Jeremias 7:14

Ang Biblia 2011

busa buhaton nako sa balay nga gitawag sa akong ngalan, nga inyong gisaligan, ug ngadto sa dapit nga gihatag nako kaninyo ug sa inyong mga katigulangan, ang sama sa akong gibuhat sa Silo.

Cross References

2 Mga Hari 25:9

Ug iyang gisunog ang balay sa Ginoo ug ang balay sa hari ug ang tanan nga kabalayan sa Jerusalem, ang matag dagkong balay, iyang gisunog.

2 Cronicas 7:21

Ug niining balaya nga halangdon, ang matag usa nga moagi niini matingala ug moingon, ‘Ngano nga ang Ginoo nagbuhat man sa ingon niining yutaa ug niining balaya?’

Salmo 78:60

Gibiyaan niya ang iyang puluy-anan sa Silo, ang tolda diin siya nagpuyo uban sa mga tawo,

Isaias 64:11

Ang among balaan ug matahom nga balay, diin ang among katigulangan nagdayeg kanimo, nasunog pinaagi sa kalayo, ug ang tanan namong matahom nga mga dapit nangaguba.

Jeremias 12:7

“Gibiyaan nako ang akong balay, gisalikway nako ang akong panulundon; gihatag nako ang minahal sa akong kalag ngadto sa mga kamot sa iyang mga kaaway.

Jeremias 23:39

busa tan-awa, alsahon ko gayod kamo ug ilabay gikan sa akong atubangan, ikaw ug ang siyudad nga gihatag nako kaninyo ug sa inyong mga katigulangan.

Jeremias 26:18

“Si Mikeas nga taga-Moreset nagpropesiya sa mga adlaw ni Hesekias nga hari sa Juda ug misulti sa tibuok katawhan sa Juda, ‘Mao kini ang giingon sa Ginoo sa mga panon, Ang Zion darohon sama sa uma; ang Jerusalem mahimong tinapok nga mga ginuba, ug ang bukid sa balay mahimong kakahoyan.’

Jeremias 26:4

Ingna sila, ‘Mao kini ang giingon sa Ginoo: Kon kamo dili mamati kanako, sa paglakaw subay sa akong balaod nga akong gibutang sa inyong atubangan,

Jeremias 7:10

unya moanhi kamo ug motindog sa akong atubangan sulod niining balaya nga gitawag sa akong ngalan ug mag-ingon, ‘Kita giluwas na!’—aron lamang kamo magbuhat niining tanan nga mga dulumtanan?

Jeremias 7:12

Karon lakaw kamo ngadto sa akong dapit nga atua sa Silo, nga maoy unang gipahimutangan nako sa akong ngalan, ug tan-awa kon unsay akong gibuhat niini tungod sa pagkadaotan sa akong katawhan nga Israel.

Jeremias 7:4

Ayaw kamo pagsalig niining bakakong mga pulong, ‘Mao kini ang Templo sa Ginoo, ang Templo sa Ginoo, ang Templo sa Ginoo.’

Mga Pagbangotan 2:7

Ang Ginoo nagtamay sa iyang halaran, nagsalikway sa iyang balaang puluy-anan; iyang gitugyan ngadto sa kamot sa iyang kaaway ang mga paril sa iyang mga palasyo; adunay kagubot sulod sa balay sa Ginoo, sama sa adlaw sa gitakda nga kasaulogan.

Mga Pagbangotan 4:1

Naunsa nga milubad man ang bulawan, ang lunsayng bulawan nausab! Ang balaan nga mga bato nangakatag sa ulohan sa matag dalan.

Ezequiel 23:31

Ikaw nagsubay sa dalan sa imong igsoon nga babaye, busa ihatag nako ang iyang kupa nganha sa imong kamot.

Ezequiel 24:21

‘Sultihi ang banay sa Israel, Mao kini ang giingon sa Ginoong Dios: Tan-awa, pasipalahan nako ang akong balaan nga dapit, ang garbo sa inyong gahom, ang kalipay sa inyong mga mata, ug ang tinguha sa inyong kalag. Ug ang inyong mga anak nga lalaki ug mga anak nga babaye nga inyong gibilin mangapukan pinaagi sa espada.

Deuteronomio 12:5

Apan pangitaa ang dapit nga pilion sa Ginoo nga inyong Dios gikan sa tanan ninyong mga banay aron butangan ninyo sa iyang ngalan ug maghimo sa iyang puluy-anan didto.

Deuteronomio 28:52

Ug sila mosulong kaninyo sa tanan ninyong mga lungsod, hangtod nga mapukan ang inyong mga tag-as ug lig-on nga mga kuta nga inyong gisaligan sa tibuok ninyong yuta. Ug sila mosulong kaninyo sa tanan ninyong mga lungsod, sa tibuok ninyong yuta nga gihatag kaninyo sa Ginoo nga inyong Dios.