Jeremias 52:9

Ang Biblia 2011

Unya ilang gibihag ang hari, ug gidala ngadto sa hari sa Babilonia didto sa Ribla sa yuta sa Hamat ug siya mipakanaog ug hukom batok kaniya.

Cross References

1 Mga Hari 8:65

Busa si Solomon naghimo sa kasaulogan niadtong panahona, ug ang tibuok Israel uban kaniya, sa usa ka dakong katilingban gikan sa ganghaan sa Hamath ngadto sa sapa sa Ehipto, sa atubangan sa Ginoo nga atong Dios, pito ka adlaw.

2 Mga Hari 23:33

Ug gipabilanggo siya sa Paraon nga si Neco didto sa Ribla sa yuta sa Hamat, aron dili siya makahari sa Jerusalem, ug gipabuhis niya ang katawhan ug usa ka gatos ka talanton nga plata ug usa ka talanton nga bulawan.

2 Mga Hari 25:6

Unya ilang gidakop ang hari, ug gidala siya ngadto sa hari sa Babilonia didto sa Ribla, nga maoy mihukom kaniya.

2 Cronicas 33:11

Busa gidala sa Ginoo ngadto kanila ang mga tigmando sa kasundalohan sa hari sa Asiria nga midakop kang Manases pinaagi sa mga kaw-it, ug migapos kaniya pinaagi sa mga posas nga bronsi ug gidala siya ngadto sa Babilonia.

2 Cronicas 8:3

Unya si Solomon miadto sa Hamat-soba ug gikuha kini.

Jeremias 21:7

Human niini, nag-ingon ang Ginoo, akong itugyan si Zedekias nga hari sa Juda ug ang iyang mga alagad, ug ang katawhan niining siyudad nga nahibilin gikan sa kamatay, sa espada ug sa gutom, ngadto sa kamot ni Nabucodonosor nga hari sa Babilonia ug ngadto sa kamot sa ilang nga kaaway ug ngadto sa kamot sa mga nagtinguha sa ilang kinabuhi. Siya magtigbas kanila pinaagi sa sulab sa espada, siya dili maluoy kanila, o magsaylo kanila o magbaton ug kahangawa kanila.’

Jeremias 39:5

Apan ang kasundalohan sa mga Caldeanhon migukod kanila ug naapsan si Zedekias didto sa kapatagan sa Jerico; ug sa diha nga nadakpan nila siya, gidala nila siya ngadto kang Nabucodonosor nga hari sa Babilonia didto sa Ribla, sa yuta sa Hamat, ug siya nagpakanaog ug hukom kaniya.

Mga Pagbangotan 4:20

Ang gininhawa sa among mga ilong, ang dinihogan sa Ginoo, nadakpan diha sa ilang mga gahong, siya nga among giingon, “Ilalom sa iyang landong kami magpuyo sa taliwala sa kanasoran.”

Ezequiel 11:10

Kamo mangapukan pinaagi sa espada. Hukman ko kamo diha sa utlanan sa Israel ug kamo makaila nga ako mao ang Ginoo.

Ezequiel 23:24

Ug sila manganhi batok kanimo gikan sa amihanan uban ang mga karwahi ug mga karomata, ug usa ka panon sa mga katawhan. Sila magpahiluna sa ilang kaugalingon batok kanimo sa tanang dapit uban ang sagang ug taming ug helmet ug akong itugyan ang paghukom ngadto kanila ug sila maghukom kanimo sumala sa ilang mga paghukom.

Numeros 13:21

Busa nanungas sila ug naniid sa yuta, gikan sa kamingawan sa Zin ngadto sa Rehob, duol sa ganghaan sa Hamat.

Numeros 34:11

ug ang utlanan molugsong gikan sa Sefam ngadto sa Ribla sa silangang dapit sa kilid sa Ain. Unya ang utlanan molugsong ug moabot ngadto sa daplin sa dagat sa Kineret sa silangan.

Josue 13:5

ug sa yuta sa mga Gibalhanon ug sa tibuok Lebanon, padulong sa silangan, gikan sa Baal-gad ubos sa bukid sa Hermon ngadto sa agianan padulong sa Hamat,