Jeremias 6:7

Ang Biblia 2011

Ingon nga bag-o kanunay ang tubig sa atabay, gibag-o usab niya kanunay ang iyang pagkadaotan; ang kabangis ug pagpanglaglag nabati diha kaniya; ang balatian ug mga samad anaa kanunay sa akong atubangan.

Cross References

Mga Panultihon 4:23

Himoa ang imong kasingkasing nga mabinantayon kanunay; kay gikan niini nag-agas ang mga tubod sa kinabuhi.

Isaias 1:6

Gikan sa lapalapa sa tiil bisan hangtod sa ulo, walay maayo diha niini, apan mga samad ug bun-og ug mga pangos; kini wala pa mapuga o mabugkosi o mahidhiri ug lana.

Isaias 57:20

Apan ang daotan sama sa dagat nga nagbalod; kay kini dili makapahulay, ug ang iyang mga tubig nagsabyag ug lapok ug hugaw.

Isaias 59:6

Ang ilang mga lawa dili mangahimo nga mga bisti; ang mga tawo dili magtabon sa ilang kaugalingon pinaagi sa ilang mga buhat. Ang ilang mga buhat mao ang mga buhat sa kadaotan, ug ang mga buhat sa pagpanglupig anaa sa ilang mga kamot.

Jeremias 20:8

Kay sa dihang ako magsulti, ako mituaw, ako misinggit, “Kapintas ug kalaglagan!” Kay ang pulong sa Ginoo nahimo alang kanako nga usa ka pagtamay ug pagbugalbugal sa tibuok nga adlaw.

Jeremias 30:12

“Kay mao kini ang giingon sa Ginoo: Ang imong samad walay kaayohan ug ang imong samad hilabihan ka dako.

Jeremias 30:13

Walay si bisan kinsa nga magtagad sa imong katungod, walay tambal alang sa imong samad, walay pagkaayo alang kanimo.

Jeremias 30:15

Nganong nagtiyabaw ka man tungod sa imong samad? Ang imong kasakit walay kaayohan. Tungod kay dako ang imong kasal-anan, tungod kay ang imong mga sala hilabihan ka daghan, gibuhat ko kining mga butanga kanimo.

Jeremias 32:31

Kining siyudara naghagit sa akong kasuko ug kapungot sukad sa adlaw nga gitukod kini hangtod niining adlawa, nga tungod niini wagtangon nako kini gikan sa akong panan-aw,

Jeremias 8:22

Wala bay tambal sa Gilead? Wala bay mananambal didto? Busa ngano man nga wala maulii sa maayong panglawas ang anak nga babaye sa akong katawhan?

Ezequiel 21:29

samtang makakita sila ug mga bakak nga panan-awon alang kanimo, samtang nanagna sila ug bakak kanimo, aron ipahiluna ngadto sa mga liog sa daotan nga ang adlaw miabot na, panahon sa kataposang silot.

Ezequiel 24:7

Kay ang dugo nga iyang giula anaa sa iyang taliwala; iya kining gipahimutang ibabaw sa bato; wala kini iyabo sa yuta aron tabonan kini sa abog.

Ezequiel 45:9

“Mao kini ang giingon sa Ginoong Dios: Igo na, O mga pangulo sa Israel! Biyai ang kabangis ug ang pagpanglupig, ug ipahamtang ang hustisya ug ang pagkamatarong. Hunonga ang pagpangilog ninyo sa kabtangan sa akong katawhan, nag-ingon ang Ginoong Dios.

Ezequiel 7:11

Ang kabangis mitubo ug nahimong sungkod sa pagkadaotan. Walay usa kanila nga mahibilin, bisan ang ilang kadagaya o ang ilang bahandi, bisan pa ang pagkahalangdon sa taliwala nila.

Ezequiel 7:23

Paghimo ug kadina! kay ang yuta napuno sa mga dugoong pagpamatay ug ang siyudad napuno sa kabangis.

Sofonias 3:1

Alaot siya nga masukihon ug hugaw, ang malupigong siyudad!