Jeremias 5:6

Ang Biblia 2011

Tungod niini usa ka liyon nga gikan sa lasang mopatay kanila, usa ka lobo gikan sa kamingawan molaglag kanila. Usa ka leopardo magbantay batok sa ilang mga siyudad, ang matag usa nga mogula gikan didto kuniskunison; kay ang ilang mga kalapasan daghan, ang ilang mga pagbiya sa pagtuo nagkadaghan.

Cross References

2 Cronicas 36:14

Ang tanan nga nangulo nga mga pari ug ang katawhan hilabihan ka masupilon, nagsunod sa tanan nga mga dulumtanan sa mga nasod ug ilang gihugawan ang balay sa Ginoo nga iyang gibalaan didto sa Jerusalem.

Esdras 10:10

Ug si Ezra nga pari mitindog ug miingon kanila, “Kamo nakalapas ug nakigminyo sa mga langyaw nga babaye ug busa nadugangan ang sala sa Israel.

Esdras 9:6

ug ako miingon, “O akong Dios, ako naulaw ug nanglipaghong ang nawong sa pagyahat nganha kanimo, Dios ko, kay ang among kalapasan milapaw sa among ulo ug ang among sala misaka ngadto sa kalangitan.

Job 10:16

Ug kon akong ipataas ang akong kaugalingon, ikaw, mangita kanako sama sa liyon, ug mobuhat pag-usab ug mga kahibulongan batok kanako.

Salmo 104:20

Gibuhat nimo ang kangitngit, ug nahimo ang kagabhion, sa dihang manggula ang tanang mga mananap sa lasang.

Salmo 80:13

Ang baboy nga ihalas nga gikan sa lasang miungad niini, ug ang tanang mananap sa kapatagan nangaon niini.

Isaias 1:23

Ang imong mga pangulo masupilon ug kauban sa mga kawatan. Ang matag usa nahigugma sa suborno ug nagtinguha sa mga gasa. Wala nila panalipdi ang mga wala nay amahan, ug ang mga sumbong sa biyuda wala modangat kanila.

Isaias 59:12

Kay ang among mga kalapasan gipadaghan sa imong atubangan, ug ang among mga sala nagpamatuod batok kanamo, kay ang mga kalapasan ania uban kanamo, ug kami nakaila sa among mga kasal-anan:

Jeremias 14:7

“Bisan ang among mga kasal-anan nagpamatuod batok kanamo, pagbuhat, O Ginoo, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Jeremias 2:15

Ang mga liyon nagngulob batok kaniya, nangugulob sila pag-ayo. Ilang gihimo nga awaaw ang iyang yuta; ang iyang mga siyudad nangagun-ob, walay nagpuyo.

Jeremias 2:17

Wala ba ikaw magdala niini sa imong kaugalingon pinaagi sa pagbiya sa Ginoo nga imong Dios, sa diha nga siya nagmando kanimo diha sa dalan?

Jeremias 2:19

Ang imong pagkadaotan maoy magpanton kanimo, ug ang imong pagbalik sa pagpakasala magbadlong kanimo. Hibaloi ug tan-awa nga daotan ug pait kini alang kanimo ang pagbiya nimo sa Ginoo nga imong Dios; ang pagkahadlok kanako wala diha kanimo, nag-ingon ang Ginoong Dios sa mga panon.

Jeremias 2:31

O kaliwatan, pamatia ang pulong sa Ginoo. Kamingawan ba ako alang sa Israel, o usa ba ka yuta sa hilabihan nga kangitngit? Nganong nag-ingon man ang akong katawhan, ‘Kami gawasnon, dili na kami moduol kanimo’?

Jeremias 25:38

Sama sa usa ka liyon, siya mibiya sa iyang tagoanan, kay ang ilang yuta nahimong usa ka awaaw tungod sa espada sa nagdaogdaog, ug tungod sa iyang bangis nga kasuko.”

Jeremias 30:14

Ang tanan nimong mga hinigugma nalimot kanimo; wala sila mabalaka kanimo; kay gibuhatan ko ikaw sa hampak sa usa ka kaaway, ang silot sa walay kaluoy nga kaaway, tungod kay dako ang imong kasal-anan, kay ang imong mga sala hilabihan ka daghan.

Jeremias 30:15

Nganong nagtiyabaw ka man tungod sa imong samad? Ang imong kasakit walay kaayohan. Tungod kay dako ang imong kasal-anan, tungod kay ang imong mga sala hilabihan ka daghan, gibuhat ko kining mga butanga kanimo.

