Jeremias 5:7

Ang Biblia 2011

“Unsaon nako sa pagpasaylo kanimo? Ang imong mga anak mitalikod kanako, ug nanumpa pinaagi niadtong dili mga dios. Sa diha nga gipakaon nako sila hangtod sa pagkabusog, sila nanapaw hinuon ug nagpanon ngadto sa mga balay sa mga babaye nga nagbaligya sa ilang dungog.

Cross References

2 Cronicas 13:9

Wala ba ninyo aboga ang mga pari sa Ginoo, ang mga anak ni Aaron, ug ang mga Levihanon ug naghimo kamo ug mga pari alang kaninyo sama sa mga katawhan sa laing mga yuta? Busa si bisan kinsa nga moanhi sa pagbalaan sa iyang kaugalingon pinaagi sa usa ka batan-ong baka nga laki ug pito ka laking karnero, mahimong pari sa dili mga dios.

Job 31:12

kay usa man kana ka kalayo nga mag-ut-ot hangtod sa Kalaglagan, ug magsunog kini sa tanan nakong abot hangtod sa gamot.

Salmo 50:18

Kon ikaw nga makakita ug usa ka kawatan, ikaw makighigala kaniya, ug makig-uban ikaw sa mga mananapaw.

Jeremias 12:16

Kon sila magkugi sa pagtuon sa mga pamaagi sa akong katawhan, sa pagpanumpa pinaagi sa akong ngalan, ‘Ingon nga ang Ginoo buhi,’ bisan ug ilang gitudloan ang akong katawhan sa pagpanumpa kang Baal, sila akong tukoron sa taliwala sa akong katawhan.

Jeremias 13:27

Nakita nako ang imong mga dulumtanan, ang imong mga pagpanapaw ug ang imong mga pagbahihi, ang kalaw-ay sa imong pagpakighilawas, diha sa mga bungtod sa kaumahan. Alaot ikaw, O Jerusalem! Unsa ba ka dugay hangtod nga ikaw mahimo nga hinlo?”

Jeremias 16:11

ingna sila: ‘Tungod kay ang inyong mga katigulangan mibiya kanako, nag-ingon ang Ginoo, ug misunod sa laing mga dios ug nag-alagad ug nagsimba kanila ug mibiya kanako, ug wala magtuman sa akong balaod,

Jeremias 16:20

Makahimo ba ug mga dios ang tawo alang sa iyang kaugalingon? Ang ingon niana dili mga dios!”

Jeremias 2:11

Nag-ilis ba ug mga dios ang usa ka nasod, bisan kon kini dili mga dios? Apan ang akong katawhan nag-ilis sa ilang himaya alang niadtong walay kapuslanan.

Jeremias 2:31

O kaliwatan, pamatia ang pulong sa Ginoo. Kamingawan ba ako alang sa Israel, o usa ba ka yuta sa hilabihan nga kangitngit? Nganong nag-ingon man ang akong katawhan, ‘Kami gawasnon, dili na kami moduol kanimo’?

Jeremias 23:10

Kay ang yuta napuno sa mga mananapaw; tungod sa tunglo ang yuta nagsubo ug ang mga sibsibanan sa kamingawan nangauga. Ang ilang gisubay daotan, ug ang ilang kusog dili matarong.

Jeremias 3:19

“ ‘Ako naghunahuna unsaon nako pagpahimutang kanimo uban sa akong sa mga anak, ug paghatag kanimo sa maayong yuta, usa ka labing matahom nga panulundon sa tanang mga nasod. Ug ako naghunahuna nga motawag ikaw kanako, Akong Amahan, ug dili mobiya sa pagsunod kanako.

Jeremias 3:8

Nakita niya nga alang sa tanang pagpanapaw niadtong maluibon nga Israel, gipalakaw ko siya uban sa sulat sa pakigbulag. Apan ang iyang malinglahong igsoon nga Juda wala mahadlok, hinuon siya usab miadto ug nagkighilawas.

Jeremias 7:9

Mangawat ba kamo, mopatay, manapaw, manumpa ug bakak, magsunog ug insenso ngadto kang Baal, ug magsunod sa laing mga dios nga wala ninyo mailhi,

Jeremias 9:1

O katubigan unta ang akong ulo, ug ang akong mga mata tuboran sa mga luha, aron ako maghilak adlaw ug gabii tungod sa mga nangamatay sa anak nga babaye sa akong katawhan!

