Jeremias 6:23

Ang Biblia 2011

Sila nagkupot ug mga pana ug bangkaw, sila bangis ug walay kaluoy, ang ilang tingog sama sa nagdahunog nga dagat; sila nagsakay sa mga kabayo, gihan-ay ingon nga usa ka tawo alang sa gubat batok kaninyo, O anak nga babaye sa Zion!”

Cross References

Isaias 10:32

Niini gayod nga adlaw siya mohunong didto sa Nob, uyogon niya ang iyang kumo diha sa bukid sa anak nga babaye sa Zion, ang bungtod sa Jerusalem.

Isaias 13:18

Ang ilang mga pana mopatay sa mga batan-ong lalaki; sila walay kaluoy sa bunga sa tagoangkan, ang ilang mga mata dili maluoy sa kabataan.

Isaias 17:12

Ah, ang dahunog sa daghang mga katawhan, sila nagdahunog sama sa dinahunog sa kadagatan! Ah, ang kagahob sa mga nasod, sila nagsinggit sama sa kagahob sa gamhanang katubigan.

Isaias 19:4

itugyan nako ang mga Ehiptohanon ngadto sa kamot sa usa ka bangis nga agalon; ug ang usa ka hari nga bangis maoy mohari kanila, nag-ingon ang Ginoo, ang Ginoo sa mga panon.

Jeremias 25:32

“Mao kini ang giingon sa Ginoo sa mga panon: Tan-awa, ang kadaot modangat gikan sa usa ka nasod ngadto sa laing nasod, ug ang usa ka dakong bagyo naghaguros gikan sa kinatumyan nga mga bahin sa yuta!

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 30:14

Ang tanan nimong mga hinigugma nalimot kanimo; wala sila mabalaka kanimo; kay gibuhatan ko ikaw sa hampak sa usa ka kaaway, ang silot sa walay kaluoy nga kaaway, tungod kay dako ang imong kasal-anan, kay ang imong mga sala hilabihan ka daghan.

Jeremias 4:13

Tan-awa, siya moanhi sama sa mga panganod, ang iyang mga karwahi sama sa alimpulos; ang iyang mga kabayo tulin pa kay sa mga agila— alaot kita, kay kita nangalaglag!

Jeremias 4:16

Pasidan-i ang kanasoran nga siya umaabot; ipahibalo ngadto sa Jerusalem, “Mga kasundalohan misulong gikan sa layo nga kayutaan; sila nagsinggit batok sa mga siyudad sa Juda.

Jeremias 4:29

Ang tanang siyudad mokagiw tungod sa kasaba sa mga tigkabayo ug sa mga tigpana; sila moadto sa mga kalibonan; sila mokatkat sa kapangpangan; ang tanang siyudad biyaan, ug walay tawo nga magpuyo didto.

Jeremias 5:16

Ang ilang mga sudlanan sa pana sama sa usa ka abli nga lubnganan; silang tanan pulos mga kusgang tawo.

Jeremias 50:41

“Tan-awa, ang usa ka katawhan mogula gikan sa amihanan; usa ka gamhanang nasod ug daghang mga hari nangandam gikan sa mga kinatumyang bahin sa yuta.

Jeremias 50:42

Sila mogunit sa pana ug sa bangkaw; sila bangis, ug walay kaluoy. Ang ilang kagahob sama sa dinahunog sa dagat; sila magsakay sa mga kabayo, maglaray sama sa usa ka tawo alang sa gubat, batok kanimo, O anak nga babaye sa Babilonia!

Jeremias 6:4

“Pangandam kamo sa gubat batok kaniya; panindog ug mosulong kita sa kaudtohon!” “Alaot kita! kay ang adlaw sumasalop, ang mga landong sa kagabhion mikaylap na!”

Jeremias 8:16

“Ang pangusmo sa ilang mga kabayo nadungog gikan sa Dan, sa pagbahihi sa ilang mga kabayo ang tibuok yuta mikurog. Sila miabot ug milamoy sa yuta ug sa tanan nga anaa niini, ang siyudad ug kadtong nagpuyo sa sulod niini.

Ezequiel 21:31

Ug akong ibubo ang akong kapungot nganha kanimo. Huypan ko ikaw ug kalayo sa akong kasuko ug itugyan ko ikaw ngadto sa kamot sa mga bangis nga tawo, nga batid sa paglaglag.

Deuteronomio 28:49

Ang Ginoo magdala batok kaninyo ug usa ka nasod gikan sa layo, gikan sa kinatumyan sa kalibotan, sama ka tulin sa lupad sa agila, usa ka nasod nga ang sinultihan dili ninyo masabtan,