Jeremias 50:7

Ang Biblia 2011

Gitukob sila sa tanan nga nakakita kanila ug ang ilang mga kaaway miingon, ‘Kami dili sad-an, kay sila nakasala batok sa Ginoo, ang ilang matuod nga puluy-anan, ang Ginoo, ang paglaom sa ilang mga katigulangan.’

Cross References

Jeremias 14:8

O ikaw nga paglaom sa Israel, ang manluluwas niini panahon sa kasamok, ngano nga nahisama man ikaw sa usa ka dumuduong sa yuta, sama sa usa ka magpapanaw nga magpalabay lamang sa kagabhion?

Jeremias 2:3

Ang Israel balaan alang sa Ginoo, ang unang bunga sa iyang abot. Ang tanan nga mikaon niini nahimong sad-an; ang kadaotan midangat kanila, nag-ingon ang Ginoo.”

Zacarias 11:5

Kadtong mopalit niini mag-ihaw niini ug dili silotan ug kadtong magbaligya kanila mag-ingon, ‘Dalaygon ang Ginoo kay ako nahimong adunahan,’ ug ang ilang kaugalingon nga mga tigbantay wala maluoy kanila.

Jeremias 31:23

Mao kini ang giingon sa Ginoo sa mga panon, ang Dios sa Israel: “Sila maggamit pag-usab niining pulonga sa yuta sa Juda ug sa mga siyudad niini, sa diha nga ibalik nako ang ilang maayong kahimtang: ‘Ang Ginoo magpanalangin kanimo, O puluy-anan sa pagkamatarong, O bukid nga balaan!’

Jeremias 50:17

“Ang Israel mao ang giayam nga karnero nga giabog sa mga liyon. Una, ang hari sa Asiria milamoy kaniya ug karon sa kataposan gikitkit ang iyang mga bukog ni Nabucodonosor nga hari sa Babilonia.

1 Timoteo 1:1

Si Pablo, apostol ni Cristo Jesus sumala sa sugo sa Dios nga atong Manluluwas ug ni Cristo Jesus nga atong paglaom,

Zacarias 1:15

Ug ako nasuko gayod sa mga nasod nga nagpuyo sa kasayon. Kay sa dihang gamay ra unta ang akong kasuko, ilang gipalabihan ang katalagman niini.

Daniel 9:16

O Ginoo, sumala sa tanan nimong matarong nga mga buhat, pabiyaa ang imong kasuko ug kaligutgot gikan sa imong siyudad nga Jerusalem, ang imong balaan nga bukid kay tungod sa among mga sala ug tungod sa kadaotan sa among mga katigulangan, ang Jerusalem ug ang imong katawhan nahimong sanglitanan sa tanan nga naglibot kanamo.

Daniel 9:6

Wala kami mamati sa imong mga alagad nga mga propeta nga nagsulti sa imong ngalan ngadto sa among mga hari, sa among mga pangulo, ug sa among mga katigulangan, ug sa tibuok katawhan sa yuta.

Jeremias 50:33

“Mao kini ang giingon sa Ginoo sa mga panon: Ang katawhan sa Israel gidaogdaog, ug ang katawhan sa Juda uban kanila; ang tanan nga nagbihag kanila, hugot nga nagpugong kanila, sila nagdumili sa pagbuhi kanila.

Isaias 56:9

Kamong tanan nga mga mananap sa kapatagan, dali ngari aron sa pagtukob, kamong tanan nga mga mananap sa lasang.

Isaias 47:6

Ako nasuko sa akong katawhan, gipanamastamasan nako ang akong panulundon; gihatag nako sila sa imong kamot, ikaw wala magpakita kanila ug kaluoy; ngadto sa mga tigulang gihimo nimo ang imong yugo nga bug-at kaayo.

Isaias 9:12

Ang mga Sirianhon sa silangan ug ang mga Filistihanon sa kasadpan naglamoy sa Israel uban sa baba nga nagbuka. Bisan pa niining tanan ang iyang kasuko wala mahanaw, ug gibakyaw gihapon niya ang iyang kamot.

Salmo 91:1

Siya nga nagpuyo diha sa panalipod sa Labing Halangdon, nga nagpahulay ilalom sa landong sa Labing Gamhanan,

Salmo 90:1

Ginoo, ikaw mao ang among dapit nga puluy-anan sa tanang mga kaliwatan.

Salmo 79:7

Kay ilang gilamoy si Jacob, ug ilang gilumpag ang iyang puluy-anan.

Salmo 71:5

Kay ikaw, O Ginoo, mao ang akong paglaom, ang akong pagsalig, O Ginoo, sukad pa sa akong pagkabatan-on.

Jeremias 5:17

Ilang hutdon pagkaon ang imong abot ug ang imong pagkaon; ilang hutdon pagkaon ang imong mga anak nga lalaki ug ang imong mga anak nga babaye; ilang hutdon pagkaon ang imong panon sa karnero ug ang imong panon sa mga baka; ilang hutdon pagkaon ang imong kaparasan ug ang imong mga kahoy nga igos; ang imong kinutaang mga siyudad nga imong gisaligan ilang lumpagon pinaagi sa espada.”

Jeremias 10:25

Ibubo ang imong kaligutgot sa kanasoran nga wala makaila kanimo, ug nganha sa mga katawhan nga wala magsangpit sa imong ngalan; kay ilang gilamoy si Jacob; ilang gilamoy siya ug giut-ot ug gihimong awaaw ang iyang puluy-anan.

Jeremias 17:13

O Ginoo, ang paglaom sa Israel, ang tanan nga mobiya kanimo mahiagom sa kaulawan; kadtong mibiya kanimo isulti diha sa yuta, kay sila mibiya sa Ginoo, ang tuboran sa tubig nga buhi.

Ezequiel 34:5

Ug sila nagkatibulaag, tungod kay sila walay tigbantay ug sila nangahimong kan-onon sa tanang mga bangis nga mananap.

Ezequiel 35:12

Ug ikaw mahibalo nga ako, ang Ginoo, nakadungog sa tanan nimong mga pagpasipala nga imong gipamulong batok sa kabukiran sa Israel, nga nag-ingon, ‘Sila nangahimong biniyaan, sila gihatag kanato aron tukbon.’

Jeremias 33:15

Nianang mga adlawa ug nianang panahona, patunghaon nako ang usa ka matarong nga Sanga alang kang David, ug siya magpahamtang ug hustisya ug pagkamatarong diha sa yuta.

Jeremias 33:16

Nianang mga adlawa, ang Juda maluwas ug ang Jerusalem magpuyo nga layo sa kakuyaw. Ug mao kini ang ngalan nga itawag niini, ‘Ang Ginoo mao ang atong pagkamatarong.’

Jeremias 50:14

Pangandam kamo alang sa paglibot batok sa Babilonia, kamong tanan nga nagbingat sa pana; panaa ninyo siya, ayaw kamo pagbilin ug mga udyong, kay siya nakasala batok sa Ginoo.