Jeremias 51:6

Ang Biblia 2011

“Palayo kamo gikan sa taliwala sa Babilonia, ipaluwas sa matag tawo ang iyang kinabuhi! Ayaw kamo pagpalaglag diha sa iyang silot kay kini mao ang panahon sa pagpanimalos sa Ginoo, ang balos nga iyang gipahamtang kaniya.

Cross References

Salmo 94:1

O Ginoo, ikaw nga Dios sa pagpanimalos, ikaw nga Dios sa pagpanimalos, dan-ag!

Mga Panultihon 13:20

Siya nga naglakaw uban sa mga maalamon mahimong maalamon, apan ang kauban sa mga buangbuang mag-antos sa kadaot.

Isaias 48:20

Panggula kamo gikan sa Babilonia, pangagiw kamo gikan sa Caldea, ipahayag kini uban sa usa ka singgit sa kalipay, isaysay kini, isangyaw kini sa kinatumyan sa yuta; isulti ninyo, “Giluwas sa Ginoo ang iyang sulugoon nga si Jacob!”

Isaias 63:4

Kay ang adlaw sa pagpanimalos diha sa akong kasingkasing, ug ang tuig nga ako magtubos miabot na.

Jeremias 25:14

Kay daghang mga nasod ug gamhanang mga hari nga mangulipon usab kanila, ug panimaslan nako sila sumala sa ilang mga buhat ug sa mga buhat sa ilang mga kamot.”

Jeremias 25:16

Sila manginom ug magsusapinday ug mangabuang tungod sa espada nga akong ipadala taliwala kanila.”

Jeremias 27:7

Ang tanang mga nasod mag-alagad kaniya ug sa iyang anak, ug sa anak sa iyang anak, hangtod nga moabot ang panahon sa iyang kaugalingong yuta; unya daghang mga nasod ug gamhanang mga hari ang mag-ulipon kaniya.

Jeremias 46:10

Kanang adlawa mao ang adlaw sa Ginoong Dios sa mga panon, ang adlaw sa pagpanimalos, sa pagpanimalos niya sa iyang mga kaaway. Ang espada molamoy ug mabusog, ug moinom hangtod sa iyang pagkahubog sa ilang dugo kay ang Ginoong Dios sa mga panon adunay paghalad sa yuta sa amihanan daplin sa suba sa Eufrates.

Jeremias 48:6

Palayo! Luwasa ang inyong kaugalingon! Pagpakasama sa ihalas nga asno diha sa kamingawan!

Jeremias 50:15

Pagsinggit kamo nga maglibot batok kaniya, siya miampo na; ang iyang mga salipdanan nangapukan, ang iyang mga paril nangatumpag. Kay kini mao ang panimalos sa Ginoo: panimasli siya, buhata kaniya ang iyang gihimo.

Jeremias 50:28

“Pamati! Sila mipalayo ug miikyas gikan sa yuta sa Babilonia, sa pagpahayag didto sa Zion sa panimalos alang sa Ginoo nga atong Dios, ang pagpanimalos sa iyang Templo.

Jeremias 50:31

“Ako batok kanimo, O ikaw nga mapagarbohon, nag-ingon ang Ginoong Dios sa mga panon; kay miabot na ang imong adlaw, ang panahon sa akong pagsilot kanimo.

Jeremias 50:8

“Palayo kamo gikan sa taliwala sa Babilonia, ug panggula kamo gikan sa yuta sa mga Caldeanhon ug pagpakasama sa mga laking kanding nga mag-una sa mga panon.

Jeremias 51:11

“Baira ninyo ang mga udyong! Kupti ninyo ang mga taming! Ang Ginoo nag-aghat sa espiritu sa mga hari sa Media kay ang iyang tuyo mahitungod sa Babilonia mao ang paglaglag niini kay kini mao ang panimalos sa Ginoo, ang panimalos alang sa iyang Templo.

Jeremias 51:36

Busa mao kini ang giingon sa Ginoo: “Ako maglaban sa imong katungod ug manimalos alang kanimo. Akong paughon ang iyang dagat ug paughon ang iyang tuboran;

Jeremias 51:45

“Pamahawa kamo gikan sa iyang taliwala, akong katawhan! Ipaluwas sa matag tawo ang iyang kinabuhi gikan sa bangis nga kasuko sa Ginoo!

Jeremias 51:50

“Kamo nga nakaikyas gikan sa espada, lakaw, ayaw pag-urong! Hinumdomi ang Ginoo gikan sa layo, ug ipasulod sa inyong hunahuna ang Jerusalem:

Jeremias 51:56

kay ang tiglaglag miabot kaniya, batok sa Babilonia; ang iyang mga manggugubat nakuha, ang ilang mga pana gipangdugmok; kay ang Ginoo mao ang Dios sa pagpanimalos, mobalos gayod siya.

Jeremias 51:9

Mahimo pa untang ayohon nato ang Babilonia, apan dili siya mamaayo. Biyai siya, ug mangadto kita ang matag usa sa kaugalingon niyang yuta; kay ang paghukom kaniya miabot ngadto sa langit, ug gibayaw bisan ngadto sa kalangitan.

Mga Pagbangotan 3:64

“Ikaw magsilot kanila, O Ginoo, sumala sa buhat sa ilang mga kamot.

Numeros 16:26

Ug siya miingon sa tibuok nga katilingban, “Palayo kamo gikan sa mga tolda niining mga tawong daotan ug ayaw kamo paghikap sa bisan unsang butang nga ila aron dili kamo maut-ot diha sa tanan nilang kasal-anan.”

Deuteronomio 32:25

Ang anaa sa gawas mangamatay pinaagi sa espada, ug ang atua sa mga lawak mangalisang, mangalaglag ang batan-ong lalaki ug ang ulay, ang nagsuso uban ang tawo nga tigulang.

Deuteronomio 32:41

kon bairon nako ang akong naggilawgilaw nga espada ug ang akong kamot magkupot sa paghukom, ako manimalos sa akong mga kaaway, ug akong paninglan ang mga nagdumot kanako.

Deuteronomio 32:43

“Dayega ang iyang katawhan, O mga nasod; kay siya manimalos sa dugo sa iyang mga sulugoon, ug manimalos sa iyang mga kabatok, ug magbayad sa sala sa iyang yuta, alang sa iyang katawhan.”

1 Timoteo 5:22

Ayaw pagdali sa pagpandong sa mga kamot o moambit sa mga sala sa uban. Pagputli sa imong kaugalingon.

Gipadayag 16:19

Unya ang bantogang siyudad nabahin sa tulo, ug ang mga siyudad sa kanasoran nangagun-ob. Ug unya ang Dios nahinumdom sa bantogang Babilonia, sa paghatag kaniya sa kupa sa bino sa kapintas sa iyang kapungot.