Jeremias 51:2

Ang Biblia 2011

ug magpadala ako ug mga tig-alig-ig ngadto sa Babilonia, ug sila moalig-ig kaniya; sila maghabwa sa iyang yuta sa dihang moadto sila batok kanila gikan sa tanang dapit sa adlaw sa kasamok.

Cross References

Isaias 41:16

Ikaw magtahop kanila, ug ang hangin magpadpad niini sa layo, ug ang unos magkatag niini. Ug ikaw maglipay diha sa Ginoo; ikaw maghimaya diha sa Balaan sa Israel.

Isaias 43:14

Kini mao ang giingon sa Ginoo, ang inyong Manunubos, ang Balaan sa Israel: “Tungod kaninyo ako magpadala ngadto sa Babilonia, ug gun-obon nako ang tanang rehas, ug ang singgit sa mga Caldeanhon, mahimong pagbangutan.

Jeremias 15:7

Gialig-ig nako sila pinaagi sa igpapalid diha sa mga ganghaan sa yuta; gipasubo nako sila, akong gilaglag ang akong katawhan; wala sila mobiya sa ilang mga pamaagi.

Jeremias 50:29

“Ipatawag ang mga tigpana batok sa Babilonia, kadtong tanan nga nagbingat sa pana. Pagpahiluna kamo libot kaniya; walay usa nga paikyason. Balosi siya sumala sa iyang mga binuhatan, buhata kaniya sumala sa tanan nga iyang nabuhat, kay siya mapagarbohong nakigbatok sa Ginoo, ang Balaan sa Israel.

Jeremias 50:32

Ang mapagarbohon mapandol ug mapukan, nga walay magbangon kaniya; ug maghaling ako ug kalayo sa iyang mga siyudad, ug kini maglamoy sa tanan nga naglibot kaniya.

Ezequiel 5:12

Ang ikatulo nga bahin kaninyo mangamatay tungod sa kamatay ug mangapuo tungod sa gutom diha sa inyong taliwala, ug ang ikatulo nga bahin mangpukan pinaagi sa espada libot kaninyo, ug ang ikatulo nga bahin patibulaagon ngadto sa tanang dapit, ug laniton nako ang espada sunod kanila.

Mateo 3:12

Ang iyang igpapalid anaa na sa iyang kamot, limpyohan niya ang iyang giokanan ug hiposon niya ang iyang trigo ngadto sa kamalig, apan ang mga uhot iyang sunogon sa kalayo nga walay pagkapalong.”