Jeremias 51:30

Ang Biblia 2011

Ang mga manggugubat sa Babilonia mihunong sa pagpakig-away, sila nagpabilin sa ilang mga salipdanan; ang ilang kusog nagkaluya, nahimo sila nga sama sa mga babaye; ang iyang mga puluy-anan gisunog, ang iyang mga trangka nangabunggo.

Cross References

Salmo 107:16

Kay gilumpag niya ang mga pultahan nga bronsi, ug gipangbali ang mga trangka nga puthaw.

Salmo 147:13

Kay iyang gilig-on ang mga trangka sa imong mga ganghaan; iyang gipanalanginan ang imong mga anak nga anaa kanimo.

Salmo 76:5

Ang mga isog ug kasingkasing gipanguhaan sa ilang mga inilog; sila nahinanok sa pagkatulog; walay bisan usa sa mga manggugubat nga nakagamit sa ilang mga kamot.

Isaias 19:16

Nianang adlawa ang mga Ehiptohanon mahimong sama sa mga babaye, ug sila mangurog uban ang kahadlok tungod sa kamot nga gibakyaw ibabaw kanila sa Ginoo sa mga panon nga iyang gibakyaw ibabaw kanila.

Isaias 47:14

Tan-awa, sila sama sa mga tuod sa balili, ang kalayo maglamoy kanila; sila dili makaluwas sa ilang kaugalingon gikan sa gahom sa siga. Walay uling nga mopainit kanila o kalayo nga kadangdangan sa ilang kaugalingon!

Jeremias 48:41

ang mga siyudad makuha, ug ang mga salipdanan mailog. Ang kasingkasing sa mga manggugubat sa Moab nianang adlawa mahisama sa kasingkasing sa usa ka babaye nga nagbati.

Jeremias 50:15

Pagsinggit kamo nga maglibot batok kaniya, siya miampo na; ang iyang mga salipdanan nangapukan, ang iyang mga paril nangatumpag. Kay kini mao ang panimalos sa Ginoo: panimasli siya, buhata kaniya ang iyang gihimo.

Jeremias 51:32

ang mga tabokanan nailog, ug ang mga salipdanan ilang gisunog sa kalayo, ug ang mga sundalo nangalisang.

Jeremias 51:57

Hubgon nako ang iyang mga pangulo ug ang iyang mga maalamong tawo, ang iyang mga gobernador, ang iyang mga tigmando ug ang iyang mga manggugubat; sila mangatulog sa dayong pagkatulog ug dili momata, nag-ingon ang Hari nga ang ngalan si Yahweh sa mga panon.

Mga Pagbangotan 2:9

Ang iyang mga ganghaan nangalusno ngadto sa yuta; iyang gilaglag ug gipamunggo ang mga trangka niini; ang iyang hari ug ang iyang mga pangulo atua sa taliwala sa mga nasod; wala na ang balaod, ug ang iyang mga propeta wala nay panan-awon gikan sa Ginoo.

Amos 1:5

Gun-obon nako ang trangka sa Damasco, puohon ang mga lumulupyo gikan sa Walog sa Aven, ug siya nga naghupot sa sitro gikan sa Bet-eden, ug ang katawhan sa Siria mangabihag ngadto sa Kir,” nag-ingon ang Ginoo.

Nahum 3:13

Tan-awa, ang imong katawhan mga babaye sa imong kinataliwad-an. Ang mga ganghaan sa imong yuta nangabukas alang sa imong mga kaaway; ang kalayo milamoy sa imong mga trangka.

Gipadayag 18:10

ug sila magtindog nga magpaantaw tungod sa kalisang nila sa iyang pag-antos, ug mag-ingon, “Alaot! Alaot! ikaw nga bantogang siyudad, ikaw nga gamhanang siyudad, O Babilonia! Sulod sa usa lamang ka takna miabot ang hukom batok kanimo.”