Jeremias 51:9

Ang Biblia 2011

Mahimo pa untang ayohon nato ang Babilonia, apan dili siya mamaayo. Biyai siya, ug mangadto kita ang matag usa sa kaugalingon niyang yuta; kay ang paghukom kaniya miabot ngadto sa langit, ug gibayaw bisan ngadto sa kalangitan.

Cross References

2 Cronicas 28:9

Apan adunay usa ka propeta sa Ginoo didto, nga ang ngalan mao si Oded, ug migula siya aron sa pagtagbo sa kasundalohan nga miadto sa Samaria ug miingon kanila, “Tan-awa, tungod kay ang Ginoo, ang Dios sa inyong mga katigulangan nasuko batok sa Juda, iyang gitugyan sila nganha sa inyong kamot, apan gipamatay ninyo sila sa kasuko nga milanog ngadto sa langit.

Esdras 9:6

ug ako miingon, “O akong Dios, ako naulaw ug nanglipaghong ang nawong sa pagyahat nganha kanimo, Dios ko, kay ang among kalapasan milapaw sa among ulo ug ang among sala misaka ngadto sa kalangitan.

Isaias 13:14

Sama sa lagsaw nga giayam, o sama sa karnero nga walay maghipos, ang matag tawo mobalik ngadto sa iyang kaugalingong katawhan, ug ang matag tawo mokagiw ngadto sa iyang kaugalingong yuta.

Isaias 47:15

Ingon niana nganha kanimo sila nga imong kauban sa buhat, nga namatigayon uban kanimo sukad sa imong pagkabatan-on; sila magkatibulaag, ang matag usa sa iyang paingnan; wala nay usa nga moluwas kanimo.

Jeremias 46:16

Ang imong dkaong panon napandol ug sila miingon sa usa ug usa, ‘Tindog, ug mobalik kita sa ngadto sa atong kaugalingon katawhan, ug ngadto sa yuta natong natawohan, tungod sa espada sa naglupig kanato!’

Jeremias 46:21

Bisan ang iyang mga sundalong sinuholan sa taliwala niya sama sa pinatambok nga mga baka. Oo, sila namiya ug nangagiw, wala sila mosugakod; kay ang adlaw sa ilang katalagman miabot kanila, ang panahon sa pagsilot kanila.

Jeremias 50:16

Puoha gikan sa Babilonia ang magpupugas, ug kadtong nagkupot sa galab panahon sa ting-ani; tungod sa espada sa tigdaogdaog, ang matag usa moadto sa iyang kaugalingong katawhan, ug ang matag usa modagan ngadto sa iyang kaugalingong yuta.

Jeremias 8:20

“Ang ting-ani miagi na, ang ting-init natapos na, ug kita wala mangaluwas.”

Oseas 7:13

Alaot sila, kay sila nahisalaag gikan kanako! Ang kalaglagan alang kanila kay sila misupil batok kanako! Lukaton unta nako sila, apan sila nagsulti ug bakak batok kanako.

Gipadayag 18:4

Unya nadungog nako gikan sa langit ang laing tingog nga nag-ingon, “Gula kamo kaniya, akong katawhan aron dili kamo makaambit sa iyang kasal-anan, aron dili kamo mahiagom sa iyang mga katalagman;

Gipadayag 18:5

kay ang iyang kasal-anan nagtipun-og sangko sa langit, ug nahinumdoman sa Dios ang iyang mga daotang binuhatan;