Jeremias 6:8

Ang Biblia 2011

Pasidaan kini kanimo, O Jerusalem, kay tingali unya ug ako mahimulag kanimo; kay tingali unya ug himoon ko ikaw nga kamingawan, usa ka yuta nga walay magpuyo.”

Cross References

Salmo 2:10

Busa karon, O mga hari, pagmaalamon kamo; pagpatudlo kamo, O mga nagmando sa yuta.

Salmo 50:17

Kay ikaw nagdumot sa pagpanton ug nagsalikway sa akong mga pulong sa imong likod.

Salmo 94:12

Bulahan ang tawo nga imong gipanton, O Ginoo, ug nga imong gitudloan gikan sa imong Balaod,

Mga Panultihon 19:20

Pamati sa tambag ug dawata ang pahimangno, aron ikaw makaangkon ug kaalam alang sa umaabot.

Mga Panultihon 4:13

Hupti gayod ang pahimangno, ayaw siya buhii; bantayi siya kay siya mao ang imong kinabuhi.

Jeremias 17:23

Apan sila wala mamati o magpakiling sa ilang mga dalunggan, kondili nagpatikig sa ilang mga liog, aron dili sila makadungog, ug makadawat ug pahimangno.

Jeremias 2:15

Ang mga liyon nagngulob batok kaniya, nangugulob sila pag-ayo. Ilang gihimo nga awaaw ang iyang yuta; ang iyang mga siyudad nangagun-ob, walay nagpuyo.

Jeremias 31:19

Kay human ako mibiya, ako naghinulsol; ug human ako matudloi, akong gihampak ang akong paa; naulaw ako ug ako nalibog, tungod kay ako nag-antos sa kaulawan sa akong pagkabatan-on.’

Jeremias 32:33

Ilang gipaatubang kanako ang ilang likod ug dili ang ilang nawong, ug bisan kon nagpadayon ako sa pagtudlo kanila, wala sila mamati aron sa pagdawat sa pahimangno.

Jeremias 4:14

O Jerusalem, hugasi ang imong kasingkasing gikan sa kadaotan, aron ikaw maluwas. Hangtod kanus-a ba nga ang imong daotan nga hunahuna magpuyo diha kanimo?

Jeremias 7:20

Busa mao kini ang giingon sa Ginoong Dios: Ania karon, ang akong kasuko ug ang akong kapungot ibubo niining dapita, ngadto sa tawo ug sa mananap, ngadto sa kakahoyan sa kapatagan, ug sa bunga sa yuta. Mangasunog kini ug dili mapalong.”

Jeremias 7:28

Ug imong isulti kanila, ‘Kini mao ang nasod nga wala motuman sa tingog sa Ginoo nga ilang Dios, ug wala modawat ug pagpanton; ang kamatuoran nawagtang; gipahimulag kini gikan sa ilang mga ngabil.

Jeremias 7:34

Unya akong pahilomon gikan sa mga siyudad sa Juda ug sa kadalanan sa Jerusalem ang tingog sa hudyaka ug ang tingog sa kalipay, ang tingog sa pamanhonon ug ang tingog sa pangasaw-onon kay ang yuta mahimong usa ka awaaw.

Jeremias 9:11

Himoon nako ang Jerusalem nga usa ka tinapok sa nangatumpag, usa ka puluy-anan sa mga irong ihalas; ug buhaton nako ang mga siyudad sa Juda nga biniyaan, wala nay magpuyo.”

Ezequiel 23:18

Sa diha nga nagpadayon siya sa pagkamakihilawason sa dayag gayod ug nagpagarbo sa iyang pagkahubo, mitalikod ako nga may kasilag kaniya, sama sa akong pagtalikod sa iyang igsoon.

Oseas 2:5

Kay ang ilang inahan makihilawason; siya nga nagsamkon kanila nagbuhat sa makauulaw. Kay siya nag-ingon, ‘Moapas ako sa akong mga hinigugma, nga naghatag kanako sa akong pan ug sa akong tubig, sa akong delana, ug sa akong lino ug sa akong lana ug sa akong ilimnon.’

Oseas 9:12

Bisan ug sila nag-atiman ug mga bata, kuhaan nako sila hangtod nga walay mahibilin. Alaot sila sa diha nga ako mobiya kanila!

Levitico 26:34

“Unya ang yuta makapahimulos sa iyang mga tuig nga igpapahulay samtang kini magpabilin nga biniyaan ug samtang kamo atua sa yuta sa inyong mga kaaway. Unya makapahulay ang yuta ug makapahimulos sa iyang mga tuig nga igpapahulay.

Sofonias 3:7

Ako miingon, “Mahadlok gayod siya kanako, siya modawat ug pagbadlong, siya dili mawad-an ug panan-aw sa tanan nga gipabuhat nako kaniya.” Apan milabaw pa hinuon ang ilang tinguha sa pagbuhat sa daotan.

Deuteronomio 32:29

Kon maalamon pa sila, makasabot unta sila niini, masabtan unta nila ang ilang kataposan!