Jeremias 5:10

Ang Biblia 2011

“Panaka kamo agi sa iyang mga kaparasan, ug gun-oba kini, apan ayaw hingpita sa pagguba; kuhaa ang iyang mga sanga, kay dili kini iya sa Ginoo.

Cross References

2 Cronicas 12:4

Nakuha niya ang mga kinutaang siyudad sa Juda ug miadto hangtod sa Jerusalem.

2 Cronicas 36:17

Busa gipadala niya batok kanila ang hari sa mga Caldeanhon nga mipatay sa ilang mga batan-ong lalaki pinaagi sa espada diha sa balay sa ilang balaang puluy-anan ug walay kaluoy sa batan-ong lalaki o sa ulay, sa mga tigulang o sa may panuigon, gitugyan niya silang tanan ngadto sa iyang kamot.

Jeremias 2:21

Bisan pa niana gitanom ko ikaw nga usa ka piniling paras, tibuok gayod nga lunsayng binhi. Naunsa ba nga mikunhod man ikaw ug nahimong ihalas nga bagon?

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 30:11

Kay ako mag-uban kanimo aron sa pagluwas kanimo, nag-ingon ang Ginoo; taposon nako ang tanang mga nasod diin didto kanila gipatibulaag ko ikaw, apan kanimo dili nako himoon ang pagtapos. Pantonon ko ikaw sumala sa kaangayan, ug dili ko gayod ikaw biyaan nga dili silotan.

Jeremias 39:8

Gisunog sa mga Caldeahanon ang balay sa hari, ug ang mga balay sa katawhan ug gitumpag ang mga paril sa Jerusalem.

Jeremias 4:27

Kay mao kini ang giingon sa Ginoo, “Ang tibuok nga yuta mahimong biniyaan, apan dili nako kini taposon.

Jeremias 46:28

Ayaw kahadlok, O Jacob nga akong alagad, nag-ingon ang Ginoo, kay ako uban kanimo. Akong taposon sa hingpit ang tanang mga nasod nga akong abogan kanimo apan mahitungod kanimo dili kamo nako taposon sa hingpit. Pantonon ko kamo sumala sa kaangayan, ug dili ko gayod kamo pasagdan nga dili masilotan.”

Jeremias 5:11

Kay ang balay sa Israel ug ang balay sa Juda nagbudhi gayod kanako, nag-ingon ang Ginoo.

Jeremias 5:18

“Apan bisan pa nianang mga adlawa, nag-ingon ang Ginoo, dili ako maghimo ug hingpit nga pagtapos kaninyo.

Jeremias 5:9

Dili ba nako sila silotan tungod niining mga butanga? nag-ingon ang Ginoo; ug dili ba ako manimalos sa nasod nga sama niini?

Ezequiel 12:16

Apan paikyason nako ang pipila kanila gikan sa espada, gikan sa gutom ug kamatay aron ibutyag nila ang tanan nilang mga dulumtanan taliwala sa mga nasod nga ilang adtoan ug sila makaila nga ako mao ang Ginoo.”

Ezequiel 14:17

O kon dad-on nako ang espada ngadto nianang yutaa ug mag-ingon, ‘Paagia ang espada latas sa yuta,’ ug laglagon nako gikan niini ang tawo ug mananap,

Oseas 1:9

Unya ang Ginoo miingon, “Tawga ang iyang ngalan nga Loami, kay kamo dili akong katawhan, ug ako dili inyong Dios.”

Amos 9:8

Tan-awa, ang mga mata sa Ginoong Dios nagtan-aw sa makasasala nga gingharian, ug laglagon nako kini gikan sa yuta; hinuon dili nako laglagon sa hingpit ang balay ni Jacob,” nag-ingon ang Ginoo.

Mateo 22:7

Ang hari nasuko ug gipaadtoan niya sila sa iyang mga sundalo ug gipapatay ang maong mga mamumuno ug gipasunog ang ilang siyudad.