Jeremias 30:24

Ang bangis nga kapungot sa Ginoo dili na mosibog hangtod nga mabuhat niya ug matuman ang mga tinguha sa iyang kasingkasing. Sa ulahing mga adlaw inyo kining masabtan.

Jeremias 4:7

Usa ka liyon migawas gikan sa iyang tagoanan, usa ka tiglaglag sa kanasoran nangandam na; siya migula gikan sa iyang dapit aron sa paglaglag sa imong yuta; ang imong mga siyudad mangagun-ob ug wala nay magpuyo.

Jeremias 49:19

Sama sa usa ka liyon nga moabot gikan sa kakahoyan sa Jordan batok sa lig-on nga toril, padaganon dayon nako sila gikan kaniya ug akong itudlo ibabaw kaniya si bisan kinsa nga akong gipili. Kay kinsa man ang sama kanako? Kinsa ang mopatawag kanako? Kinsa ang tigbantay sa karnero nga makabarog sa akong atubangan?

Jeremias 8:5

Busa ngano man nga kining katawhan sa Jerusalem mitalikod ngadto sa dayong pagkadalin-as? Sila mitapot sa limbong, nagdumili sila sa pagbalik.

Jeremias 8:7

Bisan ang talabon sa kalangitan nahibalo sa iyang mga panahon; ug ang tukmo, ang sayaw ug ang lapay nagbantay sa panahon sa ilang pag-abot; apan ang akong katawhan wala mahibalo sa tulumanon sa Ginoo.

Mga Pagbangotan 1:5

Ang iyang mga kaaway nangahimong mga pangulo, ang iyang mga kaaway miuswag, kay ang Ginoo nagpaantos kaniya tungod sa pagkadaghan sa iyang mga kalapasan; ang iyang kabataan gipamihag ngadto sa atubangan sa kaaway.

Ezequiel 16:25

Sa ulohan sa matag dalan, nagtukod ikaw ug habog nga dapit, ug gihimo nimong law-ay ang imong katahom ug nanghagad sa imong kaugalingon ngadto kang bisan kinsa nga nangagi, ug nagpadaghan sa imong mga pagpakighilawas.

Ezequiel 22:27

Ang iyang mga pangulo sa taliwala niya sama sa mga lobo nga nagkuniskunis sa tinukob, nagpaagas ug dugo, nanglaglag sa mga kinabuhi aron sa pag-angkon ug ganansiya pinaagi sa panikas.

Ezequiel 23:19

Bisan pa niana gipasamot niya ang iyang pagkamakihilawason, naghandom sa mga adlaw sa iyang pagkabatan-on, sa dihang nagbaligya siya sa iyang dungog didto sa yuta sa Ehipto

Daniel 7:4

Ang una sama sa usa ka liyon, ug adunay mga pako sa agila. Unya samtang nagtan-aw ako, ang mga pako niini nangaibot ug kini gialsa gikan sa yuta ug gipatindog sa duha ka tiil sama sa usa ka tawo ug ang panghunahuna sa tawo gihatag niini.

Daniel 7:6

Human niini, ako mitan-aw ug nakita nako ang lain nga sama sa usa ka leopardo, nga adunay upat ka pako sa langgam sa likod niini, ug ang mananap adunay upat usab ka ulo ug ang paggahom gihatag kaniya.

Oseas 5:14

Kay ako mahisama sa liyon alang sa Ephraim, ug sama sa batan-ong liyon alang sa balay sa Juda. Ako gayod mokuniskunis ug mobiya, ako mobihag ug walay bisan kinsa nga makaluwas.

Habacuc 1:8

Ang ilang mga kabayo tulin pa kay sa mga leopardo, bangis pa kay sa mga lobo sa kagabhion; ang ilang mga tigpangabayo nagpadayon nga mapagarbohon. Oo, ang ilang mga tigpangabayo naggikan sa layo; sila naglupad sama sa agila nga nagdali aron sa pagtukob.

Sofonias 3:3

Ang iyang mga tinugyanan sa taliwala niya mga liyon nga nagngulob; ang iyang mga maghuhukom mao ang mga lobo sa kagabhion nga dili magsalin hangtod sa pagkabuntag.

Numeros 32:14

Ug tan-awa, kamo ang mipuli sa inyong mga amahan nga dugang sa mga tawong makasasala, aron sa pagdugang pa sa kasuko sa Ginoo ngadto sa Israel!

Gipadayag 13:2

Ug ang bangis nga mananap nga akong nakita daw usa ka leopardo, ang iyang mga tiil daw mga tiil sa oso, ug ang iyang baba daw baba sa liyon. Ug kaniya gihatag sa dragon ang iyang gahom ug ang iyang trono ug ang dakong kagahom.