Jeremias 51:12

Ang Biblia 2011

Pagbutang ug bandila batok sa mga paril sa Babilonia; lig-ona ang bantayan; pagbutang ug mga tigbantay; andama ang mga pagpangatang; kay ang Ginoo naglaraw ug naghimo sa iyang gisulti mahitungod sa mga nagpuyo sa Babilonia.

Cross References

Mga Panultihon 21:30

Walay kaalam, walay salabotan, walay tambag nga magpulos batok sa Ginoo.

Isaias 11:12

Siya magpatindog ug usa ka bandila alang sa mga nasod, ug magtigom sa hininginlan gikan sa Israel, ug tigomon ang nagkatibulaag sa Juda, gikan sa upat ka suok sa yuta.

Isaias 13:2

Sa ibabaw sa usa ka hawan nga bungtod ipakayab ang bandila, singgit ngadto kanila; ikamay ang kamot alang kanila aron sila manulod sa mga ganghaan sa mga halangdon.

Jeremias 23:20

Ang kasuko sa Ginoo dili mosibog hangtod nga iyang mabuhat ug matapos ang katuyoan sa iyang kasingkasing. Sa ulahing mga adlaw masabtan ninyo kini pag-ayo.

Jeremias 4:28

Tungod niini ang yuta magsubo, ug ang kalangitan sa ibabaw mahimong itom; kay ako misulti niini, ako nagtinguha niini; wala ako magbasol, o motalikod gikan niini.”

Jeremias 50:2

“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’

Jeremias 50:25

Ang Ginoo nag-abli sa butanganan sa iyang hinagiban, ug nagpagula sa mga hinagiban sa iyang kapungot, kay ang Ginoong Dios sa mga panon adunay buluhaton nga buhaton didto sa yuta sa mga Caldeanhon.

Jeremias 51:11

“Baira ninyo ang mga udyong! Kupti ninyo ang mga taming! Ang Ginoo nag-aghat sa espiritu sa mga hari sa Media kay ang iyang tuyo mahitungod sa Babilonia mao ang paglaglag niini kay kini mao ang panimalos sa Ginoo, ang panimalos alang sa iyang Templo.

Jeremias 51:27

“Pagbutang ug usa ka bandila diha sa yuta, patingoga ang trumpeta taliwala sa mga nasod; andama ang mga nasod batok kaniya alang sa gubat, ipatawag batok kaniya ang mga gingharian, ang Ararat, ang Minni ug ang Askenas; pagtudlo ug pangulo batok kaniya, pagdala ug mga kabayo sama sa nagpanon nga mga dulon.

Jeremias 51:29

Ang yuta mikurog ug naglubaglubag sa kasakit, kay ang katuyoan sa Ginoo batok sa Babilonia nagpabilin, aron paghimo sa yuta sa Babilonia nga usa ka biniyaan, walay magpuyo.

Mga Pagbangotan 2:17

Gihimo na sa Ginoo ang iyang gilaraw, nagtuman sa iyang bahad; ingon nga iyang gitakda sa dugayng panahon, siya nangguba nga walay kukaluoy; iyang gihimo nga maglipay ang kaaway batok kanimo, ug gipasidunggan ang gahom sa imong mga kaaway.

Joel 3:2

tigomon nako ang tanang mga nasod ug dad-on sila ngadto sa walog ni Jehosafat ug didto ipakanaog nako ang hukom ngadto kanila, tungod sa akong katawhan ug sa akong panulondon nga Israel, kay ilang gipatibulaag sila taliwala sa mga nasod ug gibahin ang akong yuta,

Nahum 2:1

Ang tiglumpag miabot na batok kanimo. Andama ang mga panalipod; bantayi ang dalan; hugti pagbakos ang imong hawak; tigoma ang tanan nimong kusog.

Josue 8:14

Sa pagkakita sa hari sa Ai niini, siya ug ang iyang katawhan, ang katawhan sa siyudad, midali pagbangon ug misayo paggula sa gitakdang panahon padulong sa Araba aron sa pagsugat sa Israel aron sa pagpakig-away. Apan wala siya mahibalo nga adunay nanago sa luyo sa siyudad.