Jeremias 49:8

Ang Biblia 2011

Palayo, balik, puyo sa mga kahiladman, O mga lumulupyo sa Dedan! Kay akong ipadala ang kataglagman ni Esau nganha kaniya, sa panahon nga ako magsilot kaniya.

Cross References

Isaias 2:21

aron mosulod sa mga langob sa mga bato, ug sa mga liki sa mga pangpang, gikan sa atubangan sa pagkamakalilisang sa Ginoo ug gikan sa himaya sa iyang pagkahalangdon, sa diha nga siya motindog aron sa paglisang sa yuta.

Isaias 21:13

Ang mensahe mahitungod sa Arabia. Sa kalasangan sa Arabia kamo mopuyo, O kamong mga magpapanaw nga mga Dedanhanon.

Isaias 34:5

Kay ang akong espada nakainom na pag-ayo didto sa kalangitan; tan-awa, kini manaog aron sa paghukom sa Edom, ibabaw sa katawhan nga akong gihukman.

Jeremias 25:23

ang Dedan, ang Tema, ug ang Buz, ug ang tanan nga nagpatupi sa ilang buhok;

Jeremias 46:21

Bisan ang iyang mga sundalong sinuholan sa taliwala niya sama sa pinatambok nga mga baka. Oo, sila namiya ug nangagiw, wala sila mosugakod; kay ang adlaw sa ilang katalagman miabot kanila, ang panahon sa pagsilot kanila.

Jeremias 48:28

“Biyai ninyo ang mga siyudad, ug pamuyo kamo sa pangpang, O mga lumulupyo sa Moab! Pagpakasama kamo sa salampati nga nagsalag sa kadaplinan sa baba sa pangpang.

Jeremias 48:44

Siya nga midagan gikan sa kahadlok mahulog ngadto sa gahong ug siya nga mosaka gikan sa gahong mabitik sa lit-ag. Kay dad-on nako kining mga butanga ngadto sa Moab sa tuig sa pagsilot kanila, nag-ingon ang Ginoo.

Jeremias 48:6

Palayo! Luwasa ang inyong kaugalingon! Pagpakasama sa ihalas nga asno diha sa kamingawan!

Jeremias 49:30

Palayo kamo, kagiw kamo ngadto sa layo, pamuyo kamo sa mga kahiladman, O mga lumulupyo sa Hasor! nag-ingon ang Ginoo. Kay si Nabucodonosor nga hari sa Babilonia naglaraw batok kaninyo ug adunay tuyo batok kaninyo.

Jeremias 49:32

Ang ilang mga kamilyo mahimong tinulis, ang mga panon sa ilang mga baka, inilog. Akong patibulaagon ngadto sa tanang dapit kadtong nagputol sa buhok sa ilang tampihak, ug ipadala nako ang ilang katalagman gikan sa tanang kilid nila, nag-ingon ang Ginoo.

Jeremias 50:27

Pamatya ang tanan niyang mga torong baka, paadtoa sila sa ihawan. Alaot sila, kay ang ilang nga adlaw miabot na, ang panahon sa pagsilot kanila.

Jeremias 6:1

Pangagiw kamo aron maluwas, O katawhan ni Benjamin, gikan sa kinataliwad-an sa Jerusalem! Patingoga ang trumpeta didto sa Tekoa, ug pag-isa ug ilhanan diha sa Bet-hakerem, kay ang daotan mitunga gikan sa amihanan, ug ang usa ka dakong pagkalaglag.

Ezequiel 25:13

busa mao kini ang giingon sa Ginoong Dios: Tuy-oron nako ang akong kamot batok sa Edom ug puohon nako ang tawo ug mananap gikan niini ug himoon ko kini nga mingaw. Gikan sa Teman hangtod sa Dedan, sila mangapukan pinaagi sa espada.

Malaquias 1:3

apan gidumtan nako si Esau. Gihimo nako nga awaaw ang iyang kabukiran ug gipasagdan ang iyang panulundon ngadto sa mga irong ihalas sa kamingawan.”

Malaquias 1:4

Kon ang Edom moingon, “Kami nalaglag na apan tukoron namo pag-usab ang nagun-ob,” ang Ginoo sa mga panon moingon, “Mahimong tukoron nila apan akong lumpagon hangtod nga tawgon sila nga daotan nga nasod, ang katawhan nga gikaligutgotan sa Ginoo hangtod sa kahangtoran.”

Gipadayag 6:15

Unya ang mga hari sa yuta ug ang mga bantogang tawo ug ang mga heneral ug ang mga dato ug ang mga kusgan, ug ang matag usa, ulipon ug tawong gawasnon, nanago sa mga langob ug sa mga pangpang sa kabukiran,

Mga Maghuhukom 6:2

Ug ang kamot sa Midian mipatigbabaw batok sa Israel ug tungod sa Midian, ang katawhan sa Israel naghimog ilang mga tagoanan nga anaa sa kabukiran, sa mga langob ug sa mga lig-ong salipdanan.

1 Samuel 13:6

Sa pagkakita sa mga tawo sa Israel nga diha sila sa kalisdanan (kay ang katawhan naguol), ang mga tawo nagtago sa ilang kaugalingon sa mga langob ug sa mga lungag ug sa mga dagkong bato ug sa mga lubnganan ug sa mga gahong.