Jeremias 49:3

Ang Biblia 2011

“Pagminatay, O Hesbon, tungod kay ang Ai nagun-ob na! Hilak, O mga anak nga babaye sa Raba! Pagtapis kamo ug sako, pagbangutan, ug pagbalikbalik ug dagan diha sa mga koral! Kay si Milcom bihagon uban sa iyang mga pari ug sa iyang mga pangulo.

Cross References

2 Samuel 11:1

Sa tingpamulak niadtong tuiga, sa panahon nga ang mga hari mosulong aron sa pagpakiggubat, gipadala ni David si Joab ug ang iyang mga alagad uban kaniya, ug ang tibuok Israel, ug ilang gilaglag ang mga Amonihanon ug gisulong ang Raba. Apan si David nagpabilin sa Jerusalem.

1 Mga Hari 11:33

tungod kay ila akong gitalikdan, ug nagsimba sila kang Astarot nga diosa sa mga Sidonhanon, kang Camos nga dios sa Moab ug kang Milcom nga dios sa mga Amonihanon, ug wala sila maglakaw sa akong mga dalan, sa pagbuhat sa matarong diha sa akong panan-aw ug sa pagtuman sa akong mga lagda ug sa akong mga tulumanon, sama sa gihimo ni David nga iyang amahan.

1 Mga Hari 11:5

Kay si Solomon misimba kang Astarot, ang diosa sa mga Sidonhanon, ug kang Milcom, ang dulumtanan diha sa mga Amonihanon.

2 Mga Hari 23:13

Gipasipalahan sa hari ang mga habog nga dapit nga diha sa silangan sa Jerusalem, dapit sa habagatan sa Bungtod sa Pagkadunot nga gitukod ni Solomon nga hari sa Israel alang kang Astarot nga dulumtanan nga iya sa mga Sidonhanon, ug alang kang Camos nga dulumtanan nga iya sa Moab ug alang kang Milcom nga dulumtanan nga iya sa mga Amonihanon.

Esdras 2:28

Ang katawhan sa Betel ug sa Ai, 223.

Isaias 13:6

Pagminatay kamo, kay ang adlaw sa Ginoo duol na; ingon nga kalaglagan gikan sa Labing Gamhanan kini moabot!

Isaias 14:31

Pagminatay, O ganghaan; hilak, O siyudad; katunaw sa kahadlok, O Filistia, kamong tanan! Kay ang aso mogula gikan sa amihanan, ug walay bisan usa nga mahibilin diha sa iyang mga laray.”

Isaias 15:2

Mitungas ang mga anak nga babaye sa Dibon ngadto sa habog nga mga dapit aron sa pagbakho; ang Moab nagminatay tungod sa Nebo, ug tungod sa Medeba. Ang tanang ulo upaw, tanang bungot gikiskisan;

Isaias 16:7

Busa paminataya ang Moab, ang matag usa paminataya alang sa Moab. Magbangutan sila, mag-antos sa hilabihan, alang sa mga torta nga pasas sa Kir-hareset.

Isaias 23:1

Ang mensahe mahitungod sa Tiro. Pagminatay kamo, mga barko sa Tarsis, kay ang Tiro gilaglag na, wala nay balay o dunggoanan! Gikan sa yuta sa Cipro kini gipahibalo kanila.

Isaias 23:6

Panabok kamo ngadto sa Tarsis, pagminatay, O mga lumulupyo sa kabaybayonan!

Jeremias 4:8

Busa pagsul-ob kamo ug sako, pagbangutan kamo ug pagminatay kay ang bangis nga kasuko sa Ginoo wala mobiya kanato.”

Jeremias 46:25

Ang Ginoo sa mga panon, ang Dios sa Israel, nag-ingon, “Tan-awa, ako nagdala ug silot ngadto kang Ammon sa Tebes ug sa Paraon ug sa Ehipto ug sa iyang mga dios ug sa iyang mga hari ngadto sa Paraon ug sa mga nagsalig kaniya.

Jeremias 48:2

nahanaw na ang kabantog sa Moab. Sa Hesbon naglaraw sila ug daotan batok kaniya, ‘Dali, pukanon nato siya gikan sa iyang pagkanasod!’ Ikaw usab, O Madmen, pahilumon; ang espada maggukod kanimo.

Jeremias 48:20

Ang Moab nahiagom sa kaulawan, kay nagun-ob kini; pagminatay ug hilak! Isugilon kini pinaagi sa Arnon, nga ang Moab gilaglag na.

Jeremias 48:37

“Kay ang tanang ulo gikiskisan ug ang tanang bungot gibalbasan; ang tanang mga kamot adunay mga samad ug diha sa mga hawak ang bisti nga sako.

Jeremias 48:7

Tungod kay ikaw nagsalig sa imong mga kuta ug sa imong mga bahandi, kuhaon usab ikaw; ug si Camos bihagon, uban ang iyang mga pari ug ang iyang mga pangulo.

Jeremias 49:1

Mahitungod sa mga Amonihanon. Mao kini ang giingon sa Ginoo: “Wala bay mga anak nga lalaki ang Israel? Wala ba siyay manununod? Busa nganong giilogan man ni Milcom ang Gad, ug ang iyang katawhan mipuyo sa mga siyudad niini?

Jeremias 51:8

Ang Babilonia sa kalit napukan ug nabuak; pagminatay kamo alang kaniya! Pagkuha kamo ug tambal alang sa iyang samad; basin ug mamaayo siya.

Jeremias 6:26

O anak sa akong katawhan, pagsul-ob ug sako ug ligid sa abo; pagsubo nga daw alang sa bugtong anak, ang labing pait nga pagbangutan; kay sa kalit ang tiglaglag moanhi kanato.

Amos 1:15

ug ang ilang hari mabihag, siya ug ang iyang mga tinugyanan,” nag-ingon ang Ginoo.

Sofonias 1:5

kadtong nagsimba sa mga panon sa langit nga anaa sa mga atop sa balay; kadtong nagsimba ug nanumpa ngadto sa Ginoo, apan nanumpa pinaagi sa ngalan ni Milcom,

Santiago 5:1

Kamong, mga dato, panghilak ug paniyabaw kamo tungod sa mga kalisdanan nga taliabot kaninyo.

Josue 7:2

Si Josue nagpadala ug mga tawo gikan sa Jerico ngadto sa Ai nga duol sa Bet-aven, dapit sa silangan sa Betel ug miingon kanila, “Pangadto kamo ug panid-i ang yuta.” Ug ang katawhan nangadto ug naniid sa Ai.

Josue 8:1

Unya ang Ginoo miingon kang Josue, “Ayaw kahadlok o kaluya. Dad-a ang tanang mga lalaki nga manggugubat uban kanimo ug pangandam, unya lakaw ngadto sa Ai. Tan-awa, gihatag nako sa imong kamot ang hari sa Ai ug ang iyang katawhan, ang iyang siyudad ug ang iyang yuta.

Josue 8:28

Busa gisunog ni Josue ang Ai ug gihimo kining usa ka tapok sa mga ginuba hangtod sa kahangtoran, ingon niini hangtod niining mga adlawa.