Jeremias 50:8

Ang Biblia 2011

“Palayo kamo gikan sa taliwala sa Babilonia, ug panggula kamo gikan sa yuta sa mga Caldeanhon ug pagpakasama sa mga laking kanding nga mag-una sa mga panon.

Cross References

Mga Panultihon 30:31

ang usa ka sunoy nga nagbirig, ang laking kanding ug ang usa ka hari sa atubangan sa iyang katawhan.

Isaias 48:20

Panggula kamo gikan sa Babilonia, pangagiw kamo gikan sa Caldea, ipahayag kini uban sa usa ka singgit sa kalipay, isaysay kini, isangyaw kini sa kinatumyan sa yuta; isulti ninyo, “Giluwas sa Ginoo ang iyang sulugoon nga si Jacob!”

Isaias 52:1

Pagmata, pagmata, paglig-on, O Zion; isul-ob ang imong matahom nga mga bisti, O Jerusalem, ang balaan nga siyudad; kay gikan karon wala nay moanha kanimo, nga dili tinuli ug dili hinlo.

Isaias 52:11

Palayo, palayo kamo, gula kamo gikan diha, ayaw paghikap ug butang nga hugaw; panggula kamo gikan sa iyang taliwala, panghinlo kamo sa inyong kaugalingon, kamo nga nagdala sa mga sudlanan sa Ginoo.

Jeremias 51:45

“Pamahawa kamo gikan sa iyang taliwala, akong katawhan! Ipaluwas sa matag tawo ang iyang kinabuhi gikan sa bangis nga kasuko sa Ginoo!

Jeremias 51:6

“Palayo kamo gikan sa taliwala sa Babilonia, ipaluwas sa matag tawo ang iyang kinabuhi! Ayaw kamo pagpalaglag diha sa iyang silot kay kini mao ang panahon sa pagpanimalos sa Ginoo, ang balos nga iyang gipahamtang kaniya.

Zacarias 2:11

Ug daghang mga nasod ang magtipon ngadto sa Ginoo nianang adlawa, ug mahimo nga akong katawhan, ug ako mopuyo sa taliwala nimo, ug ikaw makaila nga ang Ginoo sa mga panon maoy nagsugo kanako nganhi kanimo.

Numeros 16:26

Ug siya miingon sa tibuok nga katilingban, “Palayo kamo gikan sa mga tolda niining mga tawong daotan ug ayaw kamo paghikap sa bisan unsang butang nga ila aron dili kamo maut-ot diha sa tanan nilang kasal-anan.”

2 Mga Taga-Corinto 6:17

Busa panggula kamo gikan kanila, ug bulag kamo gikan kanila, nag-ingon ang Ginoo, ug ayaw na kamo paghikap ug hugaw; unya dawaton ko kamo.

Gipadayag 18:4

Unya nadungog nako gikan sa langit ang laing tingog nga nag-ingon, “Gula kamo kaniya, akong katawhan aron dili kamo makaambit sa iyang kasal-anan, aron dili kamo mahiagom sa iyang mga katalagman;