Jeremias 51:16

Ang Biblia 2011

Sa dihang mobungat siya sa iyang tingog, adunay dinahunog sa katubigan diha sa kalangitan, ug iyang gipasaka ang mga inalisngaw gikan sa mga kinatumyan sa yuta. Naghimo siya ug mga kilat alang sa ulan, ug gipagula niya ang hangin gikan sa iyang mga tipiganan.

Cross References

Genesis 8:1

Apan ang Dios nahinumdom kang Noe ug sa tanan nga mga mananap ug sa tanang kahayopan nga uban kaniya didto sa arka. Ug gipahuros sa Dios ang usa ka hangin sa ibabaw sa kalibotan, ug mianam paghubas ang tubig.

Job 37:13

Alang sa pagbadlong o alang sa iyang yuta, o alang sa gugma, iya kining gitugot nga mahitabo.

Job 38:22

“Nakasulod ka na ba sa mga balay tipiganan sa yelo, o nakita na ba nimo ang mga balay tipiganan sa ulan nga yelo,

Job 40:9

Aduna ka bay bukton sama sa Dios, ug makapadalugdog ba ikaw ug tingog sama kaniya?

Salmo 104:7

Sa imong pagbadlong namahawa sila; sa tingog sa imong dalugdog nangagiw sila.

Salmo 135:7

Siya ang nagpasaka sa mga panganod gikan sa mga kinatumyan sa yuta, ang nagbuhat sa mga kilat alang sa ulan ug nagpagula sa hangin gikan sa iyang mga balay tipiganan.

Salmo 147:18

Siya nagpadala sa iyang pulong ug gitunaw kini; gipahuros niya ang iyang hangin ug mibul-og ang katubigan.

Salmo 18:13

Ang Ginoo usab mipadahunog didto sa kalangitan, ug ang Labing Halangdon mipalanog sa iyang tingog.

Salmo 46:6

Ang mga nasod nagkaguliyang, ang mga gingharian nangatay-og; iyang gipalanog ang iyang tingog, ang yuta natunaw.

Salmo 68:33

kaniya nga nagsakay sa kalangitan, sa kalangitan sa kakaraanan; pamati, siya mipalanog sa iyang tingog, sa iyang gamhanang tingog.

Salmo 78:26

Iyang gipahuros ang hangin sa silangan diha sa kalangitan, ug pinaagi sa iyang gahom iyang gimandoan ang hangin sa habagatan;

Exodo 10:13

Busa gituy-od ni Moises ang iyang sungkod sa ibabaw sa yuta sa Ehipto ug ang Ginoo mipadala ug usa ka hangin sa silangan ngadto sa kayutaan niadtong tibuok adlaw ug tibuok gabii. Sa pagkabuntag na, ang hangin sa silangan nagdala ug mga dulon.

Exodo 10:19

Ug gipahuros sa Ginoo ang usa ka hangin gikan sa kasadpan nga mikuha sa mga dulon ug mipadpad kanila ngadto sa Dagat nga Pula, ug walay nahibilin nga usa ka dulon sa tibuok nasod sa Ehipto.

Exodo 14:21

Unya gituy-od ni Moises ang iyang kamot ibabaw sa dagat, ug gibuhat sa Ginoo ang pagbahin sa dagat pinaagi sa kusog nga hangin gikan sa silangan sa tibuok gabii ug nahimong uga nga yuta ang dagat, ug ang katubigan nabahin.

Ezequiel 10:5

Ug ang kanaas sa mga pako sa mga kerubin nadungog bisan pa sa gawas nga hawanan, sama sa tingog sa Dios nga Labing Gamhanan sa diha nga siya mosulti.

Amos 9:7

“Dili ba kamo sama sa mga Etiopianhon alang kanako, O katawhan sa Israel?” nag-ingon ang Ginoo. “Wala ba nako kuhaa ang Israel gikan sa yuta sa Ehipto, ug ang mga Filistihanon gikan sa Caftor ug ang mga Sirianhon gikan sa Kir?

Jonas 1:4

Apan ang Ginoo nagpadala ug usa ka kusog nga hangin ibabaw sa kadagatan ug miabot ang kusog nga bagyo sa dagat nga tungod niana ang barko daw maguba na.

Jonas 4:8

Sa diha nga misidlak na ang adlaw, nag-andam ang Dios ug usa ka init nga hangin sa silangan ug ang adlaw miigo sa ulo ni Jonas nga tungod niana siya naluya ug naghangyo nga mamatay na lamang unta ug siya miingon, “Maayo pa alang kanako nga mamatay kay sa mabuhi.”