Jeremias 6:6

Ang Biblia 2011

Kay mao kini ang giingon sa Ginoo sa mga panon: “Pamutla ninyo ang iyang mga kahoy; paghimo ug bundo alang sa pagsulong batok sa Jerusalem. Kini mao ang siyudad nga kinahanglang silotan; walay bisan unsa diha kaniya kondili pagpangdaogdaog.

Cross References

Isaias 37:33

“Busa mao kini ang giingon sa Ginoo mahitungod sa hari sa Asiria: Siya dili moanhi dinhi niining siyudara o mopana ug usa ka udyong didto, o moanhi sa atubangan niini nga may taming o maghimo ug usa ka bundo batok niini.

Jeremias 20:8

Kay sa dihang ako magsulti, ako mituaw, ako misinggit, “Kapintas ug kalaglagan!” Kay ang pulong sa Ginoo nahimo alang kanako nga usa ka pagtamay ug pagbugalbugal sa tibuok nga adlaw.

Jeremias 22:17

Apan ikaw adunay mga mata ug kasingkasing alang lamang sa pagpanikas, sa pagpaagas ug dugo sa walay sala, ug sa pagdaogdaog ug sa kapintas.”

Jeremias 32:24

Tan-awa, ang mga bundo alang sa pagsulong miabot sa siyudad aron sa pagkuha niini, ug tungod sa espada ug sa gutom ug sa kamatay, ang siyudad gitugyan ngadto sa kamot sa mga Caldeanhon nga nakig-away batok niini. Ang imong gisulti nahitabo gayod, ug tan-awa, nakita nimo kini.

Jeremias 32:31

Kining siyudara naghagit sa akong kasuko ug kapungot sukad sa adlaw nga gitukod kini hangtod niining adlawa, nga tungod niini wagtangon nako kini gikan sa akong panan-aw,

Jeremias 33:4

Kay mao kini ang giingon sa Ginoo, ang Dios sa Israel, mahitungod sa mga balay niining siyudara, ug sa mga balay sa mga hari sa Juda, nga gilumpag aron sa paghimo ug panalipod batok sa mga pagsulong ug sa espada:

Jeremias 39:1

Sa ikasiyam nga tuig ni Zedekias nga hari sa Juda, sa ikanapulo nga bulan, si Nabucodonosor nga hari sa Babilonia ug ang tibuok niyang kasundalohan misulong sa Jerusalem ug gilibotan kini.

Jeremias 5:29

Dili ba nako sila silotan tungod niining mga butanga? nag-ingon ang Ginoo, ug dili ba nako ipanimalos ang akong kaugalingon nganha sa usa ka nasod nga sama niini?”

Jeremias 5:9

Dili ba nako sila silotan tungod niining mga butanga? nag-ingon ang Ginoo; ug dili ba ako manimalos sa nasod nga sama niini?

Ezequiel 4:2

Pagbutang ug mga kahimanan sa pagsulong batok niini ug pagtapok ug usa ka bundo batok niini ug ipahamutang usab ang mga kampo batok niini ug paliboti kini ug mga troso nga iglulumpag.

Ezequiel 5:5

“Mao kini ang giingon sa Ginoong Dios: Kini mao ang Jerusalem, gipahimutang nako siya taliwala sa mga nasod ug ang kayutaan naglibot kaniya.

Daniel 11:15

Unya ang hari sa amihanan moabot ug magpabarog ug kahimanan sa pagsulong ug ilogon ang usa ka siyudad nga maayong pagkalig-on. Ug ang kasundalohan sa habagatan dili makasukol bisan ang iyang mga piniling panon kay wala gayoy kusog nga makasugakod.

Sofonias 3:1

Alaot siya nga masukihon ug hugaw, ang malupigong siyudad!

Lucas 19:43

Kay moabot kanimo ang mga adlaw nga ang imong mga kaaway magkoral libot kanimo, ug libotan ka ug piiton sa tanang dapit