Jeremias 51:47

Ang Biblia 2011

“Busa, tan-awa, ang mga adlaw miabot na nga silotan nako ang mga larawan sa Babilonia; ang tibuok niyang yuta maulawan, ug ang tanang gipamatay diha kaniya manghay-ad sa taliwala niya.

Cross References

Isaias 21:9

Tan-awa, ania nagpadulong ang mga tigpangabayo, nagkabayo nga nagtinagurha!” Unya siya mitubag, “Napukan, napukan ang Babilonia; ug ang tanan nga mga larawan sa iyang mga dios nangadugmok ngadto sa yuta.”

Jeremias 11:22

Busa mao kini ang giingon sa Ginoo sa mga panon, “Silotan nako sila; ang mga batan-ong lalaki mangamatay pinaagi sa espada; ang ilang mga anak nga lalaki ug mga anak nga babaye mangamatay pinaagi sa gutom;

Jeremias 13:21

Unsay imong isulti kon ilang ibutang nga pangulo ibabaw kanimo kadtong imo gayong gitudloan nga mahimong imong mga kaabin? Dili ba ang kasakit mohakop kanimo sama sa usa ka babaye nga magbati?

Jeremias 23:34

Ug mahitungod sa propeta o sa pari o usa sa katawhan nga mag-ingon, ‘Ang palas-anon sa Ginoo,’ silotan nako kanang tawhana ug ang iyang panimalay.

Jeremias 25:12

Unya human sa 70 ka tuig, akong silotan ang hari sa Babilonia ug kanang nasora, ang yuta sa mga Caldeanhon, tungod sa ilang kalapasan, nag-ingon ang Ginoo, ug himoon ang yuta nga biniyaan sa dayon.

Jeremias 50:2

“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’

Jeremias 51:18

Sila walay pulos, usa ka buhat nga limbong; sa panahon sa pagsilot kanila mangalaglag sila.

Jeremias 51:24

“Panimaslan nako ang Babilonia ug ang tanang nagpuyo sa Caldea atubangan gayod sa inyong mga mata tungod sa tanang kadaotan nga ilang gihimo didto sa Zion, nag-ingon ang Ginoo.

Jeremias 51:43

Ang iyang mga siyudad nangahimong kalisangan, yuta sa hulaw ug kamingawan, yuta nga walay tawo nga nagpuyo, ug walay anak sa tawo nga moagi niini.

Jeremias 51:52

“Busa tan-awa, ang mga adlaw nagsingabot, nag-ingon ang Ginoo, nga ako magpakanaog ug hukom sa iyang mga larawan, ug sa tibuok niyang yuta ang mga samaran mag-agulo.