Jeremias 51:1

Ang Biblia 2011

Mao kini ang giingon sa Ginoo: “Tan-awa, akong hagiton ang espiritu sa tiglaglag batok sa Babilonia, batok sa mga nagpuyo sa Caldea;

Cross References

2 Mga Hari 19:7

Tan-awa, magbutang ako ug usa ka espiritu diha kaniya ug siya makadungog ug mga balita ug mopauli sa iyang kaugalingong yuta ug himoon nako nga mapukan siya sa espada diha sa iyang kaugalingong yuta.’ ”

Salmo 137:8

O anak nga babaye sa Babilonia, ikaw nga tiglaglag, Magmalipayon siya nga magbalos kanimo sa imong nahimo kanamo!

Isaias 13:13

Busa pakurogon nako ang kalangitan, ug ang yuta matay-og gikan sa dapit niini, sa kaligutgot sa Ginoo sa mga panon, sa adlaw sa iyang pintas nga kasuko.

Isaias 14:14

Mokayab ako sa ibabaw sa mga kahitas-an sa kapanangoran, himoon nako ang akong kaugalingon nga sama sa Labing Halangdon.’

Isaias 21:1

Ang mensahe mahitungod sa kamingawan sa dagat. Ingon nga ang mga alimpulos sa Negeb molahos, kini naggikan sa kamingawan, gikan sa usa ka yuta nga makalilisang.

Isaias 47:1

Kanaog, ug lingkod sa abog, O ulay nga anak sa Babilonia; lingkod sa yuta nga walay trono, O anak nga babaye sa mga Caldeanhon! Kay ikaw dili na tawgon nga lumo ug huyang.

Jeremias 23:19

Tan-awa, ang bagyo sa Ginoo! Ang kapungot migula, usa ka nagtuyoktuyok nga alimpulos; kini mobuto ibabaw sa ulo sa mga daotan.

Jeremias 49:36

ug ipadala nako ngadto sa Elam ang upat ka hangin nga gikan sa upat ka suok sa langit, ug patibulaagon nako sila ngadto nianang mga hangin ug walay nasod nga dili adtoan sa mga sinalikway sa Elam.

Jeremias 50:21

“Tungas batok sa yuta sa Merataim, ug batok sa mga nagpuyo sa Pekod. Pamatya ug hutda sila paglaglag, nag-ingon ang Ginoo, ug buhata ang tanan nga gisugo nako kanimo.

Jeremias 50:24

Ako nagbutang ug usa ka lit-ag alang kanimo ug ikaw nakuha, O Babilonia, ug ikaw wala mahibalo niini; nakit-an ikaw ug nadakpan tungod kay ikaw nakigbatok sa Ginoo.

Jeremias 50:29

“Ipatawag ang mga tigpana batok sa Babilonia, kadtong tanan nga nagbingat sa pana. Pagpahiluna kamo libot kaniya; walay usa nga paikyason. Balosi siya sumala sa iyang mga binuhatan, buhata kaniya sumala sa tanan nga iyang nabuhat, kay siya mapagarbohong nakigbatok sa Ginoo, ang Balaan sa Israel.

Jeremias 50:33

“Mao kini ang giingon sa Ginoo sa mga panon: Ang katawhan sa Israel gidaogdaog, ug ang katawhan sa Juda uban kanila; ang tanan nga nagbihag kanila, hugot nga nagpugong kanila, sila nagdumili sa pagbuhi kanila.

Jeremias 50:9

Kay aghaton nako ug paanhion nako batok sa Babilonia ang usa ka pundok sa mga dagkong nasod, gikan sa yuta sa amihanan; ug sila magpahimutang sa ilang kaugalingon batok kaniya; gikan didto ilogon siya. Ang ilang mga udyong mahimong sama sa usa ka batid nga manggugubat nga dili mobalik nga walay dala.

Jeremias 51:53

Bisan ug ang Babilonia mokayab ngadto sa langit, bisan ug palig-onan niya ang lig-on niyang salipdanan, ang mga tiglaglag moadto kaniya gikan kanako, nag-ingon ang Ginoo.

Jeremias 51:60

Gisulat ni Jeremias sa usa ka basahon nga linukot ang tanang kadaotan nga modangat sa Babilonia, kining tanan nga mga pulong nga gisulat mahitungod sa Babilonia.

Ezequiel 19:12

Apan ang paras giibot diha sa kabangis, gisalibay ngadto sa yuta; ang hangin gikan sa silangan mipalaya niini; gikuha ang mga bunga niini; ang lig-ong sanga nalaya; ang kalayo milamoy niini.

Oseas 13:15

Bisan ug siya mouswag sama sa tanom nga bugang, ang hangin sa silangan, ang hangin sa Ginoo moabot, motungha gikan sa kamingawan; ug ang iyang tubod maughan, ang iyang tuboran magmala; kini magkuha sa bililhong butang gikan sa iyang mga bahandi.

Amos 3:6

Gipatingog ba ang trumpeta diha sa siyudad, ug ang katawhan wala mahadlok? Mahiagom ba sa kadaotan ang usa ka siyudad gawas kon ang Ginoo ang naghimo niini?

Zacarias 2:8

Kay mao kini ang giingon sa Ginoo sa mga panon human nga ang iyang himaya nagpadala kanako ngadto sa kanasoran nga nagtulis kaninyo, kay siya nga nagtandog kaninyo, nagtandog sa kalimutaw sa iyang mata,

Mga Buhat 9:4

Ug natumba siya sa yuta ug nakadungog ug tingog nga nag-ingon kaniya, “Saulo, Saulo, nganong gilutos nimo ako?”