Jeremias 51:11

Ang Biblia 2011

“Baira ninyo ang mga udyong! Kupti ninyo ang mga taming! Ang Ginoo nag-aghat sa espiritu sa mga hari sa Media kay ang iyang tuyo mahitungod sa Babilonia mao ang paglaglag niini kay kini mao ang panimalos sa Ginoo, ang panimalos alang sa iyang Templo.

Cross References

1 Mga Hari 11:14

Ug ang Ginoo nagpatindog ug kaaway batok kang Solomon: si Hadad, nga Edomhanon. Siya kaliwat sa hari sa Edom.

1 Mga Hari 11:23

Ug ang Dios naghatag usab kang Solomon ug laing kaaway, si Rezon nga anak ni Eliada, nga mikagiw gikan sa iyang agalon nga si Hadadeser nga hari sa Zoba.

1 Cronicas 5:26

Busa giaghat sa Dios sa Israel ang espiritu ni Pul nga hari sa Asiria, ang espiritu ni Tiglat-pilneser nga hari sa Asiria, ug iyang gibihag sila, ang mga Rubenhanon, ang mga Gadihanon, ug ang katunga sa banay ni Manases ug gidala ngadto sa Hala, sa Habor, sa Ara ug ngadto sa suba sa Gosan hangtod niining adlawa.

2 Cronicas 36:22

Unya sa unang tuig ni Ciro nga hari sa Persia, aron nga ang pulong sa Ginoo pinaagi sa baba ni Jeremias matuman, ang Ginoo nagdasig sa espiritu ni Ciro nga hari sa Persia nga tungod niana siya naghimo ug usa ka pahibalo sa tibuok niyang gingharian ug gisulat usab kini,

Esdras 1:1

Sa unang tuig ni Ciro nga hari sa Persia, aron matuman ang pulong sa Ginoo pinaagi sa baba ni Jeremias, gidasig sa Ginoo ang espiritu ni Hari Ciro sa Persia nga tungod niana siya naghimo sa usa ka pahibalo sa tibuok niyang gingharian ug gisulat usab kini:

Isaias 10:26

Ug ang Ginoo sa mga panon magbunal sa usa ka latigo ngadto kanila, sama sa iyang paghampak sa Midian duol sa bato sa Oreb, ug ang iyang bunal iyang gibakyaw ibabaw sa dagat, ug iya kining bakyawon sama sa iyang gihimo didto sa Ehipto.

Isaias 21:2

Usa ka makalilisang nga panan-awon gisugilon kanako, ang mabudhion magbudhi ug ang tiglaglag manglaglag. Tungas, O Elam, sulong, O Media; ang tanang pag-antos nga iyang nahimo taposon nako.

Isaias 21:5

Giandam nila ang lamisa, gibukhad nila ang hapin, nangaon sila, nanginom sila. Tindog, O mga pangulo, lanahi ang taming!

Isaias 41:25

Ako nag-aghat sa usa nga gikan sa amihanan, ug siya miabot na, gikan sa silangan sa adlaw ug siya magtawag sa akong ngalan; ug siya magyatak sa ibabaw sa mga tigmando ingon sa minasang lapok, ug ingon sa magkukulon nga nagyatak sa kulonon.

Isaias 45:1

Mao kini ang giingon sa Ginoo ngadto sa iyang dinihogan, kang Ciro, nga ang tuong kamot akong gikuptan sa pagbuntog sa mga nasod sa iyang atubangan, ug sa pagpaluag sa mga bakos sa mga hari, sa pag-abli sa mga pultahan sa iyang atubangan, aron ang mga ganghaan dili matakpan:

Isaias 45:5

Ako mao ang Ginoo, ug wala nay lain; gawas kanako walay nay laing Dios. Gibaksan ko ikaw bisan ug ikaw wala makaila kanako,

Isaias 46:11

nagtawag sa usa ka langgam nga manunukob gikan sa silangan, sa tawo nga motuman sa akong katuyoan gikan sa usa ka layo nga yuta. Ako nagsulti ug ako magtuman niini; ako nagtinguha, ug ako magbuhat niini.

Jeremias 25:25

ang tanang mga hari sa Zimri, ang tanang mga hari sa Elam, ug ang tanang mga hari sa Media;

Jeremias 46:3

“Andama ninyo ang sagang ug taming ug asdang kamo aron sa pagpakiggubat!

