Jeremias 7:10

Ang Biblia 2011

unya moanhi kamo ug motindog sa akong atubangan sulod niining balaya nga gitawag sa akong ngalan ug mag-ingon, ‘Kita giluwas na!’—aron lamang kamo magbuhat niining tanan nga mga dulumtanan?

Cross References

1 Mga Hari 9:3

Ang Ginoo miingon kaniya, “Gidungog nako ang imong pag-ampo ug ang imong pangamuyo nga imong gihimo sa akong atubangan, gibalaan na nako kining maong balay nga imong gitukod ug gibutang didto ang akong ngalan hangtod sa kahangtoran. Ang akong mga mata ug ang akong kasingkasing atua didto kanunay.

2 Mga Hari 21:4

Ug siya nagtukod ug mga halaran diha sa balay sa Ginoo nga niini ang Ginoo miingon, “Sa Jerusalem nako ibutang ang akong ngalan.”

2 Cronicas 33:4

Siya nagtukod ug mga halaran diha sa balay sa Ginoo diin ang Ginoo miingon, “Sa Jerusalem anha ang akong ngalan hangtod sa kahangtoran.”

2 Cronicas 33:7

Ang larawan sa diosdios nga iyang gihimo iyang gipahimutang diha sa balay sa Dios, nga tungod niana ang Dios misulti kang David ug kang Solomon nga iyang anak, “Niining balaya ug sa Jerusalem nga akong gipili gikan sa tanang mga banay sa Israel, ibutang nako ang akong ngalan hangtod sa kahangtoran.

Mga Panultihon 15:8

Ang halad sa daotan usa ka dulumtanan sa Ginoo, apan ang pag-ampo sa matarong maoy iyang kalipay.

Isaias 48:2

Kay sila nagtawag sa ilang kaugalingon sunod sa balaang siyudad, ug nagpabilin diha sa Dios sa Israel; si Yahweh sa mga panon mao ang iyang ngalan.

Jeremias 32:34

Gipahimutang nila ang ilang mga dulumtanan diha sa balay nga gitawag sa akong ngalan aron sa paghugawhugaw niini.

Jeremias 34:15

Karon naghinulsol na kamo ug nagbuhat sa matarong diha sa akong mga mata pinaagi sa pagsangyaw ug kagawasan, ang matag usa ngadto sa iyang isigkatawo ug nagbuhat kamo ug kasabotan sa akong atubangan sulod sa balay nga gitawag sa akong ngalan.

Jeremias 44:9

Nangalimot ba kamo sa pagkadaotan sa inyong mga katigulangan, sa pagkadaotan sa mga hari sa Juda, ug sa pagkadaotan sa ilang mga asawa, sa inyong kaugalingong pagkadaotan, ug sa pagkadaotan sa inyong mga asawa, nga ilang gibuhat didto sa yuta sa Juda, ug sa kadalanan sa Jerusalem?

Jeremias 7:11

Kining balaya nga gitawag sa akong ngalan, nahimo bang usa ka tagoanan sa mga tulisan sa inyong mga mata? Ako gayod nakakita niini, nag-ingon ang Ginoo.

Jeremias 7:14

busa buhaton nako sa balay nga gitawag sa akong ngalan, nga inyong gisaligan, ug ngadto sa dapit nga gihatag nako kaninyo ug sa inyong mga katigulangan, ang sama sa akong gibuhat sa Silo.

Jeremias 7:30

“Kay ang mga anak sa Juda nagbuhat ug daotan sa akong panan-aw, nag-ingon ang Ginoo; sila nagpahimutang sa ilang mga dulumtanan sa balay nga gitawag sa akong ngalan, aron sa paghugaw niini.

Ezequiel 20:39

“Unya kamo, O balay sa Israel, mao kini ang giingon sa Ginoong Dios: Lakaw, pag-alagad kamo, ang matag usa kaninyo sa iyang mga diosdios, gikan karon hangtod sa umaabot, kon kamo dili man mamati kanako. Apan ang akong balaan nga ngalan dili na ninyo pasipalahan pinaagi sa inyong mga gasa ug sa inyong mga diosdios.

