Jeremias 5:1

Ang Biblia 2011

Dagan ngadto ug nganhi diha sa kadalanan sa Jerusalem, tan-awa ug hibaloi! Pangitaa diha sa mga hawan nga dapit niini kon makakita ba kamo ug usa ka tawo nga nagbuhat sa hustisya ug nangita sa kamatuoran; aron ako magpasaylo sa Jerusalem.

Cross References

1 Mga Hari 19:10

Siya miingon, “Ako nangabubho pag-ayo alang sa Ginoo, ang Dios sa mga panon, kay ang katawhan sa Israel misalikway sa imong kasabotan, migun-ob sa imong mga halaran ug mipatay ang imong mga propeta pinaagi sa espada, ug ako, ako na lamang ang nahibilin ug gipangita nila ang akong kinabuhi aron sa pagkuha niini.”

2 Cronicas 16:9

Kay ang mga mata sa Ginoo nagtan-aw ngadto-nganhi sa tibuok yuta aron sa pagpakita sa iyang gahom alang kanila nga ang mga kasingkasing putli ngadto kaniya. Naghimo ikaw ug binuang tungod niini. Busa sukad karon ikaw aduna nay mga gubat.”

Salmo 12:1

Tabang, Ginoo, kay wala nay usa nga diosnon; kay ang matinumanon nangawala gikan sa mga anak sa mga tawo.

Salmo 14:2

Ang Ginoo nagsud-ong gikan sa langit ngadto sa mga anak sa mga tawo, sa pagtan-aw kon may usa ba nga maalam, nga nangita sa Dios.

Salmo 14:3

Silang tanan nangasaag, sila nangadunot sa tingob; walay si bisan kinsa nga nagbuhat ug maayo, wala, walay bisan usa.

Salmo 94:16

Kinsa ba ang motindog alang kanako batok sa mga daotan? Kinsa ba ang motindog alang kanako batok sa mga tigbuhat ug daotan?

Mga Panultihon 20:6

Daghang mga tawo magpahayag sa iyang kaugalingong pagkamaunongon, apan kinsay makakaplag ug usa ka matinumanon nga tawo?

Mga Panultihon 23:23

Palita ang kamatuoran ug ayaw kini ibaligya; palita ang kaalam, pahimangno ug ang salabotan.

Mga Panultihon 8:3

sa kilid sa mga ganghaan, atubangan sa lungsod, diha sa mga agianan siya nagsinggit sa kusog nga tingog:

Awit sa mga Awit 3:2

“Mobangon ako karon ug magsuroysuroy sa siyudad, diha sa kadalanan ug sa mga hawanan; pangitaon gayod nako siya nga gihigugma sa akong kalag.” Gipangita nako siya, apan wala nako siya makit-i.

Isaias 59:4

Walay nangaliyupo nga minatarong, walay naghangyo nga matinud-anon; sila nagsalig sa kakawangan ug nagsulti ug mga bakak, sila nagsamkon ug daotan ug nanganak ug kasal-anan.

Jeremias 2:29

“Nganong nagmulo man kamo kanako? Kamong tanan misupil kanako, nag-ingon ang Ginoo.

Jeremias 44:15

Unya ang tanang mga lalaki nga nahibalo nga ang ilang mga asawa naghalad ug insenso ngadto sa laing mga dios, ug ang tanang mga babaye nga nagtindog didto, usa ka dakong tigom, ang tibuok katawhan nga nagpuyo sa Patros didto sa yuta sa Ehipto, mitubag kang Jeremias:

Jeremias 8:6

Ako nagtagad ug namati, apan wala sila magsulti sa matarong; walay tawo nga naghinulsol sa iyang pagkadaotan nga nag-ingon, ‘Unsa bay akong nabuhat?’ Ang matag usa nagpadayon sa iyang kaugalingong dalan, sama sa kabayo nga nagdagan paingon sa gubat.

Jeremias 9:2

Aduna unta akoy usa ka balay didto sa kamingawan alang sa mga tawong nagpanaw, aron ako makabiya sa akong katawhan ug mopalayo gikan kanila! Kay silang tanan mga mananapaw, usa ka katilingban sa mabudhiong mga tawo.

Jeremias 9:7

Busa kini mao ang giingon sa Ginoo sa mga panon: “Tan-awa, ulayon nako sila ug sulayan kay unsa pa may akong mahimo tungod sa akong katawhan?

Ezequiel 22:30

Ug gipangita nako ang tawo sa ilang taliwala nga magtukod sa kuta ug motindog diha sa buho sa atubangan nako alang sa yuta, aron dili nako kini laglagon; apan ako walay nakaplagan.

Ezequiel 9:9

Unya siya miingon kanako, “Ang kasal-anan sa balay sa Israel ug sa Juda hilabihan ka dako, ug ang yuta napuno sa dugo, ug ang siyudad napuno sa pagtuis sa hustisya kay sila nag-ingon man, ‘Ang Ginoo mibiya sa yuta, ug ang Ginoo dili makakita.’

Daniel 12:4

Apan ikaw, O Daniel, tagoa ang mga pulong ug takpi ang basahon, hangtod sa panahon sa kataposan. Daghan ang managan ngadto-nganhi ug ang kahibalo mouswag.”

Joel 2:9

Manglukso sila sa siyudad, managan sila ibabaw sa mga kuta; manaka sila sa kabalayan, manulod sila agi sa mga bintana sama sa kawatan.

Amos 8:12

Sila maglatagaw gikan sa usa ka dagat ngadto sa laing dagat, ug gikan sa amihanan ngadto sa silangan; managan sila ngadto-nganhi aron sa pagpangita sa pulong sa Ginoo, apan dili sila makakaplag niini.

Zacarias 2:4

ug miingon kaniya, “Dagan, sultihi kining batan-ong lalaki, ‘Ang Jerusalem puy-an sama sa kabalangayan nga walay mga kuta, tungod sa panon sa mga tawo ug sa kahayopan didto.

Lucas 14:21

Unya ang ulipon mipauli ug misugilon niini ngadto sa iyang agalon. Ug uban sa kasuko ang tagbalay miingon sa iyang ulipon, ‘Lakaw dayon ngadto sa mga kadalanan ug mga agianan sa lungsod, ug dad-a dinhi ang mga kabos, mga bakol, mga buta ug ang mga piang.’

2 Mga Taga-Tesalonica 2:10

ug uban sa tanang limbong sa pagkadili matarong nila nga nagkalaglag, tungod kay sila nagdumili sa paghigugma sa kamatuoran aron unta mangaluwas sila.