Jeremias 5:15

Ang Biblia 2011

Tan-awa, padad-an ko kamo ug usa ka nasod gikan sa layo, O balay sa Israel, nag-ingon ang Ginoo. Kini usa ka gamhanan nga nasod usa ka karaan nga nasod, usa ka nasod nga ang pinulongan wala nimo mahibaloi, o masabtan nimo ang ilang gisulti.

Cross References

Genesis 11:7

Dali, manganaog kita ug libogon nato ang ilang mga pinulongan aron sila dili na magkasinabot sa ilang sinultihan ang usa ug usa.”

Salmo 81:5

Gihimo niya kini nga usa ka sugo alang kang Jose, sa diha nga migula siya batok sa yuta sa Ehipto. Nakadungog ako ug tingog nga wala nako mailhi:

Isaias 28:11

Hinuon pinaagi sa langyaw nga mga ngabil ug pinaagi sa laing dila ang Ginoo mosulti niining maong katawhan,

Isaias 29:3

Ug ako magkampo batok kanimo, sa imong palibot, ug libotan ko ikaw sa mga tore, ug magpatindog ako ug mga kahimanan sa pagsulong batok kanimo.

Isaias 29:6

ikaw duawon sa Ginoo sa mga panon uban ang dalugdog ug linog ug dakong dahunog, uban ang alimpulos ug unos, ug ang nagdilaab nga kalayo nga maglamoy.

Isaias 33:19

Ikaw dili na makakita sa mapahitas-on nga katawhan, ang katawhan nga lisod ug sinultihan nga dili gayod nimo matugkad, magkangakanga diha sa pinulungan nga dili nimo masabot.

Isaias 39:3

Unya si Isaias nga propeta miadto kang Hari Hesekias, ug miingon kaniya, “Unsay giingon niining mga tawhana? Ug diin gikan sila nga mianhi kanimo?” Ug si Hesekias miingon, “Sila mianhi kanako gikan sa usa ka layo nga yuta, gikan sa Babilonia.”

Isaias 5:26

Mag-isa siya ug usa ka timailhan alang sa usa ka layong nasod ug taghoyan kini gikan sa kinatumyan sa yuta; ug tan-awa, moanhi kini sa labing dali!

Isaias 5:7

Kay ang parasan sa Ginoo sa mga panon mao ang balay sa Israel, ug ang mga tawo sa Juda mao ang iyang tanom nga makapahimuot, ug siya nagpaabot sa hustisya apan tan-awa, pagpaagas ug dugo; sa pagkamatarong, apan tan-awa, usa ka pagtuaw!

Jeremias 1:15

Kay, tan-awa, ako magtawag sa tanang mga banay sa mga gingharian sa amihanan, nag-ingon ang Ginoo. Ug sila mangabot, ug ang matag usa magpahiluna sa iyang trono diha sa agianan sa mga ganghaan sa Jerusalem, batok sa tanang mga paril nga naglibot niini, ug batok sa tanang mga siyudad sa Juda.

Jeremias 2:26

“Ingon nga ang kawatan maulawan sa dihang madakpan, mao usab ang balay sa Israel maulawan: sila, ang ilang mga hari, ang ilang mga pangulo, ang ilang mga pari ug ang ilang mga propeta,

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 4:16

Pasidan-i ang kanasoran nga siya umaabot; ipahibalo ngadto sa Jerusalem, “Mga kasundalohan misulong gikan sa layo nga kayutaan; sila nagsinggit batok sa mga siyudad sa Juda.

Jeremias 5:11

Kay ang balay sa Israel ug ang balay sa Juda nagbudhi gayod kanako, nag-ingon ang Ginoo.

Jeremias 6:22

Mao kini ang giingon sa Ginoo: “Tan-awa, usa ka katawhan moabot gikan sa yuta sa amihanan, ang usa ka dakong nasod nangandam sa pagsulong gikan sa mga kinatumyang dapit sa yuta.

Jeremias 9:26

ang Ehipto, ang Juda, ang Edom, ang mga kaliwat sa Amon, ang Moab, ug ang tanan nga nagpuyo sa kamingawan, nga nagpatupi sa ilang buhok. Kay kining tanang kanasoran dili tinuli ug ang tibuok balay sa Israel dili tinuli diha sa kasingkasing.”

Ezequiel 18:31

Isalikway gikan kaninyo ang tanan ninyong kalapasan nga inyong gihimo batok kanako, ug bag-oha ninyo ang inyong kasingkasing ug bag-oha ang inyong espiritu! Kay ngano ba nga mamatay kamo, O balay sa Israel?

Daniel 1:4

mga batan-on nga walay apan sa lawas, ambongan ug batid sa tanang kaalam, tinugahan sa kahibalo, hait ug salabotan, ug takos sa pag-alagad sa palasyo sa hari, ug sa pagtudlo kanila sa mga letra ug sa pinulongan sa mga Caldeanhon.

Daniel 7:7

Human niini, nakita nako diha sa mga panan-awon sa pagkagabii nga dihay ikaupat nga mananap, makalilisang ug bangis ug hilabihan ka kusgan, ug kini may dagkong mga ngipon nga puthaw. Kini milamoy ug mikuniskunis ug miyatak sa salin pinaagi sa iyang mga tiil. Kini lahi sa tanang mananap nga una kaniya, ug kini adunay napulo ka sungay.

Amos 6:14

“Tan-awa, ako magpatindog ug usa ka nasod batok kaninyo, O balay sa Israel,” nag-ingon ang Ginoo, ang Dios sa mga panon; “ug sila magsakit kaninyo gikan sa inyong pagsulod sa Hamat hangtod sa Sapa sa Araba.”

Habacuc 3:16

Nakabati ako, ug mikurog ang akong lawas, ang akong mga ngabil mikurog sa pagkabati sa tingog; ang pagkadunot misulod sa akong kabukogan, nagkurogkurog ang akong mga lakang. Magpaabot lamang ako sa hilom alang sa adlaw sa kasamok sa pag-abot ngadto sa katawhan nga mosulong kanamo.

1 Mga Taga-Corinto 14:21

Sa balaod nasulat kini, “Pinaagi sa mga tawong lahi ug pinulongan, ug pinaagi sa mga ngabil sa uban ako mosulti niining mga tawhana, apan bisan pa niini dili sila mamati kanako, nag-ingon ang Ginoo.”

Deuteronomio 28:33

Ang nasod nga wala ninyo mailhi maoy magkaon sa abot sa inyong yuta ug sa tanan ninyong hinagoan, ug daogdaogon kamo ug paantoson sa kanunay,

Deuteronomio 28:49

Ang Ginoo magdala batok kaninyo ug usa ka nasod gikan sa layo, gikan sa kinatumyan sa kalibotan, sama ka tulin sa lupad sa agila, usa ka nasod nga ang sinultihan dili ninyo masabtan,