Jeremias 6:15

Ang Biblia 2011

Nangaulaw ba sila sa ilang pagbuhat ug dulumtanan? Wala, wala gayod sila mangaulaw; wala sila mahibalo unsaon pagpanglipaghong. Busa sila mangapukan uban niadtong mga nangapukan; sa panahon nga silotan nako sila, sila mangapukan,” nag-ingon ang Ginoo.

Cross References

Genesis 19:34

Ug nianang sunod nga adlaw miingon ang magulang sa manghod, “Tan-awa, midulog ako sa akong amahan kagabii. Paimnon na usab nato siya ug bino karong gabii ug mosulod usab ikaw ug modulog kaniya aron makapasanay kita ug mga kaliwat pinaagi sa atong amahan.”

Exodo 32:34

Karon lakaw, dad-a kining katawhan ngadto sa dapit nga akong giingon kanimo. Ang akong anghel mag-una kanimo apan sa adlaw sa akong pagduaw, duawon nako ang ilang sala diha kanila.”

Mga Panultihon 29:1

Siya nga kanunay gibadlong apan nagpatikig sa iyang liog, kalit nga laglagon nga dili na maayo.

Isaias 10:4

Walay laing mahimo gawas sa pagduko uban sa mga binilanggo, ug mangapukan uban sa mga gipamatay. Bisan pa niining tanan ang iyang kasuko wala mapuypoy ug ang iyang kamot gibakyaw gihapon.

Isaias 3:9

Ang ilang pagdapig nagsaksi batok kanila; gipasundayag nila ang ilang sala sama sa Sodoma, wala nila kini taboni. Alaot sila! kay nagdala sila ug daotan sa ilang kaugalingon.

Jeremias 14:15

Busa mao kini ang giingon sa Ginoo mahitungod sa mga propeta nga nagpropesiya sa akong ngalan bisan ug ako wala magpadala kanila apan sila nag-ingon, ‘Ang espada ug gutom dili modangat niining yutaa’: Pinaagi sa espada ug sa gutom puohon kadtong mga propetaha.

Jeremias 18:23

Apan ikaw, O Ginoo, nasayod sa tanan nilang mga paglaraw aron sa pagpatay kanako. Ayaw sila pasayloa sa ilang kasal-anan, o papason ang ilang mga sala gikan sa imong panan-aw. Pukana hinuon sila sa imong atubangan, himoa kana kanila sa panahon sa imong kasuko.

Jeremias 23:12

Busa ang ilang dalan alang kanila mahimong mga agianan nga danglog diha sa kangitngitan, nga diha niini sila abogon ug mangahulog; kay magpadala ako kanila ug kadaot sa tuig sa pagsilot kanila, nag-ingon ang Ginoo.

Jeremias 3:3

Busa ang ulan gipugngan, ug ang ulan sa tingpamulak wala moabot; bisan pa niini ikaw adunay kilay sa babaye nga nagbaligya sa iyang dungog, ikaw nagdumili sa pagkaulaw.

Jeremias 44:10

Sila wala magpaubos sa ilang kaugalingon bisan pa hangtod niining adlawa, o mahadlok sila, o maglakaw subay sa akong balaod ug sa akong mga lagda nga akong gihatag kaninyo ug sa inyong mga katigulangan.

Jeremias 5:29

Dili ba nako sila silotan tungod niining mga butanga? nag-ingon ang Ginoo, ug dili ba nako ipanimalos ang akong kaugalingon nganha sa usa ka nasod nga sama niini?”

Jeremias 5:9

Dili ba nako sila silotan tungod niining mga butanga? nag-ingon ang Ginoo; ug dili ba ako manimalos sa nasod nga sama niini?

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Jeremias 8:9

Ang mga tawong maalamon pakaulawan, sila mangalisang ug pamihagon; tan-awa, ilang gisalikway ang pulong sa Ginoo, unsa nga kaalam ang anaa kanila?

Ezequiel 13:14

Busa gub-on nako ang paril nga inyong gibulitan ug tumpagon nako kini ngadto sa yuta, sa pagkaagi nga ang patukoranan niini madayag. Sa diha nga kini mapukan, kamo mangalaglag taliwala niini, ug kamo makaila nga ako mao ang Ginoo.

Ezequiel 2:4

Ang katawhan usab walay tahod ug gahig ulo. Ako magpadala kanimo ngadto kanila ug ikaw mag-ingon kanila, ‘Kini mao ang giingon sa Ginoong Dios.’

Ezequiel 24:7

Kay ang dugo nga iyang giula anaa sa iyang taliwala; iya kining gipahimutang ibabaw sa bato; wala kini iyabo sa yuta aron tabonan kini sa abog.

Oseas 4:5

Ikaw mahisukamod sa adlawan, ang propeta usab mahisukamod uban kanimo sa kagabhion, ug laglagon nako ang imong inahan.

Oseas 9:7

Ang mga adlaw sa pagsilot miabot na, ang mga adlaw sa pagbalos midangat na; ang Israel mahibalo niini. Ang propeta buangbuang, ang tawo nga nagbaton ug espiritu buang, tungod sa dako nimong kasal-anan ug dakong kasilag.

Miqueas 3:6

Busa kini mahimong kagabhion kaninyo, walay panan-awon, ug kini mahimong ngiob kaninyo, walay pagpanagna. Ang adlaw mosalop alang sa mga propeta, ug ang adlaw moitom alang kanila;

Miqueas 7:4

Ang labing maayo kanila sama sa sampinit, ang labing matarong kanila tanom nga tunokon. Ang adlaw sa ilang mga tigbantay, sa ilang silot miabot na; ug ang ilang pagkalibog anaa na.

Sofonias 2:1

Panagtigom kamo, panagtigom, O nasod nga walay ulaw,

Sofonias 3:5

Ang Ginoo matarong diha kaniya, wala magbuhat ug sayop; matag buntag ipakita niya ang hustisya, sa matag kaadlawon siya dili magpakyas; apan ang dili matarong wala makaila ug kaulaw.

Zacarias 13:4

Nianang adlawa ang tanang propeta mangaulaw tungod sa iyang panan-awon sa diha nga magpropesiya siya, dili siya magsul-ob ug balhiboon nga kupo aron sa paglimbong,

Mateo 15:14

Pasagdi ninyo sila! Mga giya sila nga buta ug kon ang buta mogiya ug buta, silang duha mangahulog sa gahong.”

Mga Taga-Filipos 3:19

Ang ilang dangatan mao ang kalaglagan, ang ilang dios mao ang tiyan, ug ang ilang himaya diha sa ilang kaulawan, ang ilang mga hunahuna anaa sa mga yutan-ong butang.