Jeremias 5:21

Ang Biblia 2011

“Pamatia kini, O mga buangbuang ug walay alamag nga katawhan, nga adunay mga mata apan dili makakita, nga adunay mga dalunggan apan dili makadungog.

Cross References

Salmo 94:8

Palandonga ninyo, kamong mga kinahungogan sa katawhan! Mga buangbuang, kanus-a ba kamo magmaalamon?

Mga Panultihon 17:16

Nganong aduna may bili diha sa kamot ang usa ka buangbuang aron sa pagpalit ug kaalam, nga wala man siyay panghunahuna?

Isaias 27:11

Sa diha nga ang mga sanga niini mangalaya, kini mangaputol; ang mga babaye manganhi ug magdaob niini. Kay kini usa ka katawhan nga walay salabotan; busa siya nga nagbuhat kanila dili maluoy kanila, ug siya nga maoy nag-umol kanila dili mopakita ug kaluoy kanila.

Isaias 43:8

Dad-a ang katawhan nga mga buta bisan ug adunay mga mata, ug ang mga bungol bisan ug adunay mga dalunggan!

Isaias 44:18

Sila wala makaila o makasabot, kay iyang gitaptapan ang ilang mga mata aron sila dili makakita, ug ang ilang mga hunahuna aron sila dili makasabot.

Jeremias 10:8

Sila mga hungog ug buangbuang; ang pagtulun-an sa mga diosdios mga kahoy lamang!

Jeremias 4:22

“Kay ang akong katawhan mga buangbuang, wala sila makaila kanako; sila hungog nga mga anak, ug wala silay mga salabotan. Sila mga batid sa pagbuhat ug kadaotan, apan sa pagbuhat ug maayo sila walay kahibalo.”

Jeremias 5:20

Ipahayag ninyo kini diha sa balay ni Jacob, ug isangyaw kini sa Juda:

Jeremias 5:4

Unya ako miingon, “Kini sila mga kabos lamang, sila walay alamag; kay sila wala mahibalo sa dalan sa Ginoo, sa Balaod sa ilang Dios.

Jeremias 6:10

Kang kinsa man ako mosulti ug mohatag ug pasidaan, aron sila mamati? Tan-awa, ang ilang mga dalunggan tinak-opan, dili siya makadungog. Ang pulong sa Ginoo alang kanila usa ka bugalbugal, sila walay kahimuot niini.

Jeremias 7:13

Ug karon tungod kay inyong gibuhat kining tanang mga butanga, nag-ingon ang Ginoo, ug sa dihang misulti ako kaninyo, wala kamo mamati ug sa diha nga mitawag ako kaninyo, wala kamo motubag,

Jeremias 8:7

Bisan ang talabon sa kalangitan nahibalo sa iyang mga panahon; ug ang tukmo, ang sayaw ug ang lapay nagbantay sa panahon sa ilang pag-abot; apan ang akong katawhan wala mahibalo sa tulumanon sa Ginoo.

Ezequiel 12:2

“Anak sa tawo, ikaw nagpuyo taliwala sa usa ka balay nga masupilon, nga adunay mga mata sa pagtan-aw apan dili makakita, adunay mga dalunggan sa pagpamati apan dili makadungog, kay sila usa ka masupilon nga panimalay.

Oseas 7:11

Ang Efraim sama sa usa ka salampati nga buangbuang ug walay salabotan; nagtawag sila sa Ehipto, miadto sa Asiria.

Zacarias 7:11

Apan sila nagdumili sa pagpamati ug mipaliso sa mga gahi nga abaga, ug gisampongan ang ilang mga dalunggan aron sila dili makadungog.

Marcos 4:12

aron nga sa ilang pagtan-aw makakita sila apan dili makasabot ug nga sa ilang pagpaminaw makabati sila apan dili makatugkad, kay basin unya ug mamalik sila ug pasayloon.”

Marcos 8:18

May mga mata man unta kamo, dili ba kamo makakita? May mga dalunggan man unta kamo, dili ba kamo makabati? Wala ba kamo mahinumdom?

Juan 12:40

“Iyang gibutaan ang ilang mga mata ug gipagahi ang ilang kasingkasing, kay tingali unya ug makakita sila pinaagi sa ilang mga mata, ug makasabot pinaagi sa ilang kasingkasing, ug mamalik kanako aron ayohon nako sila.”

Mga Buhat 28:26

‘Adtoa kining mga tawhana, ug sultihi sila: Sa inyong pagpamati makabati kamo, apan dili gayod kamo makasabot; sa inyong pagtan-aw makasud-ong kamo, apan dili gayod kamo makakita.

Roma 1:20

Kay sukad pa sa pagbuhat sa kalibotan ang iyang dili makita nga kinaiya, nga mao ang iyang walay kinutoban nga gahom ug pagka-Dios, sa tin-aw naila na pinaagi sa mga butang nga iyang gibuhat. Busa wala silay ikapasangil,

Roma 11:8

ingon sa nasulat, “Gihatagan sila sa Dios ug espiritu sa katig-a, mga mata nga dili makakita ug mga dalunggan nga dili makadungog, hangtod niining adlawa.”

Deuteronomio 29:3

ang dagkong pagsulay nga nakita sa inyong mga mata, ang mga ilhanan ug kadtong dagkong mga katingalahan.

Deuteronomio 29:4

Apan hangtod karong adlawa ang Ginoo wala maghatag kaninyo ug kasingkasing sa pagsabot o mga mata sa pagtan-aw o mga dalunggan sa pagpamati.

Deuteronomio 32:6

Mao ba kini ang ibalos ninyo sa Ginoo, O katawhan nga buangbuang ug hungog? Dili ba siya mao ang imong amahan nga nagbuhat kanimo, ang nagbuhat ug naglig-on kanimo