Jeremias 49:2

Ang Biblia 2011

Busa, tan-awa, ang mga adlaw miabot na, nag-ingon ang Ginoo, nga akong ipadungog ang usa ka singgit sa gubat batok sa Raba sa mga Amonihanon. Kini mahimong biniyaan nga tinapok, ug ang iyang mga balangay sunogon sa kalayo; unya ang Israel mangilog niadtong nangilog kaniya, nag-ingon ang Ginoo.

Cross References

2 Samuel 11:1

Sa tingpamulak niadtong tuiga, sa panahon nga ang mga hari mosulong aron sa pagpakiggubat, gipadala ni David si Joab ug ang iyang mga alagad uban kaniya, ug ang tibuok Israel, ug ilang gilaglag ang mga Amonihanon ug gisulong ang Raba. Apan si David nagpabilin sa Jerusalem.

Salmo 48:11

palipaya ang bukid sa Zion! pamayaa ang mga anak nga babaye sa Juda, tungod sa imong mga paghukom!

Salmo 97:8

Ang Zion nakadungog ug nalipay, ug ang mga anak nga babaye sa Juda nagmaya, tungod sa imong mga paghukom, O Dios.

Isaias 11:14

Apan sila manghugpa sa abaga sa mga Filistihanon didto sa kasadpan; maghiusa sila sa pagpangsakmit sa mga tawo sa silangan. Ilang ituy-od ang ilang kamot batok sa Edom ug sa Moab, ug ang mga Amonihanon motuman kanila.

Isaias 17:1

Ang mensahe mahitungod sa Damasco. Tan-awa, ang Damasco mohunong ingon nga usa ka siyudad, ug mahimong usa ka pundok sa ginuba.

Jeremias 4:19

Ang akong kaguol, ang akong kaguol! Naglimbaglimbag ako sa kasakit! Daw mapikas ang akong kasingkasing! Ang akong kasingkasing gikulbaan pag-ayo; dili ako makahimo sa paghilom; kay akong nadungog ang tingog sa trumpeta, ang pasidaan alang sa gubat.

Jeremias 49:1

Mahitungod sa mga Amonihanon. Mao kini ang giingon sa Ginoo: “Wala bay mga anak nga lalaki ang Israel? Wala ba siyay manununod? Busa nganong giilogan man ni Milcom ang Gad, ug ang iyang katawhan mipuyo sa mga siyudad niini?

Ezequiel 21:20

Pagtimaan ug usa ka agianan alang sa espada nga moabot ngadto sa Raba sa mga Amonihanon ug ngadto sa Juda ug sa Jerusalem nga gipalig-onan.

Ezequiel 21:25

Ug ikaw, O daotan nga pangulo sa Israel, nga ang adlaw niya miabot na, ang panahon sa kataposang silot,

Amos 1:14

Busa maghaling ako ug kalayo sa kuta sa Raba, ug kini maglamoy sa mga salipdanan niini uban ang mga singgit sa adlaw sa gubat, uban ang bagyo sa panahon sa alimpulos;

Abdias 1:19

Sila nga atua sa Negeb manag-iya sa Bukid ni Esau, ug kadtong atua sa Sefela manag-iya sa yuta sa mga Filistihanon; sila manag-iya sa yuta sa Efraim ug sa yuta sa Samaria, ug si Benjamin manag-iya sa Gilead.

Numeros 10:9

Ug sa diha nga kamo moadto sa panggubatan sa inyong yuta batok sa kaaway nga nagdaogdaog kaninyo, patingoga ninyo ang tunog sa pasidaan pinaagi sa mga trumpeta ug kamo hinumdoman sa atubangan sa Ginoo nga inyong Dios ug maluwas kamo gikan sa inyong mga kaaway.

Numeros 21:25

Ug ang Israel mikuha niining tanang mga lungsod ug ang Israel mipuyo diha sa tanang mga siyudad sa mga Amorihanon, didto sa Hesbon ug sa tanang mga balangay niini.

Deuteronomio 13:16

Ug tigoma ang tanang inilog nga butang ngadto sa kinataliwad-an sa iyang dalan ug sunoga sa kalayo ang siyudad ug ang tanang inilog nga butang ingon nga tinibuok nga halad nga sinunog ngadto sa Ginoo nga inyong Dios. Kini magpabilin nga tinapok hangtod sa kahangtoran ug dili na tukoron pag-usab.

Deuteronomio 3:11

(Kay si Og lamang nga hari sa Basan maoy nahibilin sa mga salin sa mga Refahanon. Ang iyang lungon usa ka higdaanan nga puthaw, wala ba kini diha sa Raba sa mga Amonihanon? Ang gitas-on niini siyam ka maniko ug ang gilapdon upat ka maniko sumala sa maniko sa lalaki.)

Josue 17:11

Didto sa Isacar usab ug sa Aser, iya ni Manases ang Bet-sean ug ang mga balangay niini ug ang Ibleam ug ang mga balangay niini ug ang mga nagpuyo sa Dor ug ang mga balangay niini, ug ang mga nagpuyo sa En-dor ug ang mga balangay niini, ug ang mga nagpuyo sa Taanak ug ang mga balangay niini, ug ang mga nagpuyo sa Megido ug ang mga balangay niini, ang ikatulo mao ang Nafat.

Josue 17:16

Ug ang banay ni Jose miingon, “Ang kabungtoran dili igo alang kanamo apan ang tanang Canaanhon nga namuyo sa walog may mga karwahi nga puthaw, sila nga nagpuyo sa Bet-sean ug sa mga balangay niini ug ang mga nagpuyo sa kapatagan sa Jesreel.”