug gipadaghan nimo ang imong pagpakighilawas aron paghagit kanako sa pagkasuko.

Ezequiel 20:28

Kay sa diha nga gidala nako sila ngadto sa yuta nga akong gipanumpa nga ihatag kanila, sa diha nga sila nakakita ug habog nga bungtod o kahoy nga labong ug dahon, sila naghimo didto sa ilang mga paghalad, ug didto nagdulot sa ilang halad nga mahagiton. Didto gipautbo usab nila ang ilang humot nga halad ug didto gibubo ang ilang mga halad nga ilimnon.

Ezequiel 8:16

Ug gidala niya ako ngadto sa sulod nga hawanan sa balay sa Ginoo, didto sa pultahan sa templo sa Ginoo, sa tungatunga sa agianan ug sa halaran, may mga 25 ka tawo, nga ang ilang likod nag-atubang sa templo sa Ginoo, ug ang ilang mga nawong gipaatubang sa silangan ug sila nagyukbo ngadto sa adlaw, nag-atubang sila sa silangan.

Ezequiel 8:17

Unya siya miingon kanako, “Nakita ba nimo kini, anak sa tawo? Gamay ba lamang nga butang alang sa balay sa Juda ang pagbuhat sa mga dulumtanan nga ilang gibuhat dinhi, nga gipuno man nila sa kabangis ang yuta ug naghagit pa gayod kanako sa pagkasuko? Tan-awa, ilang gibutang sa ilang ilong ang sanga.

1 Mga Taga-Corinto 10:22

O, hagiton ba nato ang Ginoo sa pagpangabubho? Labaw pa ba kita ka kusgan kay kaniya?

Deuteronomio 32:16

Gipasilaob nila siya diha sa pagpangabubho tungod sa laing mga dios; ilang gipasuko siya sa mga dulumtanang buhat.

Deuteronomio 32:21

Sila naghagit kanako sa pagpangabuho sa dili dios; ila akong gihagit pinaagi sa ilang mga diosdios. Busa hagiton nako sila sa pagpangabubho sa mga dili katawhan, pasuk-on nako sila sa mga nasod nga buangbuang.

Deuteronomio 4:19

Ug pagmatngon kamo kay tingali unya ug sa pagyahat ninyo sa inyong mga mata sa langit ug sa dihang makita ninyo ang adlaw ug ang bulan ug ang mga bituon, ang tanang panon sa langit, madani kamo ug mosimba kanila ug mag-alagad kanila, mga butang nga gihatag sa Ginoo nga inyong Dios alang sa tanang mga katawhan ilalom sa tibuok nga langit.