Jeremias 5:19

Ang Biblia 2011

Ug sa diha nga ang inyong katawhan moingon, ‘Ngano nga nabuhat man sa Ginoo nga atong Dios kining mga butanga nganhi kanato?’ ikaw moingon kanila, ‘Ingon nga kamo mibiya kanako ug nag-alagad sa laing mga dios diha sa inyong yuta, kinahanglang mag-alagad usab kamo sa mga langyaw diha sa yuta nga dili inyo.’ ”

Cross References

Jeremias 13:22

Kon ikaw moingon diha sa imong kasingkasing, ‘Nganong miabot man kanako kining mga butanga?’ kini tungod sa pagkadako sa imong pagkadaotan, nga ang mga sidsid sa imong saya gibukas, ug ikaw gipanamastamasan.

Jeremias 16:13

busa hinginlan ko kamo gikan niining yutaa ngadto sa yuta nga wala mahibaloi ninyo ug sa inyong mga katigulangan, ug didto mag-alagad kamo sa laing mga dios adlaw ug gabii kay ako dili magpakita kaninyo ug kaluoy.’

Jeremias 17:4

Mabuhian nimo ang panulundon nga akong gihatag kanimo ug paalagaron ko ikaw sa imong mga kaaway didto sa yuta nga wala nimo mahibaloi, kay sa akong kasuko nahaling ang kalayo nga magdilaab hangtod sa kahangtoran.”

Jeremias 2:13

kay ang akong katawhan nakahimo ug duha ka kadaotan: sila mibiya kanako, ang tuboran sa mga tubig nga buhi, ug nagkalot ug mga tigomanan ug tubig alang sa ilang kaugalingon, mga tigomanan ug tubig nga may liki nga dili kasudlan ug tubig.

Jeremias 2:14

“Ulipon ba ang Israel? Natawo ba siya nga sulugoon? Ngano nga nahimo man siya nga tukbonon?

Jeremias 2:35

ikaw nag-ingon, ‘Ako walay sala; sa pagkatinuod ang iyang kasuko mipalayo kanako.’ Tan-awa, hukman ko ikaw sa imong pag-ingon, ‘Ako wala makasala.’

Jeremias 5:18

“Apan bisan pa nianang mga adlawa, nag-ingon ang Ginoo, dili ako maghimo ug hingpit nga pagtapos kaninyo.

Jeremias 5:20

Ipahayag ninyo kini diha sa balay ni Jacob, ug isangyaw kini sa Juda:

Jeremias 9:12

Kinsa bay tawo nga maalamon kaayo nga makasabot niini? Kinsa bay gisultihan sa Ginoo, aron siya makapahayag niini? Nganong nalaglag man ang yuta ug naawaaw sama sa kamingawan, nga tungod niini wala nay moagi?

Jeremias 9:13

Ug ang Ginoo miingon: “Tungod kay sila mibiya sa akong balaod nga akong gibutang sa ilang atubangan, ug wala magtuman sa akong tingog, o maglakaw subay niini,

Mga Pagbangotan 5:8

Ang mga ulipon naghari kanamo; walay makaluwas kanamo gikan sa ilang nga kamot.