Jeremias 6:1

Ang Biblia 2011

Pangagiw kamo aron maluwas, O katawhan ni Benjamin, gikan sa kinataliwad-an sa Jerusalem! Patingoga ang trumpeta didto sa Tekoa, ug pag-isa ug ilhanan diha sa Bet-hakerem, kay ang daotan mitunga gikan sa amihanan, ug ang usa ka dakong pagkalaglag.

Cross References

2 Samuel 14:2

Ug si Joab nagpaadto ngadto sa Tekoa, ug gipakuha gikan didto ang usa ka maalamong babaye ug miingon kaniya, “Pagpakaaron-ingnon nga nagbangutan ikaw ug pagsul-ob ug bisti sa pagbangutan; ayaw dihogi ang imong kaugalingon ug lana, apan pagpakaaron-ingnon nga ikaw usa ka babaye nga dugay nang nagbangutan tungod sa namatay.

2 Cronicas 11:6

Iyang gitukod ang Betlehem, ang Etam, ang Tekoa,

Nehemias 3:14

Si Malkias nga anak ni Recab nga pangulo sa distrito sa Bet-hakerem maoy nag-ayo sa Ganghaan sa Basura. Iya kining gitukod pag-usab ug gipatindog ang mga pultahan niini, ang mga tarugo niini ug ang mga trangka niini.

Nehemias 3:5

Sunod kanila ang Tekoahanon maoy nag-ayo apan ang ilang mga halangdon wala moabaga sa buhat sa ilang Ginoo.

Jeremias 10:22

Pamatia ang huhungihong! Tan-awa, miabot na!— usa ka dakong kagahob gikan sa amihanan aron sa paghimo sa mga siyudad sa Juda nga kamingawan, puluy-anan sa mga irong ihalas.

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 4:29

Ang tanang siyudad mokagiw tungod sa kasaba sa mga tigkabayo ug sa mga tigpana; sila moadto sa mga kalibonan; sila mokatkat sa kapangpangan; ang tanang siyudad biyaan, ug walay tawo nga magpuyo didto.

Jeremias 6:22

Mao kini ang giingon sa Ginoo: “Tan-awa, usa ka katawhan moabot gikan sa yuta sa amihanan, ang usa ka dakong nasod nangandam sa pagsulong gikan sa mga kinatumyang dapit sa yuta.

Amos 1:1

Ang mga pulong ni Amos nga usa sa mga tigbantay sa karnero sa Tekoa, nga iyang nakita mahitungod sa Israel sa mga adlaw ni Uzias nga hari sa Juda ug sa mga adlaw ni Jeroboam nga anak ni Joas nga hari sa Israel, duha ka tuig sa wala pa ang linog.

Amos 3:6

Gipatingog ba ang trumpeta diha sa siyudad, ug ang katawhan wala mahadlok? Mahiagom ba sa kadaotan ang usa ka siyudad gawas kon ang Ginoo ang naghimo niini?

Zacarias 6:6

Ang karwahi nga adunay itom nga mga kabayo mopanaw paingon sa yuta sa amihanan, ang mga puti moadto sa kasadpan ug ang mga abohon paingon sa yuta sa habagatan.”

Josue 15:63

Apan ang katawhan ni Juda wala makapapahawa sa mga Jebusihanon nga nagpuyo sa Jerusalem. Busa ang mga Jebusihanon nagpuyo uban sa katawhan ni Juda didto sa Jerusalem hangtod niining adlawa.

Mga Maghuhukom 1:21

Apan ang katawhan ni Benjamin wala mopapahawa sa mga Jebusihanon nga nagpuyo sa Jerusalem. Busa ang mga Jebusihanon nagpuyo uban sa mga kaliwat ni Benjamin didto sa Jerusalem hangtod niining adlawa.