Jeremias 51:44

Ang Biblia 2011

Ako magsilot kang Bel sa Babilonia ug ipasuka nako gikan sa iyang baba ang iyang gilamoy. Ang mga nasod dili na magbaha ngadto kaniya; ang paril sa Babilonia natumpag.

Cross References

2 Cronicas 36:7

Si Nabucodonosor midala usab sa ubang mga kagamitan sa balay sa Ginoo ngadto sa Babilonia ug gibutang kini didto sa iyang balay sa Babilonia.

Job 20:15

Gilamoy niya ang mga bahandi, apan gisuka kini niya pag-usab; ang Dios nagpagula niini gikan sa iyang tiyan.

Isaias 2:2

Mahitabo sa ulahing mga adlaw nga ang bukid sa balay sa Ginoo ipahiluna ingon nga kinahabogan sa kabukiran, ug ituboy ibabaw sa kabungtoran; ug ang tanang kanasoran mag-ambahan ngadto kaniya.

Isaias 21:9

Tan-awa, ania nagpadulong ang mga tigpangabayo, nagkabayo nga nagtinagurha!” Unya siya mitubag, “Napukan, napukan ang Babilonia; ug ang tanan nga mga larawan sa iyang mga dios nangadugmok ngadto sa yuta.”

Isaias 60:5

Unya ikaw makakita ug mosidlak, ang imong kasingkasing matingala ug malipay; tungod kay ang kadagaya sa dagat dad-on nganha kanimo, ang bahandi sa mga nasod modangat kanimo.

Jeremias 50:15

Pagsinggit kamo nga maglibot batok kaniya, siya miampo na; ang iyang mga salipdanan nangapukan, ang iyang mga paril nangatumpag. Kay kini mao ang panimalos sa Ginoo: panimasli siya, buhata kaniya ang iyang gihimo.

Jeremias 50:2

“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’

Jeremias 51:18

Sila walay pulos, usa ka buhat nga limbong; sa panahon sa pagsilot kanila mangalaglag sila.

Jeremias 51:34

“Si Nabucodonosor nga hari sa Babilonia milamoy kanako, gidugmok niya ako; gihimo niya ako nga sudlanan nga walay sulod, gilamoy niya ako sama sa usa ka mangtas nga mananap; gipuno niya ang iyang tiyan sa akong lamian nga mga pagkaon, giluwa niya ako.

Jeremias 51:47

“Busa, tan-awa, ang mga adlaw miabot na nga silotan nako ang mga larawan sa Babilonia; ang tibuok niyang yuta maulawan, ug ang tanang gipamatay diha kaniya manghay-ad sa taliwala niya.

Jeremias 51:53

Bisan ug ang Babilonia mokayab ngadto sa langit, bisan ug palig-onan niya ang lig-on niyang salipdanan, ang mga tiglaglag moadto kaniya gikan kanako, nag-ingon ang Ginoo.

Jeremias 51:58

“Mao kini ang giingon sa Ginoo sa mga panon: Ang lapad nga paril sa Babilonia itupong sa yuta ug ang iyang mga habog nga ganghaan sunogon sa kalayo. Ang mga katawhan maghago alang sa kakawangan, ug ang mga nasod maghago sa ilang kaugalingon alang sa kalayo lamang.”

Daniel 1:2

Ang Ginoo mitugyan kang Jehoiakim nga hari sa Juda ngadto sa iyang kamot uban ang pipila ka mga galamiton sa balay sa Dios, ug gidala niya sila ngadto sa yuta sa Sinar, sa balay sa iyang diosdios, ug gibutang ang mga galamiton diha sa tipiganan sa iyang diosdios.

Daniel 3:29

Busa ako magbuhat ug usa ka sugo. Ang tanang katawhan, nasod o pinulongan nga magsulti ug bisan unsa batok sa Dios ni Sadrac, ni Mesac ug ni Abednego wataswatason ug ang ilang mga balay gub-on kay walay laing dios nga makahimo pagluwas sa ingon niining paagiha.”

Daniel 4:1

Si Hari Nabucodonosor, alang sa tanang mga katawhan, mga nasod, ug mga pinulongan nga nagpuyo sa tibuok nga yuta: Ang kalinaw modagaya unta kaninyo!

Daniel 4:22

ikaw kini, O hari, mao ang mitubo ug nalig-on. Ang imong pagkagamhanan mitubo ug miabot sa langit ug ang imong paghari ngadto sa kinatumyan sa yuta.

Daniel 5:19

Ug tungod sa pagkabantogan nga iyang gihatag kaniya, ang tanang mga katawhan, mga nasod ug mga pinulongan nagkurog ug nangahadlok sa iyang atubangan. Ang buot niyang patyon iyang gipatay, ang buot niyang mabuhi iyang gibuhi, ang buot niyang bayawon iyang gibayaw, ug ang buot niyang ipaubos iyang gipaubos.

Daniel 5:26

Kini mao ang hubad sa maong butang: MENE, giihap sa Dios ang mga adlaw sa imong gingharian ug gitapos kini.

Daniel 5:31

Ug si Dario nga Medianhon midawat sa gingharian, sa dihang siya 62 ka tuig ang panuigon.