Jeremias 9:2

Aduna unta akoy usa ka balay didto sa kamingawan alang sa mga tawong nagpanaw, aron ako makabiya sa akong katawhan ug mopalayo gikan kanila! Kay silang tanan mga mananapaw, usa ka katilingban sa mabudhiong mga tawo.

Mga Pagbangotan 3:42

“Kami nakalapas ug misukol ug ikaw wala magpasaylo.

Ezequiel 22:11

Adunay naghimo ug mga dulumtanan uban sa asawa sa iyang silingan, adunay nagpasipala sa iyang umagad nga babaye ug adunay nagpasipala sa iyang igsoong babaye, anak sa iyang amahan.

Oseas 11:8

Unsaon man nako pagbiya kanimo, O Ephraim? Unsaon man nako pagsalikway kanimo, O Israel? Unsaon nako paghimo kanimo nga sama sa Adma? Unsaon man nako paghimo kanimo nga sama sa Zeboim? Ang akong kasingkasing nausab sa sulod nako, ang akong kaluoy misamot ka dako.

Oseas 13:6

Sa diha nga sila nakakaon na pag-ayo, nangabusog sila, ug gibayaw ang ilang kasingkasing, busa sila nalimot kanako.

Oseas 4:2

Hinuon adunay pagpanumpa, pagpamakak, pagpamatay, pagpangawat, ug pagpanapaw, ilang gilapas ang tanan nga mga utlanan ug nagsunodsunod ang pagpamatay.

Oseas 7:4

Silang tanan mga mananapaw; sila sama sa usa ka hudno nga giinit, nga ang mga tigluto mihunong sa pagpasiga sa kalayo, gikan sa pagmasa, hangtod nga kini mitubo.

Levitico 20:10

“Kon ang usa ka tawo manapaw sa asawa sa laing tawo, ang mananapaw nga lalaki ug ang mananapaw nga babaye patyon.

Amos 8:14

Kadtong manumpa pinaagi kang Asima sa Samaria ug mag-ingon, ‘Ingon nga ang imong dios buhi, O Dan,’ ug, ‘Ingon nga ang pamaagi sa Beer-seba buhi,’ sila mangapukan ug dili na gayod makabangon pag-usab.”

Sofonias 1:5

kadtong nagsimba sa mga panon sa langit nga anaa sa mga atop sa balay; kadtong nagsimba ug nanumpa ngadto sa Ginoo, apan nanumpa pinaagi sa ngalan ni Milcom,

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

1 Mga Taga-Corinto 6:9

Wala ba kamo masayod nga ang mga tawong dili matarong dili makapanunod sa gingharian sa Dios? Ayaw kamo pagpalimbong; walay mga makihilawason o mga tigsimba ug mga diosdios o mga mananapaw o mga makig-unay ug isigkalalaki

1 Mga Taga-Corinto 8:4

Ug mahitungod sa pagkaon sa mga hinalad ngadto sa mga diosdios, kita nasayod nga “wala gayoy diosdios dinhi sa kalibotan,” ug nga “walay laing Dios gawas sa usa lamang.”

Mga Taga-Galacia 4:8

Kaniadto, sa wala pa kamo makaila sa Dios, kamo naulipon ngadto sa mga binuhat nga sa kinaiya dili mga dios,

Deuteronomio 32:15

“Apan mitambok ang Jesurun ug nanindak; mitambok ikaw, midako ikaw, mihapsay ikaw. Unya mibiya siya sa Dios nga nagbuhat kaniya, ug gitamay niya ang Bato sa iyang kaluwasan.

Deuteronomio 32:21

Sila naghagit kanako sa pagpangabuho sa dili dios; ila akong gihagit pinaagi sa ilang mga diosdios. Busa hagiton nako sila sa pagpangabubho sa mga dili katawhan, pasuk-on nako sila sa mga nasod nga buangbuang.

Mga Hebreo 13:4

Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.

Santiago 4:4

Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios.

Josue 23:7

aron dili kamo matipon niining mga nasod nga nahibilin sa taliwala ninyo o maghisgot sa mga ngalan sa ilang mga dios o manumpa pinaagi kanila o mag-alagad kanila o magyukbo sa inyong kaugalingon ngadto kanila.