Ezequiel 23:29

Ug sila makigharong kanimo uban ang pagdumot ug kuhaon ang tanang bunga sa imong paghago ug biyaan ikaw nga hubo ug walay bisti, ug ang pagkahubo sa imong pagkamakihilawason madayag. Ang imong kalaw-ay ug ang imong pagkamakihilawason

Ezequiel 23:37

Kay sila nanapaw ug ang dugo anaa sa ilang mga kamot. Pinaagi sa ilang mga diosdios sila nakapanapaw ug ang ilang mga anak nga lalaki nga ilang gipanganak kanako ilang gihalad ngadto kanila ingon nga pagkaon.

Ezequiel 23:39

Kay sa pagpamatay nila sa ilang mga anak ingon nga halad sa ilang mga diosdios, sa mao gihapong adlaw misulod sila sa akong balaan nga dapit aron sa pagpasipala niini. Tan-awa, mao kini ang ilang gibuhat diha sa akong balay.

Ezequiel 33:25

Busa sultihi sila, Mao kini ang giingon sa Ginoong Dios: Kamo nangaon ug unod uban sa dugo ug miyahat sa inyong mga mata ngadto sa inyong mga diosdios ug nagpaagas ug dugo; manag-iya ba diay kamo sa yuta?

Ezequiel 33:31

Ug sila manganha kanimo sama sa katawhan nga manganha, ug sila manglingkod sa imong atubangan ingon nga akong katawhan ug sila mamati sa imong mga pulong, apan sila dili magbuhat niini, kay pinaagi sa ilang mga baba sila magpakita sa hilabihang gugma, apan ang ilang kasingkasing nagsunod sa ilang ganansiya.

Ezequiel 5:11

Tungod niini, ingon nga ako buhi, nag-ingon ang Ginoong Dios, sa pagkamatinuod, tungod kay gihugawan ninyo ang akong balaang dapit sa tanan ninyong makapaluod nga mga butang, ug sa tanan ninyong mga dulumtanan, busa pakunhoron ko kamo. Ang akong mata dili maglaktaw, ug ako dili maluoy.

Daniel 9:18

O Dios ko, ipakiling ang imong igdulungog ug pamati. Bukha ang imong mga mata ug sud-onga ang among pagkabiniyaan ug ang siyudad nga gitawag pinaagi sa imong ngalan, kay wala namo ipadayag ang among mga pangaliyupo sa imong atubangan pinasikad sa among pagkamatarong, kondili pinasikad sa imong dakong kaluoy.

Oseas 6:9

Ingon nga ang mga tulisan naghulat sa usa ka tawo, ang mga pari usab naghiusa, nagpatay diha sa dalan paingon sa Sekem, Oo, sila naghimo ug hilabihan ka daotan.

Amos 4:5

paghalad ug usa ka halad sa pagpasalamat gikan niadtong may patubo, ug pagsangyaw ug mga halad nga kinabubut-on ug ipahibalo kini; kay mao kini ang buot ninyong buhaton, O katawhan sa Israel!” nag-ingon ang Ginoong Dios.

Sofonias 1:5

kadtong nagsimba sa mga panon sa langit nga anaa sa mga atop sa balay; kadtong nagsimba ug nanumpa ngadto sa Ginoo, apan nanumpa pinaagi sa ngalan ni Milcom,

Malaquias 3:15

Ug karon ang mga mapahitas-on atong gitawag nga bulahan. Ang mga tigbuhat ug daotan wala lamang magmauswagon apan sa dihang gisulayan nila ang Dios sila nakaikyas.’ ”

Mateo 23:13

“Apan alaot kamong mga eskriba ug mga Pariseo, mga tigpakaaron-ingon! Kay gitakpan ninyo ang gingharian sa langit atubangan sa mga tawo, kay wala kamo mosulod ug wala usab motugot sa pagpasulod niadtong buot mosulod niini.

Juan 13:18

Wala ako magsulti mahitungod kaninyong tanan. Ako nakaila kanila nga akong gipili. Apan kinahanglang matuman ang kasulatan nga nag-ingon, ‘Siya nga nagkaon sa akong pan nag-isa sa iyang tiil batok kanako.’

Juan 18:28

Unya ilang gidala si Jesus gikan sa balay ni Caifas ngadto sa palasyo sa gobernador. Sayo kadto sa kabuntagon ug sila wala mosulod sa palasyo aron dili sila mahugawan ug aron makakaon sila sa Kasaulogan sa Pagsaylo.