Jeremias 49:7

Ang Biblia 2011

Mahitungod sa Edom. Mao kini ang giingon sa Ginoo sa mga panon: “Wala na ba ang kaalam diha sa Teman? Nawala ba ang pagtambag gikan sa mga ligdong? Nahanaw ba ang ilang kaalam?

Cross References

Genesis 25:30

Ug si Esau miingon kang Jacob, “Pakan-a ako nianang pulapula nga sinabaw kay gigutom kaayo ako.” Busa ginganlan siya ug Edom.

Genesis 27:41

Busa si Esau nagdumot kang Jacob tungod sa panalangin nga gipanalangin kaniya sa iyang amahan ug miingon siya sa iyang kaugalingon, “Duol na ang mga adlaw sa pagbangutan tungod sa akong amahan, unya patyon nako si Jacob nga akong igsoon.”

Genesis 32:3

Ug si Jacob nagsugo ug mga sulugoon una kaniya ngadto kang Esau nga iyang igsoon didto sa yuta sa Seir, sa kayutaan sa Edom,

Genesis 36:11

Ug ang mga anak nga lalaki ni Elipas mao si Teman, si Omar, si Zefo, si Gatam ug si Kenas.

Genesis 36:15

Kini sila mao ang mga pangulo sa mga anak nga lalaki ni Esau. Ang mga anak nga lalaki ni Elipas nga kamagulangan ni Esau: ang mga pangulo mao sila si Teman, si Omar, si Zefo, si Kenas,

Genesis 36:34

Namatay si Jobab, ug si Husam sa yuta sa mga Temanhanon mao ang naghari puli kaniya.

Genesis 36:8

Busa si Esau mipuyo didto sa kabukiran sa Seir. Si Esau mao si Edom.

1 Cronicas 1:53

si Kenas, si Teman, si Mibsar,

Job 2:11

Sa pagkadungog sa tulo ka higala ni Job niining tanang kadaotan nga midangat kaniya, miadto ang matag usa kanila gikan sa iyang kaugalingong dapit: si Elipas nga Temanhanon, si Bildad nga Suhihanon, ug si Zofar nga Naamatihanon. Sila nagsabot nga moduaw aron sa pagduyog sa iyang kasakit ug paghupay kaniya.

Job 4:1

Unya mitubag si Elipas nga Temanhanon:

Salmo 137:7

Hinumdomi, O Ginoo, batok sa mga kaliwat sa Edom, ang adlaw sa Jerusalem, kon giunsa nila sa pag-ingon, “Gun-oba kini! Hangtod ang mga patukoranan niini!”

Isaias 21:11

Ang mensahe mahitungod sa Duma. Adunay nagtawag kanako gikan sa Seir, “Tigbantay, unsa man sa pagkagabii? Tigbantay, unsa man sa pagkagabii?”

Isaias 29:14

busa, tan-awa, ako magbuhat pag-usab ug mga katingalahan nga buhat sa taliwala niining katawhan, katingalahan ug kahibulongan; ug ang kaalam sa ilang maalamon nga mga tawo mahanaw, ug ang pagsabot sa ilang mga tawo nga hait ug salabotan tagoan.”

Jeremias 12:14

Mao kini ang giingon sa Ginoo mahitungod sa tanan nakong mga daotang silingan, nga nanghilabot sa panulundon nga akong gipapanunod sa akong katawhan nga Israel: “Tan-awa, ibton nako sila gikan sa yuta ug akong ibton ang balay sa Juda gikan sa taliwala nila.

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Jeremias 25:21

ang Edom, ang Moab, ug ang mga kaliwat ni Ammon;

Jeremias 25:23

ang Dedan, ang Tema, ug ang Buz, ug ang tanan nga nagpatupi sa ilang buhok;

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 49:20

Busa pamatia ang laraw nga gihimo sa Ginoo batok sa Edom ug ang katuyoan nga iyang gihunahuna batok sa mga nagpuyo sa Teman: Bisan ang mga gagmay sa panon guyoron sa layo, ang ilang mga toril makugang sa ilang dangatan.

Jeremias 8:9

Ang mga tawong maalamon pakaulawan, sila mangalisang ug pamihagon; tan-awa, ilang gisalikway ang pulong sa Ginoo, unsa nga kaalam ang anaa kanila?

Mga Pagbangotan 4:21

Pagmaya ug paglipay, O anak nga babaye sa Edom, nga nagpuyo sa yuta sa Uz; apan nganha usab kanimo ang kupa moagi; ikaw mahubog ug maghubo sa imong kaugalingon.

Ezequiel 32:29

“Atua ang Edom, ang iyang mga hari ug ang tanan niyang nga mga pangulo, nga bisan sa ilang gahom naghigda uban kanila nga mga gipamatay pinaagi sa espada, sila nanghigda uban sa mga dili tinuli, ug uban kanila nga nanganaog sa Gahong.

Daniel 11:41

Siya mosulod sa mahimayaong yuta, ug kaliboan ka libo ang mangapukan apan kini luwason gikan sa iyang kamot: ang Edom ug Moab, ug ang kinadak-ang bahin sa mga Amonihanon.

Joel 3:19

“Ang Ehipto mahimong awaaw, ug ang Edom mahimong kamingawan nga biniyaan, tungod sa kabangis nga gibuhat ngadto sa katawhan sa Juda, kay gipaagas nila ang dugo sa walay sala diha sa ilang yuta.

Habacuc 3:3

Ang Dios mianhi gikan sa Teman, ug ang Balaan gikan sa Bukid sa Paran. Ang iyang himaya milukop sa kalangitan, ug ang yuta napuno sa pagdayeg. Selah

Deuteronomio 23:7

“Ayaw dumti ang usa ka Edomhanon kay siya inyong igsoon. Ayaw pagdumot sa Ehiptohanon kay langyaw kamo kaniadto sa iyang yuta.