Jeremias 46:4

Andama ang mga kabayo, panakay kamo, O mga tigpangabayo! Pahiluna sa inyong dapit ug isul-ob ang inyong mga helmet, baira ang inyong mga bangkaw, ug isul-ob ang mga panalipod sa lawas.

Jeremias 46:9

Dagan, mga kabayo ug haguros kamo, mga karwahi! Paasdanga ang mga manggugubat: ang mga tawo sa Etiopia ug sa Put nga nagkupot sa taming, ang mga tawo sa Lud nga batid sa paggamit ug pana.

Jeremias 50:25

Ang Ginoo nag-abli sa butanganan sa iyang hinagiban, ug nagpagula sa mga hinagiban sa iyang kapungot, kay ang Ginoong Dios sa mga panon adunay buluhaton nga buhaton didto sa yuta sa mga Caldeanhon.

Jeremias 50:3

“Kay gikan sa amihanan migula ang usa ka nasod batok kaniya, nga maghimo sa iyang yuta nga biniyaan ug walay usa nga magpuyo niini; ang tawo ug mananap mangagiw.

Jeremias 50:45

Busa pamatia ang tambag sa Ginoo, batok sa Babilonia, ug ang katuyoan nga iyang gihunahuna batok sa yuta sa mga Caldeanhon: Sa pagkatinuod ang mga nati sa ilang mga karnero guyoron, ang ilang panon makugang gayod sa ilang gidangatan.

Jeremias 50:9

Kay aghaton nako ug paanhion nako batok sa Babilonia ang usa ka pundok sa mga dagkong nasod, gikan sa yuta sa amihanan; ug sila magpahimutang sa ilang kaugalingon batok kaniya; gikan didto ilogon siya. Ang ilang mga udyong mahimong sama sa usa ka batid nga manggugubat nga dili mobalik nga walay dala.

Jeremias 51:12

Pagbutang ug bandila batok sa mga paril sa Babilonia; lig-ona ang bantayan; pagbutang ug mga tigbantay; andama ang mga pagpangatang; kay ang Ginoo naglaraw ug naghimo sa iyang gisulti mahitungod sa mga nagpuyo sa Babilonia.

Jeremias 51:24

“Panimaslan nako ang Babilonia ug ang tanang nagpuyo sa Caldea atubangan gayod sa inyong mga mata tungod sa tanang kadaotan nga ilang gihimo didto sa Zion, nag-ingon ang Ginoo.

Jeremias 51:35

Ang kabangis nga gibuhat kanako ug sa akong mga kadugo mahiadto unta sa Babilonia,” ipasulti kini sa mga nagpuyo sa Zion. “Ang akong dugo mahiadto unta sa mga nagpuyo sa Caldea,” ipasulti kini sa Jerusalem.

Jeremias 51:36

Busa mao kini ang giingon sa Ginoo: “Ako maglaban sa imong katungod ug manimalos alang kanimo. Akong paughon ang iyang dagat ug paughon ang iyang tuboran;

Daniel 5:30

Niadto gayong gabhiona si Belsasar nga hari nga Caldeanhon gipatay.

Joel 3:10

Himoa nga espada ang inyong mga punta sa daro, ug ang inyong mga galab himoa nga mga bangkaw; ug pasultiha ang luya, “Ako usa ka manggugubat.”

Joel 3:9

Ipahibalo ninyo kini taliwala sa mga nasod: Pangandam alang sa gubat, aghata ang kusgan nga mga tawo. Paduola ang tanang mga tawo sa panggubatan, patungasa sila.

Levitico 26:25

Ug dad-an ko kamo ug espada nga manimalos sa pagsupak ninyo sa akong kasabotan ug tigomon kamo sa inyong mga lungsod ug magpadala ako ug kamatay sa taliwala ninyo ug itugyan kamo ngadto sa kamot sa kaaway.

Zacarias 14:12

Ug mao kini ang katalagman nga ipahamtang sa Ginoo sa tanang mga katawhan nga nakiggubat batok sa Jerusalem. Ang ilang mga unod madunot samtang magtindog pa sila ug ang ilang mga mata madunot diha sa ilang mga luyak ug ang ilang mga dila madunot diha sa ilang mga baba.

Zacarias 14:2

Kay tigomon nako ang tanang mga nasod aron sa pagpakiggubat batok sa Jerusalem ug ang siyudad mailog, ug ang mga balay panglungkabon ug ang mga babaye panglugoson. Ang katunga sa siyudad mahiadto sa pagkabinihag apan ang nahibilin sa katawhan dili puohon gikan sa siyudad.